لە هەر شوێنێک ڕێژیمی ئێران هەبێت، بێسەرەبەرەییش هەیە
ێنتاگۆن" وەزارەتی بەرگریی ئامریکا بڵاوی کردووەتەوە، کە درێژەی هەوڵەکانی ڕێژیمی ئێران لە سووریه جێگای نیگەرانییە.
"دانا وایت" وتەبێژی وەزارەتی بەرگریی ئامریکا، لە پرێسکۆنفڕانسێکدا ڕایگەیاندووە، هەوڵ و کردەوەکانی ڕێژیمی ئیران لە ناوچەدا بووەتە هۆی ناسەقامگیریی ناوچەکە و ئەمنییەتی ناوچەکەی تێک داوە.
وتەبێژی وەزارەتی بەرگریی ئامریکا وتوویەتی: ئێمە لە دزەکردن و هەوڵە تێکدەرانەکانی ڕێژیمی ئیسلامیی ئێران لە ناوچەدا نیگەرانین و ئەو ڕێژیمە بە پشتیوانی لە هێزە میلیشیاکانی سەر بە خۆی وەک: حیزبوڵڵای لوبنان و حووسییەکانی یەمەن، ناسەقامگیریی ناوچەکەی تێک داوە و درێژە بەو هەوڵانەش دەدات".
وایت باسی لەوەش کردووە، لە هەر جێگایەک ڕێژیمی ئێران هەبێت، بێسەروبەرەیی هەیە.
ئەو بەرپرسەی ئامریکا، لە درێژەی قسەکانیدا وتوویەتی: کە شەڕی سووریە زۆر ئاڵۆز بووە و ئەوەش لە کاتێکدایە کە ڕێژیمی ئێران درێژە بە تێکدانی دۆخی سووریە دەدات و پشتیوانی لە سووریە دەکات.
ناوبراو لە بارەی ئەگەری شەڕی ئیسرائیل و سووریه جەختی کردەوە، کە ئێمە لە دزەکردنی ڕێژیمی ئێران لە ناوچەدا نیگەرانین و دژی ڕێژیمی ئێران ڕادەوستین، بەڵام ڕێژیمی ئێران لەسەر هەوڵەکانی خۆی بۆ تێکدانی ئەمنییەتی ناوچەکە پێداگره و کاری بۆ دەکات.
لەو پێوەندییەدا، ئیسرائیل بە نیسبەت کاروباری نیزامیی ڕێژیمی ئێران لە ناوچەدا نیگەرانیی خۆی دەربڕیوە و هۆشداری داوە، کە ئەو ڕێژیمە لە هەوڵدایە کە لە ڕێگای سووریەوە هێرش بکاتە سەر ئیسرائیل.
لە ماوەی چەند ڕۆژی ڕابردوودا ئیسرائیل چەند هێرشی کردووەتە سەر پایەگا و دامەزراوە نیزامییەکانی سووریە و لەو هێرشانە ژمارەیەک پاسداری ڕێژیمی ئێران کوژراون.
پاش ئەو هێرشەی ئیسرائیل، بەرپرسانی نیزامی و ئەمنییەتیی ڕێژیمی ئێران، جەختیان کردەوە کە وڵامی هێرشەکانی ئیسرائیل دەدەنەوە.
No comments:
Post a Comment