به‌هۆی کێشه‌ له‌گه‌ڵ‌ هاوسه‌ره‌که‌یدا؛ ژنێکی تر خۆی سوتاند -

به‌هۆی کێشه‌ له‌گه‌ڵ‌ هاوسه‌ره‌که‌یدا؛ ژنێکی تر خۆی سوتاند

 

سه‌رله‌به‌یانى ئه‌مڕۆ سێ شه‌ممه‌ له‌ناحیه‌ى رزگارى ژنێک ئاگرى به‌ردایه‌ جه‌سته‌ى خۆى و پاش گه‌یاندنى به‌نه‌خۆشخانه‌ى فریاکه‌وتنى که‌لار ژیانى له‌ده‌ستدا .

موقه‌ده‌م حه‌سه‌ن محه‌مه‌د ساڵه‌ح وته‌بێژى به‌ڕێوه‌به‌رایه‌تى پۆلیسى گه‌رمیان له‌ لێدوانێکیدا به‌ ANF رایگه‌یاند: "به‌ره‌به‌یانى ئه‌مڕۆ کاتژمێر 07:50 خوله‌ک له‌ناحیه‌ى رزگارى سه‌ربه‌ قه‌زاى که‌لار ژنێک به‌ناوى (ت.م.ا) که‌ ژنى ماڵه‌وه‌یه‌ و له‌دایکبوى 1987ه‌، نه‌وتى به‌خۆیدا کردوه‌ و پاشان گڕى به‌رداوه‌ته‌ خۆى. به‌ زانینى روداوه‌که‌ پۆلیسى ناحیه‌ى رزگارى ده‌گه‌نه‌ شوێنى ڕوداوه‌که‌و ناوبراو ده‌گه‌یه‌ننه‌ نه‌خۆشخانه‌ى فریاکه‌وتنى که‌لار به‌ڵام به‌هۆى زۆرى ڕێژه‌ى سوتاویه‌که‌یه‌وه‌ پاش که‌مێک مانه‌وه‌ له‌نه‌خۆشخانه‌که‌ ژیانى له‌ده‌ستدا . "

موقه‌ده‌م حه‌سه‌ن سه‌باره‌ت به‌ هۆکارى خۆسووتاندنی ئه‌و ژنه‌ وتیشی:" پێش ئه‌وه‌ى ژیانى له‌ده‌ست بدات قوربانیه‌که‌ له‌نه‌خۆشخانه‌ ئه‌وه‌ى به‌ پۆلیس وتوه‌ که‌ ئه‌و له‌داخى مێرده‌که‌ى ئاگرى له‌خۆى به‌رداوه‌ ". 

 موقه‌ده‌م حه‌سه‌ن وتیشى: "به‌پێى فه‌رمانى دادوه‌ر ئێستا فه‌رمانى ده‌ستگیرکردنى مێرده‌که‌ى به‌ناوى (ڕ.ص.ت.م)ه‌وه‌ ده‌رچوه‌وه‌و په‌ڕاوى لێکۆڵینه‌وه‌ بۆ دۆسیه‌که‌ کراوه‌ته‌وه‌ ."

****************

Behoy kêşe legell hawserekeyda; jnêkî tir xoy sutand

 

Serlebeyanî emrro sê şemme lenahyey rizgarî jnêk agrî berdaye cestey xoy û paş geyandinî benexoşxaney firyakewtinî kelar jyanî ledestda .

Muqedem hesen mhemed salleh wtebêjî berrêweberayetî polîsî germyan le lêdwanêkîda be ANiF raygeyand: "berebeyanî emrro katjimêr 07:50 xulek lenahyey rizgarî serbe qezay kelar jnêk benawî (t.m.a) ke jnî malleweye û ledaykbuy 1987e, newtî bexoyda kirdwe û paşan grrî berdawete xoy. Be zanînî rudaweke polîsî nahyey rizgarî degene şwênî rudawekew nawbraw degeyenne nexoşxaney firyakewtinî kelar bellam behoy zorî rêjey sutawyekeyewe paş kemêk manewe lenexoşxaneke jyanî ledestda . "

Muqedem hesen sebaret be hokarî xosûtandinî ew jne wtîşî:" pêş ewey jyanî ledest bdat qurbanyeke lenexoşxane ewey be polîs witwe ke ew ledaxî mêrdekey agrî lexoy berdawe ". 

 Muqedem hesen wtîşî: "bepêy fermanî dadwer êsta fermanî destigîrkirdnî mêrdekey benawî (r.ê.t.m)ewe derçwewew perrawî lêkollînewe bo dosyeke krawetewe ."

http://qandilpost.com