کوماری ریش پانەکانی ئیران خەریکی کورد کوشتنن
کووڵبەرێگ خەڵک کامیاران لەلایەن هێزەیل مەرزبانی عەراق دریاسە وەرلێدان
لە وەختێگە ک هویژم هێزەیل ڕژیم ئەڕا سەر کووڵبەرەیل ئەنجام گرێد و ڕووژانە کووڵبەر بوودە قوروانی، ئی کەشە هیزەیل مەرزبانی عەراق دەس ناپارێزن و کووڵبەرەیل دەنە وەر لێدان.
وە گوورەی زانیاریەگان شەو شەمە ٢٦ ڕەشەمە، هێزەیل مەرزبانی عەراق لە شوون دەسگیری کووڵبەرێگ وە ناو سیرووس مورادی خەڵک ئاوایی موروارید شارسان کامیاران لە ناوچەیل شار تەوێڵەی ئوستان هەڵەبجەی هەرێم کوردستان، کووڵبەرەگە دانەسە وەر لێدان و شکەنجەی کردنە.
لە شوون لیدان ئی کووڵبەرە، مەرزبانی عەراق مەجبوورێ کردنە ک ئمزای بەڵگەیگ بکەید ک وە مدوو تەمەرود دریاسە لێ.
جێ وەتنە ئی یەکم کەڕەت نیە ک ئی هێزەیلە کووڵبەر شکەنجە کەن و لە ناو ماوەی وەرینیش ژمارێگ کووڵبەر لە تەوێلە دانە وەر لیدان و بێ رێزی وە پێیان کردن.
No comments:
Post a Comment