سوریا
بڕیارە لە ناوەڕاستی مانگی سێ وتووێژەکانی ئاشتی سوریا دەسـتپـێبکەنەوە
بڕیارە لە ناوەڕاستی مانگی سێ وتووێژەکانی ئاشتی سوریا دەسـتپـێبکەنەوە
بڵاوکردنه‌وه له:
Pin It
VOA News
08.03.2016 16:47
نەتەوە یەکگرتووەکان دەڵێت بڕیارە دانوسـتاندنەکانی ئاشتی سوریا لە 14 ی ئەم مانگی سێـیە لە جنێڤ دەسـتپـێبکاتەوە.
جێسی شاهین گوتەبێژی ستافان دیمستۆرا نێردراوی تایبەتی نەتەوە یەکگرتووەکان بۆ قەیرانی سوریا ئەمڕۆ سێشەممە لە کۆنگرەیەکی ڕۆژنامەوانی لە جنێڤ گوتی بڕیارە بەشداربووان لە ڕۆژانی 12 و 13 و 14 ی مانگ بگەنە جنێڤ.
ئاماژەی بۆ ئەوەش کرد ئەوانەی بانگهێشتی وتووێژەکان کراون هەر ئەوانەن کە لە گەڕی یەکەمی وتووێژەکاندا لە سەرەتای مانگی دوو بەشداریـیان کردبوو.
بەپـێی ئەم لێدوانەبێت پارتی یەکێتی دیموکراتی (پەیەدە) و یەکینەکانی پاراستنی گەڵ (یەپەگە) هێشتا بانگهێشت نەکراون، هەرچەندە لە وتووێژێـکی ئەم دوایـیەی نێوان جان کێری وەزیری دەرەوەی ئەمەریکا و سێرگێی لاڤرۆڤ وەزیری دەرەوەی ڕووسیا باس لە گرنگی بەشداری هەموو لایەنەکانی سوریا کرابوو، لەوانە کوردیش.
هێشـتا ئۆپـۆزسیۆنی سوریا هەڵوێستی خۆی لەسەر دانوسـتاندنەکان ڕانەگەیاندووە. ڕیاز حیجاب سەرۆکی دەستەی باڵای شاندی ئۆپـۆزسیۆن بۆ دانوسـتاندنەکان ڕۆژی دووشەممە گوتی لە کۆتایی ئەم هەفتەیە بڕیار دەدەن ئایا بەرەو جنێڤ دەڕۆن یان نا. جەختی لەوە کرد کە دەبێت مەرجەکانی ئۆپـۆزسیۆن جێبەجێ بکرێن و باس لە دامەزراندنی دەستەیەکی حکومڕانی گواستنەوە بۆ سوریا بکرێت.
حکومەتی سوریا لای خۆیەوە ئامادەی دەربڕیوە بۆ بەشداریکردن لە گەڕی نوێی دانوسـتاندنەکاندا.
http://www.dengiamerika.com/content/un-syria/3225541.html
VOA News
08.03.2016 16:47
نەتەوە یەکگرتووەکان دەڵێت بڕیارە دانوسـتاندنەکانی ئاشتی سوریا لە 14 ی ئەم مانگی سێـیە لە جنێڤ دەسـتپـێبکاتەوە.
جێسی شاهین گوتەبێژی ستافان دیمستۆرا نێردراوی تایبەتی نەتەوە یەکگرتووەکان بۆ قەیرانی سوریا ئەمڕۆ سێشەممە لە کۆنگرەیەکی ڕۆژنامەوانی لە جنێڤ گوتی بڕیارە بەشداربووان لە ڕۆژانی 12 و 13 و 14 ی مانگ بگەنە جنێڤ.
ئاماژەی بۆ ئەوەش کرد ئەوانەی بانگهێشتی وتووێژەکان کراون هەر ئەوانەن کە لە گەڕی یەکەمی وتووێژەکاندا لە سەرەتای مانگی دوو بەشداریـیان کردبوو.
بەپـێی ئەم لێدوانەبێت پارتی یەکێتی دیموکراتی (پەیەدە) و یەکینەکانی پاراستنی گەڵ (یەپەگە) هێشتا بانگهێشت نەکراون، هەرچەندە لە وتووێژێـکی ئەم دوایـیەی نێوان جان کێری وەزیری دەرەوەی ئەمەریکا و سێرگێی لاڤرۆڤ وەزیری دەرەوەی ڕووسیا باس لە گرنگی بەشداری هەموو لایەنەکانی سوریا کرابوو، لەوانە کوردیش.
هێشـتا ئۆپـۆزسیۆنی سوریا هەڵوێستی خۆی لەسەر دانوسـتاندنەکان ڕانەگەیاندووە. ڕیاز حیجاب سەرۆکی دەستەی باڵای شاندی ئۆپـۆزسیۆن بۆ دانوسـتاندنەکان ڕۆژی دووشەممە گوتی لە کۆتایی ئەم هەفتەیە بڕیار دەدەن ئایا بەرەو جنێڤ دەڕۆن یان نا. جەختی لەوە کرد کە دەبێت مەرجەکانی ئۆپـۆزسیۆن جێبەجێ بکرێن و باس لە دامەزراندنی دەستەیەکی حکومڕانی گواستنەوە بۆ سوریا بکرێت.
حکومەتی سوریا لای خۆیەوە ئامادەی دەربڕیوە بۆ بەشداریکردن لە گەڕی نوێی دانوسـتاندنەکاندا.
http://www.dengiamerika.com/content/un-syria/3225541.html
No comments:
Post a Comment