خالید عەزیزی (سكرتێری گشتیی حیزبی دیموكراتی كوردستان):
ئێران بەئاشكرا مەترسییەكی گەورەیە بۆ سەر بەرژەوەندییەكانی ئیسرائیل
ئاماژە: زۆر لە مێژە باس لەوە دەكرێ كە لە ئاكامدا بۆ یەكلایی كردنەوەی كێشەی ناوەكی كۆماری ئیسلامی رۆژئاوا لە رصگەی سەربازییەوە بەرەو ڕووی ئێران دەبێتەوە. هاوكات هەڕەشەكانی "ئەحمەدی نەژاد"، سەركۆماری ئێران بۆ سەر جیهان بە گشتی و بۆ سەر ئیسرائیل بەتایبەتی بۆتە هۆی ئەوەی وڵاتانی رۆژئاوا و لە سەروی هەموویانەوە ئەمریكا توندتر لەگەڵ دەسەڵاتدارانی كۆماری ئیسلامی مامەڵە بكەن. ئێستا لە سەردەمی ئەحمەدی نەژاد دا ئەگەری هێرشی سەربازی بۆ سەر ئێران رۆژ بە رۆژ زیاتر پەرە دەستێنێت زۆر كەس پێیان وایە كە ئەمریكا بۆ یەكلاكردنەوەی ئەم كێشەیە لە ئاكامدا لە گەڵ ئیسرایل بەرەوڕووی ئێران دەبنەوە. لەم پەیوەندییەدا چەند پرسیارمان ئاراستەی خالید عەزیزی، سكرتێری گشتیی حیزبی دیموكراتی كوردستان كرد كە بەم شێوەیە وەڵامی داینەوە.
چاوپێکەوتن: مەولوود ئافەند
ئیسرائیل-كورد: لە مێژە لە نێوان رۆژئاوا و ئێراندا لە پەیوەندی لەگەڵ پرسی ئەتۆمی كۆماری ئیسلامدا گرژی و ئاڵۆزی لە ئارادایە. وڵاتانی رۆژئاوا مەرجیان ئەوەیە كە كۆماری ئیسلامی پیتاندنی یۆرانیۆم رابگرێ و دەسەڵاتدارانی تارانیش تا ئێستا كۆڵیان بەم داوایە نەداوە و بەردەوامن لەسەر پرۆژەكانی خۆیان. ئەگەر كۆماری ئیسلامی پاشەكشە نەكا، ئەگەری ئەوە هەیە بۆ یەكلایی كردنەوەی كێشەی ئەتۆمی ئێران لە رصگە چارەی سەربازی كەڵك وەربگیردرێ؟
خالید عەزیزی: لە سەردەمی دەسەڵاتداریەتی "جۆرج بوش"دا شتەكان زۆرتر لە خانەی دروشمدا بوون. دروشم نەیدەتوانی ببێتە بنەمای پرۆژەیەكی تۆكمەو بەهێز دژی ئێران. بۆیە جۆرج بوش دژی ئێران دەستی ئاوەڵا نەبوو. لە نێو ئەوروپاییەكانیشدا پرزدێنتێكی خۆشەویست نەبوو. هەروەها لە خودی ئەمریكاشدا هەروەتر. بۆیە ئەگەر جۆرج بوش لە خانەی سەربازیدا كەوتبایە كێشە لەگەڵ ئێران زۆر زوو تووشی قەیران دەبوو و ئێرانیش، عێراق نەبوو. لە سەردەمی ئۆبامادا من وا چاوەڕوان دەكەم كە دەوڵەتی ئێستای ئەمریكا دەرەتانی ئەوەی كە گوشاری زۆرتر بخاتە سەر ئێران زیاترە. هۆیەكەی ئەوەیە باشترین رصگە بۆ گوشار خستنە سەر ئێران ئەوەیە كە لە رصگەی گەورە كردنەوەی مەسەلەی دیموكراسی، مافەكانی مرۆڤ ، بەهێز كردنی "NGO"كان و كۆمەڵگای مەدەنی، لەقاودانی پێشێلكارییەكانی مافی مرۆڤ، گوشار بخرێتە سەر ئێران لە رصگەی سیاسی و دیپلۆماتیكەوە، تەنانەت ئەگەر ئێران پاشەكشەی نەكردو كێشەی ئەتۆمی ئەو وڵاتە گەیشتە قۆناغێكی دیكە، لە داهاتوودا هەندێ بڕیارنامە دەربكەن كە دەرەتانی مانۆڕدانی یاسایی، سیاسی و دیپلۆماتیك بۆ ئێران لە دونیای دەرەوە كەم بكەنەوە. من پێم وایە بەڕێوەبەری ئەمریكا زۆرتر بەدوای ئەو جۆرە گوشارانەدا دەگەڕێ تا رصگە چارەی سەربازی. هۆیەكەی ئەوەیە: یەكەم ـ ئەمریكا هێشتا لە عێراق و ئەفغانستان لەگەڵ كۆمەڵێك گرفت و كێشە بەرەوڕوویە كە پێویستە چارەسەری بكا، دووهەم ـ ئابووری ئەمریكا كە لە دۆخێكی خراپدا بوو و ئێستا وردە وردە خەریكە بەرەو باشبوون دەچێت، سێیەم ـ دەگەڕێمەوە سەر ئەوەی كە ئێران چەكی ئەتۆمی بۆ چییە؟ رەنگە ئێستا بە دوای دەست ڕاگەیشتن بە چەكی ناوەكی نەكەوێ. ئێستا ئێران لە قۆناغی یەكەمدا دەیەوێ دان بە پرۆژە ئەتۆمییەكەیدا بنێن و ئەم پرۆژەیەش رەنگە لە داهاتوودا چەكی ئەتۆمی لێ بكەوێتەوە بۆ ترساندنی دراوسێیەكانی. ئەمەش بۆ ئەوەیە وەك زلهێزێك لە رۆژهەڵاتی ناوەڕاست بەفەرمی بناسرێت و رەنگە قەت چەكی ئەتۆمیش بەكار نەهێنێت. گریمان ئێران چەكی ئەتۆمیشی هەبوو و دژی وڵاتێكیش بەكاری هێنا، دوایی چی بەسەر دێت؟ لەم حاڵەتەدا ئێران دەبێتە وێرانە. پێم وایە پرۆژەی ئەتۆمی ئێران تەنیا بۆ ئیمتیاز وەرگرتنە. مەبەستیش لەم كارە ئەوەیە كە ئێران دەیەوێت لە ناوچەكەدا وەك زلهێزێك كە خاوەن پرۆژەی ئەتۆمییە بە فەرمی بناسێ و ئەگەر پێی خۆش بێ لە داهاتووشدا چەكی ئەتۆمیش بەرهەم دێنێ. بۆیە ئەگەر هەموو ئەمانە لەبەرچاو بگرین هەست دەكەم بەڕێوەبەری ئێستای ئەمریكا بە ئاماژە بەو ناڕەزایەتیانەی كە دێنە سەر گوشاری سیاسی و دیپلۆماتیك لە ئاستی چالاكییەكانی خودی خەڵك لە كۆمەڵگای ئێراندا تێبكۆشن بەجۆرێك ئەم میكانیزمە بەهێتر بكەن تا رصگە چارەی سەربازی.
ئیسرائیل-كورد: لە پەیوەندی لەگەڵ كێشەی دونیای دەرەوە لەگەڵ ئێران زۆرجار باس لەوە دەكرێ كە ئەمریكا لە رصگەی ئیسرائیلەوە بەرەوڕووی ئێران دەبێتەوە. بە تایبەت پاش ئەو لێدوانەی"جۆن بایدێن"، جێگری سەركۆماری ئەمریكا كە وتی:" ئیسرائیل وڵاتێكی سەربەخۆیە لە بڕیارداندا و ئەگەر بیەوێ هێرش بكاتە سەر بنكە ئەتۆمییەكانی ئێران ئەوا ئەمریكا هیچ ئاستەنگێكی ناخاتە بەردەم". ئەمە جۆرێك وا لێكدەدرێتەوە كە ئەمریكا بۆ هێرش كردنە سەر ئێران سیگناڵێكی بە ئیسرائیل داوە. ئایا ئەگەری ئەوە هەیە كە ئیسرائیل هێرش بكاتە سەر بنكە ئەتۆمییەكانی ئێران؟
خالید عەزیزی: بە باوەڕی من زۆر ئەستەمە لەو بارەوە قەزاوەت بكەین و بڵێن چ دەبێ؟ یا چ نابێ؟ هۆیەكەش ئەوەیە لەماوەی 8ـ9 ساڵی رابردوودا بەگشتی و لە چوار ساڵی رابردوودا بە تایبەتی كە ئەحمەدی نەژاد لە ئێران لەسەر كار بووە، چ لە زمانی دیپلۆمات و سیاسەتەوانانی ئەمریكییەوە و چ لە زمانی ژنراڵ و بەرپرسانی سەربازی ئەو وڵاتەوە، چ ئەو شتانەی كە رۆژنامە ناسراوەكانی ئەمریكا بڵاویان دەكردەوە، زۆرجار سیناریۆی هێرشی سەربازی ئیسرائیل بۆ سەر ئێران پێشبینی كراوە. تەنانەت جاری وا بووە كاتیشیان بۆ دیاری كردوە كە ئەوا سێ مانگ، چوار مانگ، یا ساڵێكی دیكە هێرش دەكرێتە سەر ئێران. پصم وایە مەسەلەی هێرشی سەربازی ئیسرائیل بۆ سەر ئێران تۆ دەبێ لە خانەی سیاسیەت و ئەمنیەتدا گەورە (كلان) لێكی بدەیتەوە. لەبەر ئەوەی، بابەتێكی زۆر جیددی ئەمنیەتییە لە رۆژهەڵاتی ناوەڕاستدا.
پصم وایە كێشەی ئیسرائیل لەگەڵ ئێران، یا هێرشی سەربازی ئیسرائیل بۆ سەر ئێران لە رۆژهەلاتی ناوەڕاستدا دەبێ لە خانەی سیاسەت و ئەمنیەتی گەورەدا سەیری بكەی. لەسەردەمی شەڕی سارددا لە نێوان سۆڤیەت و ئەمریكادا، كوبا ببووە ئامرازێكی كێبەركێی ئەو دوو لایەنە لە سیاسەتی ئەمنیەتی گەورەدا. ئێستاش ئیسرایل فاكتۆرێكی بچووكی ناو سیناریۆكەیە، نەك كاراكتەری ئەم گەمە گەورەیە. بە باوەڕی من ئیسرایل لێرەدا هەر لەو هاوكێشەیەدایە. پێموانیە كە ئەگەر ئیسرایل سیگناڵێك لە لایەن ئەمریكاوە وەرنەگرێ بۆ خۆی هێرش بكاتە سەر ئێران. ئەگەر لە لایەن ئەمریكاوە سیگناڵ وەربگرێ، بەومانایە كە كێشە لەگەڵ ئێران دەكەوێتە خانەی سیاسەت و ئەمنیەتی گەورەوە. من كێشەكە لەو مەیدانەدا دەبینم، دەنا هەر دژی كردەوەیەكی ناوچەیی ئیسرایل نییە بەرامبەر بە ئێران، چۆن ئیدی ئەمنیەتی ناوچەكە دەكەوێتە نێو كێشەیەكی گەورەوە و ئەمریكاش فاكتۆرێكی گەورەی چەند و چوونی ئەمنیەتی ناوچەكەیەو بێ راوێژ و سیگناڵی ئەمریكا عەمەلی نابێ.
ئیسرائیل-كورد: ئەو قسانەی ئەحمەدی نەژاد و ئەو هەڕەشانەی بۆ سەر ئیسرایل پێت وانییە ئیسرایل وا هەست بكا كە ئێران گەورەترین مەترسییە بۆ سەر بەرژەوەندییەكانی و لەو خانەیەدا بەرەوڕووی ئێرانە ببێتەوە؟
خالید عەزیزی: ئێران بە ئاشكرا مەترسییەكی گەورەیە بۆ سەر بەرژەوەندییەكانی ئیسرایل. بەڵام بەرژەوەندی وڵاتێك تۆ دەبێ لە پێشدا پۆلێن بەندی بكەی لەلایەن ئەو وڵاتەوە بە پێی سروشتی پلە بەندی ئەو هەڕەشەیە، چاوەڕوانی دژكردەوە بی. پلەی هەڕەشەی ئێران لەسەر ئیسرایل، پلەی دژكردەوەی ئیسرایلە بەرامبەر بە ئێران. 30 ساڵە لە ئێران شۆڕشێكی ئیسلامی كراوە، دەوڵەتێكی ئیسلامی لە سەر كارە و هەمیشە پەیامەكەی دژی ئیسرایل بووە. هەمیشە هەوڵیداوە لە رصگەی جۆراو جۆرەوە لە دەورووبەری ئیسرایل (بۆ نموونە لە لوبنان، لە نێوخۆی فەلەستین) ئاژاوە بنێتەوەو ئیسرایل بورووژێنێ، بەڵام پلەی هەڕەشەكەی بۆ ئەمنیەتی ئیسرایل نەگیشتۆتە ئەو ئاستەی كە ئیسرایل دژكردەوەی ئەمنیەتی لە خانەی سیناریۆی هێرشی سەربازیدا نیشان بدا. بە باوەڕی من رەنگە ئەم كێشەیە چەندین ساڵی دیكەش بخایەنێت.
ئیسرائیل-كورد: كاك خالید بابەتێك لە گۆڕێدایە ئەوەش پشتیوانی كۆمەڵگای جیهانی لە ئۆپۆزسیۆنی ئێرانیە. ئایا شتێكی وا لە گۆڕێدایە، یان ئایا بە پێی ئەو بارودۆخەی كە لە ئێران هاتووەتە گۆڕێ پشتیوانیەكی وا پێویستە؟
خالید عەزیزی: زۆر ئەستەمە ئێستا لە روانگەی دونیای دەروە ئۆپۆزسیۆنی دەرەوەی وڵاتی ئێران پێناسە بكرێ. ئەمەش چەند هۆكاری هەیە. یەكەم: ئۆپۆزسیۆنی ئێران كە لە گۆڕەپانی سیاسی كێشە لەگەڵ ئەو وڵاتە لە ناوخۆ نەماون، بەشی زۆری لە تاراوگەیە. ئەو حیزبانەش لە ماوەی ئەم 30 ساڵەدا كە لە ئەورووپاو ئەمریكا و وڵاتانی جۆربەجۆر ماونەتەوە، پێكهاتەی حیزبیان تووشی لەتبوون و جیابوونەوەو كێشەی جۆراوجۆر هاتووە. هیچ یەك لەوانە نەیانتوانیوە لەگەڵ ئاڵوگۆڕەكانی نێوخۆی ئێران خۆیان بگونجێنن. نەیانتوانیوە بە سیاسەتی خۆیاندا بچنەوەو لە خوێندنەوەیەكی كۆن و كلاسیكدا بەرامبەر بە كۆماری ئیسلامی ماونەتەوە. ئەگەر لەوانە دەربچێ كورد وەك فاكتۆرێك لە گۆڕەپانی سیاسی كێشە لەگەڵ ئێراندا مەسەلەیە. ئەو بارودۆخەی ئۆپۆزسیۆن و بەهێز بوونی كۆماری ئیسلامی تا ئێستا و بە تایبەتی دروستبوونی ئۆپۆزسیۆنێكی ناوخۆیی لە سەردەمی "خاتەمی"دا (ریفۆرمخوازان) ئەوانە بوونە هۆی ئەوەی كە كۆمەڵگای جیهانی ئەوەندە سەرنج نەدا بە ئۆپۆزسیۆنی دەرەوە. لەو ماوەیەدا ئێمە نەمانبینیوە كۆمەڵگای جیهانی سیگناڵێك بدات بە حیزب و رێكخراو ئۆپۆزسیۆنەكانی ئێران و بڵێن ئێمە پشتیوانیتان لێدەكەین لە سەر داهاتووی ئێران پرۆژەیەك یا گەڵاڵەیەكتان هەبێ. بۆیە دونیای دەرەوە سەرمایە رێژیەكی ئەوتۆی لەسەر ئۆپۆزسیۆنی دەرەوە نەكردووە.
ئیسرائیل-كورد: ئەمریكا و ئیسرایل وەك دوو وڵات كە لە چاو وڵاتانی ئەوروپایی زۆر توندتر بەرامبەر بە ئێران، پێت وانییە لە چوارچێوەی پرۆژەیەكدا بۆ بەرەوڕوو بوونەوە لەگەڵ كۆماری ئیسلامی پێویستە هاوكاری ئۆپۆزسیۆنی ئێران بكەن و ئاڵتەرناتیڤ بۆ داهاتووی ئەو وڵاتە پێكبێنن؟
خالید عەزیزی: ئێمە وەك حیزبی دیموكراتی كوردستان لە چەند لایەنەوە كارمان كردوەو كاری بۆ دەكەین كە لانی كەم ئەو بەشە لە ئۆپۆزسیۆن كە واقیعبینانە چاو لە كێشەكان دەكا لەسەر پرۆژەیەك لە دەوری یەك كۆبینەوە و لێك نزیك بینەوە. هەوڵەكانی ئێمە لە هەنگاوی یەكەمدا ئەوە بووە كە لە نێوخۆی هێزەكانی كوردستانی ئێران كە بە داخەوە لە ماوەی 2ـ 3 ساڵی رابردوودا لەتبوون و جیابوونەوە باڵی بەسەردا كێشاوە لێك نزیك بوونەوەیەك دروست بكەین. لە هەنگاوی دووەمدا هەوڵمانداوە لایەنە جۆراوجۆرەكانی نەتەوەكانی دیكەی ئێرانیش ببینین و بابەتی رێككەوتن لەسەر بەرنامەیەك بێنینە گۆڕێ. جیاواز لەوە لەگەڵ ئەوە بەشە لە حیزب و رێكخراوە ئێرانییە سەراسەرییەكانیش ئەو هەوڵەمانداوە كە لەسەر بەرنامەیەك كار بكەین. تەنانەت لەگەڵ ئەو بەشە لە رێبەران و چالاكانی سیاسی لە نێوخۆی وڵات كە ئێستا دژی دەوڵەتی ئەحمەدی نەژاد و خامنەیی كار دەكەن هەوڵمانداوە كە بە شێوەیەك لێك تێبگەین، دەنا بۆ ئێمە عەمەلی نییە كە وەك حیزبی دیموكراتی كوردستان بە شێوەیەكی ئاشكرا لەگەڵ لایەنێك لە تاران لە پەیوەندی بكەین و لەسەر كۆمەڵێك بابەت بەرنامەیەكی هاوبەش دانێین. بەڵام لەو رووە كە لێك تێگیشتنێك دروست بێ هەوڵمانداوە. هەڵوێستی ئەوجارەی حیزبی دیموكراتی كوردستان لە پەیوەندی لەگەڵ هەڵبژاردنەكان و رووداوەكانی ئەم دواییەی نێوخۆی ئێران لەو پێناوەدا بوو كە لێك تێگەیشتنێك لە نێوان خەڵكی كوردستان و ئەو جمووجووڵەی كە لە تاران هەیە دروست بكەین.
سەرچاوە: گۆڤاری ئیسرائیل-کورد
-------------------------------------
كوردستان نموونەی مۆزایكی پێكەوە ژیانی مرۆڤەكان
لە دێر زەمانەوە كوردستانی لەمەڕخۆمان، لانكەی پێكەوە ژیانی هەمە جۆرو هەمە ڕەنگی و مرۆڤە جیاوازەكان و رواڵەت جیا جیاكان بووە، سەرەڕای ئەوەی كوردستانەكەمان جیا لە هەموو سەرزەمینێكی تر رووبەرووی شەڕ و جەنگی كاولكاری بۆتەوە و هەردەم لەبەردەم هەڕەشە و گوڕشەی ناحەزان و نەیاران دا بووە و دەتوانین بڵێین بە واقعی داگیركراو و دەست بەسەر بووە، یان لە ژێر هەمە گەمارۆی نەتەوەی سەردەست و هەمە هێزی چاوچنۆك و هەمە سوپای داگیر كاردا بووە،بەڵام كوردستان و ئەو نەتەوانە لە ئەزەلەوە قەدەرییان وابووە پێكەوە بژین بە ئاشتی و تەبایی و یەكتر قبووڵكردنەوە.
لە ناو كوردستانی گەورەی ئەوساو پارچە پارچە كراوی ئێستادا، دوور لە ڕق و كینە وپڕ لە خۆشەویستی و رێز و یەكتر قەبووڵكردن ژیاوون و نەوە لە دوای نەوە ئەو داب و نەریت و میتۆد وشێوازەی پێكەوە ژیانەیان پاراستووە و پابەندبوون بە پرنسیپەكانی هاوڵاتی بوون وچارەنووسی هاوبەشەوە، بۆ نموونە ئەگەر مرۆڤ ئاوڕێك لە مێژوویی دوور و نزیكی ئەم گەل و نەتەوانەی بدەینەوە، كە لەسەر خاكی كوردستان ژیاوون تا رۆژی ئەمرۆكە، هیچ شەأ و جەنگێكی ناوخۆیی لە نێوانیاندا رووی نەداوە، جگە لە هەندێ حاڵەت و قۆناغی زۆر دەگمەندا. كە ئەویش بەفیت و پیلانی داگیركەران و نۆكەرانی و سوپای داگیركەرەكان، كە ئەوانیش لە دەرەوەی سنووری ناوچەكە و كوردستانەوە هێرشیان هێناوە، جا هەر جارەی چەندكەس یان ژمارەیەك لەم گەل یان ئەو نەتەوەی تری كوردستانیان هەڵخەڵتاندوە،یان بە كرێ گرتووە بۆ ئەوەی مەبەست و ئامانج و پیلانە گڵاوەكانیان جێ بەجێ بكەن، ئیتر هەندێك جار بە ناوی پارە و پوول و سامان و خۆشی و لەزەتەكانەوە بووە، یا خود بە ڕێگای پیادەكردنی سیاسەتی(پەرت بكە و زاڵ بە) بە بیانوی زۆرو بە هۆی ختووكەدانی سۆزی نەتەوەیی بووە،بەلای خۆیاندا، واتە داگیركەران وبیانی و غەوارەكان،یان بە هۆی یاریكردن بووە بە سۆزی ئایینی و ئایین زادە و مەزهەبگەراییەوە،بۆ نموونە هاتن و داگیركردنی ئاشووەرییەكان بۆ كوردستان و جینۆسایدی دانیشتوانی كوردستان لە هەزار ساڵ پێش زایینەوە یا خود تەتەر و مەغۆلەكان و دواتریش لە ژێر ناوی فتوحاتی ئیسلامی پێرۆزەوە یا خود مەزهەبەكانیەوە.!! دواتریش عەباسیە عەرەبەكان وعوسمانلیە توركەكان و فارسە توندڕەوەكان كە هەر هەموویان شەڕی ئیمپراتۆریەتیەكانی خۆیان لەسەر خاكی كوردستان یەكاڵا دەكردوە وكوردستانیان هەمیشە كردبووە گۆرەپانی جەنگ و شەڕە خوێناوی و كاولكەرییەكانیان و قوربانی یەكەمیش هەمیشە لەم شەڕانەدا كوردستان و كورد و ئەو گەل و نەتەوانە دەبوون، كە تێدا ژیاوون،!! لە مێژووی نوێشدا هەمان سیناریۆو دووبارە بۆتەوە،وەك توركە كەمالیستەكان و رژێمی شاهەنشای ئێران و پاشتر ئێرانی بە ناوی ئیسلامیەوە هەروەها عەرەبە نەتەوە پەرستە شۆڤێنیەكان لە سووریا و عێراق و ئەو فیتنانەی دروستیان كرد لە نێوان كورد و ئەرمەن، كورد و عەرەب،كورد و فارس. دواتریش كورد وكورد لە نێو خۆیدا، كە بۆ ئەم مەبەست و پیلانانەش هەزار و یەك رێگا و شێوازەییان پیادە دەكرد،لە نێوەی سەدەی 19شەوە واتە 1950 شەوە شەرێكی بێ شەرمانەی پاكتاوی رەگەزییان بەرپاكرد دژی جووەكانی عێراق و ئێران و سوریا و توركیا و بەمەش دەیانوویست فیتنە وبەڵا دروست بكەن لە نێوان جوولەكە و كورد و هەموو كوردستانیەكاندا.
بەڵام خۆش بەختانە سەری نەگرت و ئێستاشی لەگەڵدا بێت ئەو جوولەكەیەی بۆ یەك ساتە وەختییش لە كوردستان ژیا بێت، تا ئێستاش كورد بە نەتەوەی خۆی دەزانێ و كوردستانیش بە وڵاتی باو باپیرانی خۆی دادەنێت، سەرەڕای ئەوەی ڕاگۆیزراون بە زۆرە مڵی بۆ دەوڵەتی سەربەخۆی جوولەكەكانی جیهان لە ئیسرائیل. بۆ نموونە پارێزگای موسڵ وناوچەكانی دەوروبەری دادەنرا بە جوانترین نموونەی مۆزایكی ژیان لە كوردستاندا، مخابن مۆزایكەكەیان تێكدا،بەڵام نەیانتوانیوە تا ئەمڕۆكە خۆشەویستی و ڕێز و لێبوردەیی نێوانمان لێ زەوەت بكەن، دواتریش لەم پەنجا ساڵەی دوایشدا ئەم مێتۆدە، لەگەڵ خودی كورد خۆی پیادەكرا لەو ناوچانەدا و لە ئێستاشدا ئەم سیاسەتە بە دژی خۆشك و برایان مەسیحی پیادە دەكرێت، لە لایەن شۆڤێنی و نەتەوەپەرستەكان و رێكخراوە تێرۆریستە بە ناو ئیسلامیەكانەوە، كە چی چونكە ئێمە گەلان و نەتەوەیەك بووین لەسەر سەرزەمینی ئەم كوردستانە لەسەر هەڵدانی مێژووە، پێكەوە دەژین و چارەنووسمان یەكە،سەرەڕای ئەو هەموو زوڵم ستەمە كوردستان و ناوچە ئازاد كراوەكان هەموو دەرگاكانی شار وشارۆچكە وماڵەكانیان خستۆتە سەر گازەرای پشت و باوەشیان بۆ خۆشك و برا مەسیحیەكان كردۆتەوە،وەك ئەوەی كە خۆیان هەر خاوەن ماڵن. كەواتە بە مێژوو سەلماوە كوردستانیەكان: كورد ، عەرەب،كلدان،ئاشوور،سریان،ئەرمەن، مەندائی،شەبەك ئیزیدی،فەیلی،كاكەیی،سووننە و شیعە،مەسیحی و جوولەكە و هەموو پێكهاتەكانی ئەم كوردستانە، ئەم موزایك و پێكەوە ژیانە بۆ هەمیشە دەپارێزین و هیچ هێزێكیش نییە،لێیان تێك بدات.!!!!!! ئەمڕۆ و یا سبەێنەیەكی زوو كوردە جوولەكەكانی ئیسرائیل و هەموو خوشك و برا مەسیحیەكان كە بە زۆری زۆرداری كوردستانیان پی بە جی هێشتوون لەگەڵ هەموو ڕۆڵەكانی كورد و كوردستانیان دەگەرێنەوە بۆ سەر زێدی باو باپیرانیان و ئەو مۆزایكە كەم وێنەیەش كە كوردستان و گەلەكەی پێ دەناسرێت سەر لە نوێ بینا دەكرێتەوە.!!!!!
مەولوود ئافەند
سەرچاوە: گۆڤاری ئیسرائیل-کورد
كوردستان نموونەی مۆزایكی پێكەوە ژیانی مرۆڤەكان
لە ناو كوردستانی گەورەی ئەوساو پارچە پارچە كراوی ئێستادا، دوور لە ڕق و كینە وپڕ لە خۆشەویستی و رێز و یەكتر قەبووڵكردن ژیاوون و نەوە لە دوای نەوە ئەو داب و نەریت و میتۆد وشێوازەی پێكەوە ژیانەیان پاراستووە و پابەندبوون بە پرنسیپەكانی هاوڵاتی بوون وچارەنووسی هاوبەشەوە، بۆ نموونە ئەگەر مرۆڤ ئاوڕێك لە مێژوویی دوور و نزیكی ئەم گەل و نەتەوانەی بدەینەوە، كە لەسەر خاكی كوردستان ژیاوون تا رۆژی ئەمرۆكە، هیچ شەأ و جەنگێكی ناوخۆیی لە نێوانیاندا رووی نەداوە، جگە لە هەندێ حاڵەت و قۆناغی زۆر دەگمەندا. كە ئەویش بەفیت و پیلانی داگیركەران و نۆكەرانی و سوپای داگیركەرەكان، كە ئەوانیش لە دەرەوەی سنووری ناوچەكە و كوردستانەوە هێرشیان هێناوە، جا هەر جارەی چەندكەس یان ژمارەیەك لەم گەل یان ئەو نەتەوەی تری كوردستانیان هەڵخەڵتاندوە،یان بە كرێ گرتووە بۆ ئەوەی مەبەست و ئامانج و پیلانە گڵاوەكانیان جێ بەجێ بكەن، ئیتر هەندێك جار بە ناوی پارە و پوول و سامان و خۆشی و لەزەتەكانەوە بووە، یا خود بە ڕێگای پیادەكردنی سیاسەتی(پەرت بكە و زاڵ بە) بە بیانوی زۆرو بە هۆی ختووكەدانی سۆزی نەتەوەیی بووە،بەلای خۆیاندا، واتە داگیركەران وبیانی و غەوارەكان،یان بە هۆی یاریكردن بووە بە سۆزی ئایینی و ئایین زادە و مەزهەبگەراییەوە،بۆ نموونە هاتن و داگیركردنی ئاشووەرییەكان بۆ كوردستان و جینۆسایدی دانیشتوانی كوردستان لە هەزار ساڵ پێش زایینەوە یا خود تەتەر و مەغۆلەكان و دواتریش لە ژێر ناوی فتوحاتی ئیسلامی پێرۆزەوە یا خود مەزهەبەكانیەوە.!! دواتریش عەباسیە عەرەبەكان وعوسمانلیە توركەكان و فارسە توندڕەوەكان كە هەر هەموویان شەڕی ئیمپراتۆریەتیەكانی خۆیان لەسەر خاكی كوردستان یەكاڵا دەكردوە وكوردستانیان هەمیشە كردبووە گۆرەپانی جەنگ و شەڕە خوێناوی و كاولكەرییەكانیان و قوربانی یەكەمیش هەمیشە لەم شەڕانەدا كوردستان و كورد و ئەو گەل و نەتەوانە دەبوون، كە تێدا ژیاوون،!! لە مێژووی نوێشدا هەمان سیناریۆو دووبارە بۆتەوە،وەك توركە كەمالیستەكان و رژێمی شاهەنشای ئێران و پاشتر ئێرانی بە ناوی ئیسلامیەوە هەروەها عەرەبە نەتەوە پەرستە شۆڤێنیەكان لە سووریا و عێراق و ئەو فیتنانەی دروستیان كرد لە نێوان كورد و ئەرمەن، كورد و عەرەب،كورد و فارس. دواتریش كورد وكورد لە نێو خۆیدا، كە بۆ ئەم مەبەست و پیلانانەش هەزار و یەك رێگا و شێوازەییان پیادە دەكرد،لە نێوەی سەدەی 19شەوە واتە 1950 شەوە شەرێكی بێ شەرمانەی پاكتاوی رەگەزییان بەرپاكرد دژی جووەكانی عێراق و ئێران و سوریا و توركیا و بەمەش دەیانوویست فیتنە وبەڵا دروست بكەن لە نێوان جوولەكە و كورد و هەموو كوردستانیەكاندا.
بەڵام خۆش بەختانە سەری نەگرت و ئێستاشی لەگەڵدا بێت ئەو جوولەكەیەی بۆ یەك ساتە وەختییش لە كوردستان ژیا بێت، تا ئێستاش كورد بە نەتەوەی خۆی دەزانێ و كوردستانیش بە وڵاتی باو باپیرانی خۆی دادەنێت، سەرەڕای ئەوەی ڕاگۆیزراون بە زۆرە مڵی بۆ دەوڵەتی سەربەخۆی جوولەكەكانی جیهان لە ئیسرائیل. بۆ نموونە پارێزگای موسڵ وناوچەكانی دەوروبەری دادەنرا بە جوانترین نموونەی مۆزایكی ژیان لە كوردستاندا، مخابن مۆزایكەكەیان تێكدا،بەڵام نەیانتوانیوە تا ئەمڕۆكە خۆشەویستی و ڕێز و لێبوردەیی نێوانمان لێ زەوەت بكەن، دواتریش لەم پەنجا ساڵەی دوایشدا ئەم مێتۆدە، لەگەڵ خودی كورد خۆی پیادەكرا لەو ناوچانەدا و لە ئێستاشدا ئەم سیاسەتە بە دژی خۆشك و برایان مەسیحی پیادە دەكرێت، لە لایەن شۆڤێنی و نەتەوەپەرستەكان و رێكخراوە تێرۆریستە بە ناو ئیسلامیەكانەوە، كە چی چونكە ئێمە گەلان و نەتەوەیەك بووین لەسەر سەرزەمینی ئەم كوردستانە لەسەر هەڵدانی مێژووە، پێكەوە دەژین و چارەنووسمان یەكە،سەرەڕای ئەو هەموو زوڵم ستەمە كوردستان و ناوچە ئازاد كراوەكان هەموو دەرگاكانی شار وشارۆچكە وماڵەكانیان خستۆتە سەر گازەرای پشت و باوەشیان بۆ خۆشك و برا مەسیحیەكان كردۆتەوە،وەك ئەوەی كە خۆیان هەر خاوەن ماڵن. كەواتە بە مێژوو سەلماوە كوردستانیەكان: كورد ، عەرەب،كلدان،ئاشوور،سریان،ئەرمەن، مەندائی،شەبەك ئیزیدی،فەیلی،كاكەیی،سووننە و شیعە،مەسیحی و جوولەكە و هەموو پێكهاتەكانی ئەم كوردستانە، ئەم موزایك و پێكەوە ژیانە بۆ هەمیشە دەپارێزین و هیچ هێزێكیش نییە،لێیان تێك بدات.!!!!!! ئەمڕۆ و یا سبەێنەیەكی زوو كوردە جوولەكەكانی ئیسرائیل و هەموو خوشك و برا مەسیحیەكان كە بە زۆری زۆرداری كوردستانیان پی بە جی هێشتوون لەگەڵ هەموو ڕۆڵەكانی كورد و كوردستانیان دەگەرێنەوە بۆ سەر زێدی باو باپیرانیان و ئەو مۆزایكە كەم وێنەیەش كە كوردستان و گەلەكەی پێ دەناسرێت سەر لە نوێ بینا دەكرێتەوە.!!!!!
مەولوود ئافەند
سەرچاوە: گۆڤاری ئیسرائیل-کورد
No comments:
Post a Comment