ته‌له‌فزیۆینی ئێران "دانپێدانانی" ژماره‌یه‌ک له‌ گیراوانی ئه‌م دواییه‌ی به‌ تۆمه‌تی "سیخۆڕی بۆ ئیسرائیل و تیرۆری زانا ئه‌تۆمییه‌کان" بڵاو کردە‌وه‌

ته‌له‌فزیۆینی ئێران "دانپێدانانی" ژماره‌یه‌ک له‌ گیراوانی ئه‌م دواییه‌ی به‌ تۆمه‌تی "سیخۆڕی بۆ ئیسرائیل و تیرۆری زانا ئه‌تۆمییه‌کان" بڵاو کردە‌وه‌.

NNSROJ: کەناڵی یەکی تەلەڤزیۆنی ئێران، شەوی یەکشەممە ١٥ی گەلاوێژ فیلمێکی دیکۆمێنتی بڵاو کردەوە کە تیایدا جگە لە "دانپێدانانی" هەندێک کەس، چۆنیەتی ئەنجام دانی چالاکیەکانیشی خستە روو.

ئەم فیلمە لە ژێر ناوی "کلوبی تیرۆر" لە لایەن یانەی هەواڵنێرانی گەنجەوە ئامادە کرابوو. شەش ژن و هەشت پیاو باسیان لە چۆنیەتی تیرۆری مەسعود عەلی محەمەدی، مەجید شەهریاری، داریوش رەزایی نەژاد و مستەفا ئەحمەدی رەوشەن کرد. 

ژماره‌یه‌ک له‌ گیراوانی ئه‌م دواییانه‌ کە به‌ تۆمه‌تی سیخۆری بۆ ئیسرائیل و کوشتنی زانا ئەتۆمیەکانی ئێران قۆڵبەست کرابوون، ده‌ڵێن گوایه‌ "له‌ هه‌رێمی کوردستان‌ و به‌ هاوکاری هه‌ندێ حیزبی کوردی په‌روه‌رده‌ کراون...."

یه‌کێ له‌ گیراوه‌کان ناوی "نه‌شمیل"ه‌ و نازناوی "شادی"ی له‌سه‌ره‌، ژماره‌یه‌کی دیکه‌شیان له‌هجه‌ی کوردیان هه‌یه‌.

هەر لەم پەیوەندییە دا، ناوەندی هەواڵنێری سەقز بڵاوی کردەوە کە دوو لاوی سەقزی لە ناو تۆمەتبارەکان دا دەبینرێن.

بە پێی سەرچاوەی ئاماژە پێکراو، ئەم دوو لاوە سەقزیە ناوەکانیان بێهزاد عه‌بدولی و ئه‌یووب موسلیمە، كه زیاتر له دوو مانگ و نیو پێش ئێستا له لایه‌ن ناوه‌نده ئه‌منیه‌كانی شاری سه‌قزه‌وه ده‌ستبه‌سه‌ر كراون.

له‌و بەرنامە دیکۆمێنتیە دا، چه‌ند جارێك ئاماژه‌ به‌وه‌ كرا كه‌ دراوسێیه‌كی ئێران خاكی خۆی خستۆتە بەر دەستی‌ ئیسرائیلییه‌كان بۆ راهێنان و ئه‌مه‌شیان به‌ "هێلانه‌ی جاڵجاڵۆكه‌یی موساد"ی ئیسراییل ناوده‌برد.

میدیاكانی سه‌ر به‌كۆماری ئیسلامی ئێران تا ئێستا چه‌ندین جار ئاماژه‌یان به‌وه‌ كردوه‌ كه‌ هه‌رێمی كوردستان و ئازه‌ربایجان بوونه‌ته‌ مه‌كۆی ئیسرائیل.

حکومەتی هەرێمی کوردستان پێشتر ئەو تۆمەتانەی کۆماری ئیسلامی ئێرانی رەت کردۆتەوە و بە بێ بنەمای وەسف کردوون.

لە ماوەی ساڵانی رابردوو دا، ناوەندە ئیتڵاعاتی و ئەمنیەکانی ئێران فیلمی جۆراوجۆریان لە ژێر ناوی "دانپێدانان" بڵاو کردۆتەوە کە رەخنەی کۆڕو کۆمەڵەکانی مافی مرۆڤی بە دواوە بووە.

http://nnsroj.com/detiles.aspx?id=2771&ID_map=23

----------------

دەزگای کورد. ئیسرائیل: ی ن ک بەرپرسە لە چارەنووسی مەولوود ئافەند دا !

دەزگای کورد .ئیسرائیل لە پەویوەندی لە گەل دیار نەمانی سەرنووسەری گۆڤاری کورد.ئیسرائیل 

" مەولوود ئافەند "  ڕوونکردنەوەیەکی توندی بڵا وکردۆتەوە و تێیدا قامکی ئیتیهام بۆ لای یەکیەتیی نیشتیمانیی  کوردستاندرێژ دەکا . ئەوەش لە کاتێک دایە کە تا ئێستا بە تەواوی ڕوون نیە دواخوا  بەڕیز  مەولوود ئافەند چارەنووسی کۆتایی چیە و دەزگا ئەمنیەکانی باشووریش بێ ئاگای خۆیان دەربڕیوە . هەر چەند لە ڕابردوویەکی نە هیندە  دوور دا ، ڕفاندن و بێ سەرەو شوێن بوونی کوردی ڕۆژهەڵاتی کوردستان لە خاکی باشووری کوردستان دا ئەزموونی تاڵ تۆمار کراون .  بەتایبەتی لای هەمووان ڕوونە کە هەتا ئێستاش دام و دەزگا سیخوری یەکانی داگیرکەرانی کوردستان بە گشتی و ئێران بەتایبەتی  لە باشووری کوردستان دا دەستیان ئاوەڵایە .

ئەوەی خوارەوە بەشێک لە ڕوونکردنەوەکەی

سیخۆرەکانی رەژیمی مرۆڤکۆژی کۆماری سیداری ئیران بە یارمەتی یەکئیتی نیشتمانی کوردستان کاک مەۆلود ئەفندیان رەفاندوە

 یە کئیتی نیشتمانی کوردستان کە هاوپیمانی رەژیمی سیداری کۆماری مەرۆڤ کۆژی ئیران  بەر پرس دەزانین لە مەر گیانی کاک مەولود ئەفند یەکئیتی نیشتمانی کوردستان و کۆمپانیا سیخۆرەکانی کۆماری سیداری رەژیمی ئیران لە هەریمی کوردستان مەسئۆلی گیانی کەک مەولود ئەفندن چۆنکە یەکئیتی نیشتمانی کوردستان بە ریبری مام جەلال لە گەل رەژیمی ئیراندا ئستراتژی هاوپیمانی هیە و ئەم ئستراتژیە  هاو پیمانیەیش لە چۆارچیەوی کاری سیخۆریو دەژی وەلات پاریزانی کوردستان کار تەلاش دەکن.
سیخۆرەکانی رەژیمی مرۆڤکۆژی کۆماری سیداری ئیران بە یارمەتی یەکئیتی نیشتمانی کوردستان کاک مەۆلود ئەفندیان رەفاندوە.