Pages

Ads 468x60px

6 Mar 2013

gerila kani kurdistan yasay newdewlati



gerila kani kurdistan yasay newdewlati
Ke roj bowe le şwênêk xom drêj kird ke tîşkî xor girtboyewe, demew nîwerro le berzayeke hatme xwarewe û beser rêgakewe berew "şirnan" rêm girteber, rojêkî zor xoş bû, katêk be rêgake derroyiştim le şwênêkda em ber û ewberî rêgake darbû, dû kçî mindall be bergî rengawrrengewe rûberrum bunewe, ewan xoyan be darêkewe serqall kirdbû, şityan le lqî darêk dekirdewe ke lêyan dekirdewe deyanxiste naw sebetekey qollyanewe, ewan hêşta hestyan be min nekirdbû, lêyan nzîk bumewe û pêyanim wut:"sllaw xwa qwettan bdat". Sllaw hevall ewe toy?,

 bellê mnim çon yekser mint nasîyewe?. Kçe biçkolekeyan wutî:"hendêk gorrawît, bellam hêşta denasrêytewe. Nawî zuhel bû, em kçe şîrîne temenî her de sallêk debû, bellam ewey tiryan nawî nuray temenî panze sallêk ebû mawey sallêk bû emnasî, nuray deyuyist bbêt be gerîla, bellam leber ewey temenî bçûk bû boye nemankird be gerîla, pêman wutbû ke maweyek çawerrê bkat, lêyanim pirsî, çî lê ekenewe?. Nuray wutî:"tutrrik". Deste more hellgerrawekanî nîşanimda. Hêşta tutrrik tewaw nebuwe min pêm wabû katekey tewaw buwe. Nexêr êsta katî pêgeyiştnî tutirrke. Berrastî êre bonî xoşe. Hevall tutrrik dexoyt?, zuhal tuxwa eme pirsyare eykeyt?. Sebetekem lêyan wergirt, nextêk lewlawe dîwarêk ke be berd hellçinrabû ke be boyaxî spî boye krabû çûme ser dîwareke û lêy danîştim ke her nîw metrêk berz bû, destim kird be xwardinî tutrrik, tutrrikêkyanim nîşanî zuhelda ke manay wabû xerîkî xwardinî tutirrkim, lêm pirsî "eme le çî eçêt?, tutirrkekan?, bellê. Hîç nayet be eqllimda. Başe hendêk bîr bkerewe. Hihhhhihhhim. Le tûş eçêt. Be pêkenînêkewe wutî:"raste zorîş le tû eçêt. Le çî tir eçêt?, leçî tir... Le çî tir nazanim. Zyatir bîr bkerewe. Bexwa nazanim hîç nayet be mêşkimda. Bo axîrcar bîr bkerewe. Nazanim kwa to bllê le çî eçêt. Henar ... Henar le henar eçêt. Zuhel be tasewe le mnî derrwanî. Henar?, bellê henar le henar eçêt. Bellê le henar eçêt û le henar naçêt. Nuray wutî:"bellê mebestit denke henare?, ewey le dillma bû bîllêm nuray hênaye zman denke henar, bellê le denke henar deçêt. Zuhel wutî:"berrastî le denke henar eçêt. Le nawçey ême lewê darhenarman heye hemû bem şêweye bçukin, her ewendey tutrrikêkin. Darî wa heye?. Nuray wutî:"ebêt bo nabêt henarî bçukîş heye. Ewendem xward kem mabû jêr sebeteke derkewêt, pêyanim wut:"sebetekem lê wergrin bexwa lewaneye sebetekeş bxom. Katêk sebetekem dapêyan le sebetekey tir miştêk tutirrkim lêderkird, key dwacar hevallantan bînî?. Nuray wutî:"dû roj lemewber lêre bûn. Kê bûn?, hevallanî locsitîk û diktor û ewan. Ezanî boçî hatbûn?. Wellla dway hatnî ewan dû kes le xellkî awayî çûn bo şar. Gerwabêt hevallan emrro yan beyanî herdegerrênewe, ke wate şwênî hatuçoy hevallan hîç negorrawe, berrastî xoşîyekî zor û heyecanêkî şîrîn dillmî girtewe, çunke îtir kotayî bem zehmetîyem dehat. Hevall bîr le çî ekeytewe?. Le hîç boçî pirsît?. Ba îtir min bêm bolatan, lewaneye em şew grupêk le gerîla bên bo laman, mnîş le gell xotan bern. Hevallan bellênyan betoda wanîye?, bellê bellênyan pêdam. Kewate key katî hat dên be şwênta û le gell xoyan detben. Ewende çawerrêm kird bese îtir, çawerrwanî naxoşe berrastî bêzarm lem çawerrwanîye. Pêwîste rabêyt, pêwîste le êstawe wek gerîlayek hellsukewt û bîr bkeytewe, sebir ... Sebir. Çawerrwanî ke çawerrê dekeyt le hemankatda xot behêz bke. Kem yan zor em ştane ezanim, demewêt hemû emane le pratîkî jyanda fêrîbbim. Bêguman ew kateş herdêt, le bîrî meke bellênman be todawe ême xawen bellênî xomanîn. Başe hevall. Dway ewey qena'etim be nuray kird sebetekem hellgirt û kewtme kokirdnewey tutrrik, pêyanim wut:"çenêkim xward êsta dû ewendetan bo kodekemewe. Katêk min xerîkî tutrrik bûm ewan xerîkî çekekem bûn, çûme layanewe û çekekem hellgirt, pêyanim wut:"min errom zaten dwakewtum. Zuhel wutî, bo kwê hevall?, eçim bo şirnane, lewaneye em şew hevallan bêne ewê. Nuray wutî, raweste merro hêşta kat zuwe. Eger ewey beserm hatbû tenha basî yek rojyanim bo em dû kçe şîrîne bkirdaye dillnyabûm ke bo ewey nerrom zextyan lêdekirdim, pêyanim wut:"başe kemêk le latan demênmewe. Nemuyist herwa bwestim miştêk le tutirrkekem hellgirt û dwayş wutim:"meraqt nebêt, le maweyekî nzîkda hevallan dên be şwênta û le gell xoyan etben. Key?. Rojekey nazanim, bellam le maweyekî kemda. Başe çawerrê ekem, bellam xozge lem werzeda dehatin be şwênme, hemû layek rengawrrenge û ewendeş tutrrik le aradaye û dunyaş zor xoşe. Maweyek bê deng buyn, dwayş çekekem hellgirt û hestame ser pê. Rêm dûre ba dwa nekewm. Tewqem le gellyan kird û herdukîşyan serumşitêk tutirrkyan bo drêj kirdim. Çawerrêman bke le maweyekî kemda dêyn be şwênta. Başe çawerrê dekem.
Serkewtin ... Serkewtin.
Berdewam ebêt
Pyawe biçkolekeyan kerr û llall bû
Beşî 24 
Çawerrwan bin
--------------

یادگاری گه‌ریلاکان تەمەنی بچووك بوو، بۆیە نەمانكرد بە گەریلا ـ بەشی بیست و سێیەمین

ن/ موراد تورك ـ وەرگێڕانی لە توركییەوە/ رێبوار هەمەوەندی
كە ڕۆژ بۆوە لە شوێنێك خۆم درێژ كرد كە تیشكی خۆر گرتبۆیەوە، دەمەو نیوەڕۆ لە بەرزایەكە هاتمە خوارەوە و بەسەر ڕێگاكەوە بەرەو "شرنان" ڕێم گرتەبەر، ڕۆژێكی زۆر خۆش بوو، كاتێك بە ڕێگاكە دەڕۆیشتم لە شوێنێكدا ئەم بەر و ئەوبەری ڕێگاكە داربوو، دوو كچی منداڵ بە بەرگی ڕەنگاوڕەنگەوە ڕووبەڕوم بونەوە، ئەوان خۆیان بە دارێكەوە سەرقاڵ كردبوو، شتیان لە لقی دارێك دەكردەوە كە لێیان دەكردەوە دەیانخستە ناو سەبەتەكەی قۆڵیانەوە، ئەوان هێشتا هەستیان بە من نەكردبوو، لێیان نزیك بومەوە و پێیانم ووت:"سڵاو خوا قوەتتان بدات". سڵاو هەڤاڵ ئەوە تۆی؟، بەڵێ منم چۆن یەكسەر منت ناسییەوە؟. كچە بچكۆلەكەیان ووتی:"هەندێك گۆڕاویت، بەڵام هێشتا دەناسرێیتەوە. ناوی زوحەل بوو، ئەم كچە شیرینە تەمەنی هەر دە ساڵێك دەبوو، بەڵام ئەوەی تریان ناوی نورای تەمەنی پانزە ساڵێك ئەبوو ماوەی ساڵێك بوو ئەمناسی، نورای دەیویست ببێت بە گەریلا، بەڵام لەبەر ئەوەی تەمەنی بچووك بوو بۆیە نەمانكرد بە گەریلا، پێمان ووتبوو كە ماوەیەك چاوەڕێ بكات، لێیانم پرسی، چی لێ ئەكەنەوە؟. نورای ووتی:"توتڕك". دەستە مۆرە هەڵگەڕاوەكانی نیشانمدا. هێشتا توتڕك تەواو نەبووە من پێم وابوو كاتەكەی تەواو بووە. نەخێر ئێستا كاتی پێگەیشتنی توتڕكە. بەڕاستی ئێرە بۆنی خۆشە. هەڤاڵ توتڕك دەخۆیت؟، زوحال توخوا ئەمە پرسیارە ئەیكەیت؟. سەبەتەكەم لێیان وەرگرت، نەختێك لەولاوە دیوارێك كە بە بەرد هەڵچنرابوو كە بە بۆیاخی سپی بۆیە كرابوو چوومە سەر دیوارەكە و لێی دانیشتم كە هەر نیو مەترێك بەرز بوو، دەستم كرد بە خواردنی توتڕك، توتڕكێكیانم نیشانی زوحەلدا كە مانای وابوو خەریكی خواردنی توتڕكم، لێم پرسی "ئەمە لە چی ئەچێت؟، توتڕكەكان؟، بەڵێ. هیچ نایەت بە ئەقڵمدا. باشە هەندێك بیر بكەرەوە. ههههههههم. لە تووش ئەچێت. بە پێكەنینێكەوە ووتی:"ڕاستە زۆریش لە توو ئەچێت. لە چی تر ئەچێت؟، لەچی تر... لە چی تر نازانم. زیاتر بیر بكەرەوە. بەخوا نازانم هیچ نایەت بە مێشكمدا. بۆ ئاخیرجار بیر بكەرەوە. نازانم كوا تۆ بڵێ لە چی ئەچێت. هەنار ... هەنار لە هەنار ئەچێت. زوحەل بە تاسەوە لە منی دەڕوانی. هەنار؟، بەڵێ هەنار لە هەنار ئەچێت. بەڵێ لە هەنار ئەچێت و لە هەنار ناچێت. نورای ووتی:"بەڵێ مەبەستت دەنكە هەنارە؟، ئەوەی لە دڵما بوو بیڵێم نورای هێنایە زمان دەنكە هەنار، بەڵێ لە دەنكە هەنار دەچێت. زوحەل ووتی:"بەڕاستی لە دەنكە هەنار ئەچێت. لە ناوچەی ئێمە لەوێ دارهەنارمان هەیە هەموو بەم شێوەیە بچوكن، هەر ئەوەندەی توتڕكێكن. داری وا هەیە؟. نورای ووتی:"ئەبێت بۆ نابێت هەناری بچوكیش هەیە. ئەوەندەم خوارد كەم مابوو ژێر سەبەتەكە دەركەوێت، پێیانم ووت:"سەبەتەكەم لێ وەرگرن بەخوا لەوانەیە سەبەتەكەش بخۆم. كاتێك سەبەتەكەم داپێیان لە سەبەتەكەی تر مشتێك توتڕكم لێدەركرد، كەی دواجار هەڤاڵانتان بینی؟. نورای ووتی:"دوو ڕۆژ لەمەوبەر لێرە بوون. كێ بوون؟، هەڤاڵانی لۆجستیك و دكتۆر و ئەوان. ئەزانی بۆچی هاتبوون؟. وەڵلا دوای هاتنی ئەوان دوو كەس لە خەڵكی ئاوایی چوون بۆ شار. گەروابێت هەڤاڵان ئەمڕۆ یان بەیانی هەردەگەڕێنەوە، كە واتە شوێنی هاتوچۆی هەڤاڵان هیچ نەگۆڕاوە، بەڕاستی خۆشییەكی زۆر و هەیەجانێكی شیرین دڵمی گرتەوە، چونكە ئیتر كۆتایی بەم زەحمەتییەم دەهات. هەڤاڵ بیر لە چی ئەكەیتەوە؟. لە هیچ بۆچی پرسیت؟. با ئیتر من بێم بۆلاتان، لەوانەیە ئەم شەو گروپێك لە گەریلا بێن بۆ لامان، منیش لە گەڵ خۆتان بەرن. هەڤاڵان بەڵێنیان بەتۆدا وانییە؟، بەڵێ بەڵێنیان پێدام. كەواتە كەی كاتی هات دێن بە شوێنتا و لە گەڵ خۆیان دەتبەن. ئەوەندە چاوەڕێم كرد بەسە ئیتر، چاوەڕوانی ناخۆشە بەڕاستی بێزارم لەم چاوەڕوانییە. پێویستە ڕابێیت، پێویستە لە ئێستاوە وەك گەریلایەك هەڵسوكەوت و بیر بكەیتەوە، سەبر ... سەبر. چاوەڕوانی كە چاوەڕێ دەكەیت لە هەمانكاتدا خۆت بەهێز بكە. كەم یان زۆر ئەم شتانە ئەزانم، دەمەوێت هەموو ئەمانە لە پراتیكی ژیاندا فێریببم. بێگومان ئەو كاتەش هەردێت، لە بیری مەكە بەڵێنمان بە تۆداوە ئێمە خاوەن بەڵێنی خۆمانین. باشە هەڤاڵ. دوای ئەوەی قەناعەتم بە نورای كرد سەبەتەكەم هەڵگرت و كەوتمە كۆكردنەوەی توتڕك، پێیانم ووت:"چەنێكم خوارد ئێستا دوو ئەوەندەتان بۆ كۆدەكەمەوە. كاتێك من خەریكی توتڕك بووم ئەوان خەریكی چەكەكەم بوون، چوومە لایانەوە و چەكەكەم هەڵگرت، پێیانم ووت:"من ئەڕۆم زاتەن دواكەوتوم. زوحەل ووتی، بۆ كوێ هەڤاڵ؟، ئەچم بۆ شرنانە، لەوانەیە ئەم شەو هەڤاڵان بێنە ئەوێ. نورای ووتی، ڕاوەستە مەڕۆ ‌هێشتا كات زووە. ئەگەر ئەوەی بەسەرم هاتبوو تەنها باسی یەك ڕۆژیانم بۆ ئەم دوو كچە شیرینە بكردایە دڵنیابووم كە بۆ ئەوەی نەڕۆم زەختیان لێدەكردم، پێیانم ووت:"باشە كەمێك لە لاتان دەمێنمەوە. نەمویست هەروا بوەستم مشتێك لە توتڕكەكەم هەڵگرت و دوایش ووتم:"مەراقت نەبێت، لە ماوەیەكی نزیكدا هەڤاڵان دێن بە شوێنتا و لە گەڵ خۆیان ئەتبەن. كەی؟. ڕۆژەكەی نازانم، بەڵام لە ماوەیەكی كەمدا. باشە چاوەڕێ ئەكەم، بەڵام خۆزگە لەم وەرزەدا دەهاتن بە شوێنمە، هەموو لایەك ڕەنگاوڕەنگە و ئەوەندەش توتڕك لە ئارادایە و دونیاش زۆر خۆشە. ماوەیەك بێ دەنگ بوین، دوایش چەكەكەم هەڵگرت و هەستامە سەر پێ. ڕێم دوورە با دوا نەكەوم. تەوقەم لە گەڵیان كرد و هەردوكیشیان سەرومشتێك توتڕكیان بۆ درێژ كردم. چاوەڕێمان بكە لە ماوەیەكی كەمدا دێین بە شوێنتا. باشە چاوەڕێ دەكەم.
سەركەوتن ... سەركەوتن.
بەردەوام ئەبێت
پیاوە بچكۆلەكەیان كەڕ و ڵاڵ بوو
بەشی ٢٤ 
چاوەڕوان بن

No comments:

Post a Comment

 
 
Blogger Templates