پێیرۆ پرۆگرامی ناخۆیی دەزگای دۆستایەتی ئیسرائیل کورد

پێیرۆ پرۆگرامی ناخۆیی  دەزگای دۆستایەتی ئیسرائیل کورد 

دەزگای دۆستایەتی ئیسرائیل کورد 
دەزگای دۆستایەتی ئیسرائیل کورد ریکخراوەیکی سەربەخۆییە و سەر بە هیچ لایەنیک نییە دیفاعیش لە هیچ لایەنیک ناکات دەژ بە لایەنیکی دیکە ئیمە وەک کاربەدەستانی ریکخراوی ئیسرائیل هەول ئەدێن کومەلگای کوردیش برۆ دیمۆکراتیزە کردن بە بین و گەلەکەمان وشیار بکەینەوە کە کەمتر چەپەلە بوو کەسانێکی لی بەدەن کە شایانی ئەویان نەبیت کە بە هانای خەلکی کوردستانەوە بەچن.

دەزگای ئیسرائیل کورد  و یاساکانی ئیمە ریز لە یاساکانی نیشتمانی دەگرین و هەر ریکخراوەیک لە یاساکانی نیشتمانی لابەدات ئەوا دەکەویتە بەر رەخنەی ئیمە .

یاساکانی نیشتمانی چێن؟

١ هیچ ریکخراوەیکی کوردستانی بووی نییە بکەویتە بەر دۆژمن و راکیشی بکات بوو داگیرکردنی خاکی کوردستان و یان هاوکار دۆژمن بکات دەژ بە کورد ئەمانە وەک خەیانەتی نیشتمانی لە قەلم دەدرین ئەو کەسانە و یان ئەو  سەرکردانی وا دەست بە کاری وەها بەبن دەبێت بەدرینە دادگا و سزا بەدرین.

٢ هەموو ریکخراوەکانی کوردستان دەبێت ریز لە بیررای یەکتری بگرەن و پێکەوە کار بکەن بوو ئازادی کوردستان.

جا هەر ریکخراوەیکی کوردستان بە ئاشکرا و یان نەهینی هاوکاری داگیرکەرانی کوردستان و دۆژمنانی کورد  بکات  خەیانتکارە و دەبێت سەرکردەکانی ئەو ریکخراوانە سزابەدرین.

دەزگای دۆستایەتی ئیسرائیل کورد ریز لە هەموو ئائینەکان دەگرین  وەک موسلمانان و جووەکان مەسیحیەکان ئیمە دەژایەتی هیچ ئائینیک ناکەین و ریز لە هەموو ئائینیک دەگرین.

ئامانجەكانی دەزگای دۆستایەتی ئیسرائیل-كورد
دەزگای دۆستایەتی ئیسرائیل-كورد دەزگەیەكە سەرەتاكانی ساڵی 2009 لەلایەن بەڕێزی مەولود ئافەند و  داوود باغستانی هاتە دامەزراندن، بەڵام تا ئێستە لەلایەن حكوومەتی هەرێمەوە وەك ناوەندێكی رەسمیی نەناسراوە.

بەلام سامۆئیل کرماشانی لە سالەکانی ٢٠٠٠ و ٢٠٠١ دا هەولی دا ریکخراوەیک هاوشیوە درۆست بکات بەلام کەس حازەر نەبوو خۆیی لی بەدات چونکە ئەو کاتە خەلکی کوردستان وەک ئەمرۆ بیریان نەدەکردەوە و ئاستی وشیاری خەلک ئەوندە برەز نەبوو وەک ئەمرۆ. بوو هاوکاری کردن داوامان لە لایەنگرانی حیزبی  دیمۆکراتی کوردستان کرد ئەوان بەداخەوە وەها وەلامی ئێمەیان دایەوە کە حیزبی دیمۆکراتی کوردستانی ئیران ریگا نادات هیچ ریکخراوەیکی مورتجەع لە کوردستاندا درۆست بەبیت.

 ئیسرائیل-كورد پەیامێكی دیار و بەرچاوی هەڵگرتووە و كار لەسەر بەرژەوەندییە هاوبەشەكانی ناڤبەر ئیسرائیل و كوردستان دەكات و چەند پرسگەلێكی تری نێوان ئەو دوو لایەنە بەگرینگ وەردەگرێ.
ئەو دەزگەیە هەوڵ دەدات ئەوە روون بكاتەوە كە بۆچی نابێ ئێمە شانازی بەمێژوو، كولتوور، دۆستان و تواناكانی خۆمان بكەین، چونكە سەرجەم گەلانی تری دنیا ئەو قۆناخەی ئێستەی ئێمەیان بڕیوە و تێپەڕاندووە.
كورد، هێزێكی باشی هەیە بۆ ئەوەی سوود لە ئیسرائیل وەربگرێ و دواتر لە ئەمەریكا بۆ ئەوەی بەرەو سەربەخۆیی هەنگاو بنێ، لەو نێوەندەدا كۆمەڵێك دەرفەتی باشی هاوكاری لە نێوان كوردستان و ئیسرائیلدا هەیە.
هەردوو لایەنی كورد و ئیسرائیل لەلایەن دوژمنانی توندڕۆی خۆیانەوە چەوساونەتەوە و كەوتوونەتە ژێر هەڕەشەی جۆراوجۆری لایەنەكان و دوژمنانی هاوبەشیان. زۆربەی عەرەبەكان و رێژیمی ئێستەی ئێران و تیرۆریستەكان گەمارۆی كورد و جوویان داوە، بۆیە پێویست دەكات فۆبیای پێگەیشتن و پێوەندیی هەردوو لایەنی ئیسرائیلی و كوردستانی بشكێ و ئەو پێوەندییە ساز بكرێ.
كرانەوەی سیاسیی نێوان ئیسرائیل و كوردستان دەكرێ وەك بەرژەوەندیی هەردوولایەن بێتە دانان. كوردستانێكی بەهێز لە ناوچەكەدا دەتوانێ فشار بخاتە سەر ئێران، توركیا و عەرەبەكان. ئیسرائیل لە چەند بەرەیەكدا دژی دوژمنانی ئێستەی لە شەڕ دایە، واتە كورد دەتوانێ لەوبارەیەوە هاوكاری و پاڵپشتی بێ و بچێتە بەرەی ئیسرائیل و هاوكاری لایەنی ئیسرائیلی بكەن دژی ئەو وڵات و لایەنانەی هەولێ سڕینەوە و نەهێشتنی كورد و ئیسرائیل دەدەن.
لەلایەكی ترەوە، ئیسرائیل دەكرێ وەك نموونەیەك لە ئاوارەیی بۆ كوردان بێتە دانان، چونكە لە سەرەتاوە جووەكان وەك كورد بێ ماڵ و حاڵ بوون و شوێنێك نەبوو تێیدا بژین، بەڵام ئەوان یەكیان گرت و ئەقڵ و هزریان خستە خزمەت پاراستنی خۆیان. 
ئیسرائیل لە دۆخی هەستیاری كورد تێ دەگات، واتە دەزانێ چون چارەسەریش بكات. كورد پێویستی بە وڵاتەیە بۆ ئەوەی سەرجەم پێكهاتە جۆراوجۆرەكانی خۆی كۆی سەر یەكتری بكاتەوە و كوردانی پەڕیوەی بەشەكانی تری دنیا بخاتەوە سەر نیشتمانی كورد. كورد مافی خۆیەتی وەك نەتەوەیەك لە وڵاتێكدا بژی و بۆ ئەو مەبەستە ئیسرائیل و جوو بە نموونە وەربگری. 
ئەوە مەبەست و ئامانجی دەزگەی ئیسرائیل-كوردە و ئاشكرایە و لە سەرجەم قسە و گوتاری رۆژانەی هەر كوردێكدا رەنگ دەداتەوە.
دۆخی ئێستەی دەزگەی ئیسرائیل-كورد
هەرێمی كوردستان وەك بەشێك لە رۆژهەڵاتی ناوەڕاست لەلایەن ئایدیۆلۆجی ئیسلامیی وڵاتانی دراوسێ گەمارۆ دراوە، بەتایبەت لە عێراقدا كە بە دۆخێكی هەستیاردا تێدەپەرێ و ئێمەش لەو ناوچەیە هەڵكەوتووین.
لە سەرەتاوە نووسینی وشەی ئیسرائیل لەسەر رۆژنامە یان گۆڤارێك لە هەولێری سەر بە عێراقی ئیسلامی زۆر مەترسیدار و بە فۆبیا دەهاتە دانان.
ئێستە دۆخی ئیسرائیل-كورد لە هەرێمی باشترە و هۆكارەكەی رۆڵی دەزگاكەمان بۆ تێگەیشتنی خەڵك لە پرسەكە دەگەڕێتەوە و رەزامەندیی زیاتر لەسەر پەسندكردنی پێوەندیی دوو نەتەوەی كورد و جوو ئێستە لە كوردستان زیاترە.
حكوومەتی هەرێمی كوردستان بە شێوەی راستەوخۆی هیچ گرینگییەی بە دەزگەكە و چالاكییەكانی نەداوە، بەڵام هەندێك نیشانە هەن ئاماژەن بەوەی بەرپرسانی رەسمیی لە دوورەوە و بەنهێنی چاودێریی كارەكانی ئێمە دەكەن.
دۆخی ئابووری و داراییی دەزگە باش نییە و پێویستیی بەپاڵپشتیی زیاتر هەیە بۆ ئەوەی بتوانێ مەبەست و ئامانجە سەرەكییەكانی خۆی سەر بخات.
بارودۆخی ئەمنی و تەناهیمان خراپە و بەرەوڕووی هەڕەشەین، بەڵام ئێمە تا ئێستە توانیومانە خۆمان بپارێزن و بەشێوەیەكی تاكەكەسی ئاگەداری خۆمان بین، بێ ئەوەی حكوومەتی هەرێم و هیچ لایەنێكی تری حكوومەتی هەرێمی كوردستان لەوبارەیەوە هاوكاری تایبەت و راستەوخۆمان بكات. 
ئامانج و مەبەستە سەرەكییەكانی ئێمە:
كۆمەڵێك مەبەست و ئامانج و پرسگەل هەن كە لەلایەن دەزگەی ئیسرائیل-كوردەوە لە هەرێمەكەدا كاریان لەسەر دەكرێ، لێرەدا هەموویان لە 15 خاڵدا كوورت كراونەتەوە و دەتوانین وەك ئامانجە سەرەكییەكانی خۆمان و سیاسەتی دەزگە ناوی ببەین:
دڵنیاكردنەوەی حكوومەتی هەرێمی كوردستان لەوەی گەشەكردنی ئێمە و پەرەسەندنمان زیان بەو ناگەیەنێ و تەنانەت بۆ داهاتووی ئەوانیش سوودمەند دەبێ.
پاراستنی بەرژەوەندییە هاوبەشەكانی ئیسرائیل و كورد لە هەرێمەكەدا گرینگترین مەبەست و ئامانجی دەزگاكەیە.
هەوڵی كۆكردنەوەی سەرجەم ئەو سەرچاوە مێژوویییانە دەدەین كە پێوەندییان بە رووداوەكانی رابردووی كورد و جووەوە هەیە.
ئەو رووداوە مێژویییانە دەخەینە روو كە بەشێوەیەكی هاوبەش تووشی كورد و جوو بوونەتەوە.
دۆزینەوەی ئەو سیاسەتوانە كورد و جووانەی بڕوایان بەبوونی پێوەندیی بەهێزی نێوان دوو نەتەوەدا هەیە.
روونكردنەوە و یەكخستنی ئەو خەڵكە رۆشنبیر و ئەكادیمییانەی كە لەبارەی پێوەندیی كورد و جوو دەزانن.
ئامادەكردنی پڕۆژەیەكی تایبەت بە دۆستایەتیی كورد و جوو بۆ رێكخراو و ناوەندە نێودەوڵەتییەكان و ئاگەداركردنەوەی لە بوونی پرسێكی لەو شێوەیە لە كوردستان.
دۆزینەوەی بەڵگەی باوەڕ پێكراو و قسەكردنی ئەو خەڵكانەی ئاگەداری پێوەندیی كورد و جوون و كردنیان بە بەڵگەی مێژوویی.
ئاشكراكردن و لەقاودانی ئەو هۆكارانەی كە بەڕاستی رێگە لە هاتنە ئارای پێوەندیی كورد و ئیسرائیل و دۆستایەتیی ئەو دوو لایەنە دەگرن.
دەستنیشانكردنی خاڵە لاواز و بەهێزەكانی كورد و جوو و هاوكات كاركردن لەسەر خاڵە بەهێزەكان و بەهێزكردنی لایەنەكانی تری پرسەكە.
دیاریكردنی رۆژێكی جیهانیی تایبەت بە رۆژی دۆستایەتیی كورد و جوو.
دانانی پلان بۆ سازدانی چالاكییەكانی وەك سێمینار و كۆنفرانس لەبارەی پرسەكان.
خۆپاراستن و دووركەوتنەوە لە هەرجۆرە كێشەیەكی پێوەیست بە ئاینەكان و لەوانە مسوڵمانان و كریستیانەكان.
تێكەڵبوون لەگەڵ ئەكادیمییەكانی عەرەب و هەروەها ئەوانەی كورد و جوو وەك دوو نەتەوەی سەربەست و سەربەخۆ دەناسن بەبێ هیچ جۆرە چەوسانەوە و داگیركارییەك.
پێشاندانی ئەو مەبەستەمان كە ئێمە كار دەكەین و هەوڵ دەدەین بۆ ئەوەی نەتەوەكەمان لەژێر داگیركاری رزگار بكەین و بەڕاستی هیچ مەبەستی ترمان نییە. 
چالاكییەكانی ئێمە:
لێرەدە باس لە چەند كار و چالاكیی سەرەكیی دەزگەی ئیسرائیل-كورد دەكەین لە ماوەی یەكساڵ و نیوی رابردوودا:
گۆڤاری ئیسرائیل-كورد:
دەرچوونی 20 ژمارەی گۆڤاری ئیسرائیل-كورد و بەردەوامبوون لەسەر دەركردنی.
دەرچوونی 2 ژمارەی ئینگلیزی گۆڤاری ئیسرائیل-كورد
چاپ و بڵاوكردنەوەی بڵاڤۆكێكی تایبەت بە ئیسرائیلناسی بۆ پێدانی زانیاریی زیاتر لەسەر ئیسرائیل.
چاپ كردنی یەكەم رۆژنامەی ئیسرائیل-كورد لە ئۆرشەلیم بە زمانی عیبری.
كردنەوەی نووسینگەی تایبەتی گۆڤاری ئیسرائیل-كورد لە ئیسرائیل و چاپ و بلاوكردنەوەی گۆڤاری ئیسرائیل-كورد بە زمانی ئینگلیزی.
جگە لە زنجیرەیەك كار و چالاكیی پێوەندیداری تر لەگەڵ لایەنەكانی رەسمی، ناڕەسمی، كولتووری و ئەوانەی دەكرێ وەك سەرچاوەیەك بۆ سەرخستنی مەبەستەكانی دەزگای دەزگای دۆستایەتی ئیسرائیل-كورد سوودیان لێ وەربگیرێ كە هەمان دامەزراندنی پێوەندیی كورد لەگەڵ ئیسرائیلە.
دەزگەی دۆستایەتی ئیسرائیل-كورد