دەستبەسەرکردنى تۆڕێکى ڕفاندن و تیرۆرى کۆمارى ئیسلامى لە تورکیە
دیمەنى دەستبەسەرکردنى ٨ بەکرێگیراوەکەى کۆمارى ئیسلامى لە تورکیە کە دەیانهەویست بەرپرسێکى پێشووى سەربازى قۆڵبەست و بیگەڕێننەوە بۆ ئێران
▪️ بەرپرسێکى باڵاى تورکیە ڕایگەیاند: ٨ کەسمان بە تۆمەتى ڕفاندنى کەسێکى سەربازى پێشووى کۆمارى ئیسلامى دەستبەسەر کردووە.
▫️ ڕۆژى چوارشەممە ٢١ى ڕەزبەر، هەواڵدەرى فەڕەنسا لە زمانى بەرپرسێکى تورکیەوە بڵاوى کردەوە: هاووڵاتییەکى تورکیەو هاووڵاتییەکى ئێرانیمان دەستبەسەر کردووە کە دەیانویست بەرپرسێکى سەربازى پێشووى کۆمارى ئیسلامى دەستبەسەر و بیگەڕێننەوە بۆ ئێران.
▫️ لە سەر بنەماى ڕاپۆرتەکەى هەواڵدەرى فەڕەنسا، ئەم بەرپرسە سەربازییەى پێشوو کە ناوى نەبراوە، لە ناوچەى وانى تورکیە دەژیت.
▫️ سەرەڕاى ئەم دوو کەسە، ٦ کەسى دیکەش هاودەست و هاوکارى ئەم دوو کەسە بوونە بۆ ڕفاندنى ئەو بەرپرسە ئێرانییە کە لە لایەن سازمانى زانیارى تورکیە و میت و پۆلیسى نیشتمانى دەستبەسەر کراون.
No comments:
Post a Comment