بەریز نەتەنیاهو سەرخۆشی خۆیی بە بوونەی روداوەکەی چەند رۆژ پیش کە کەسیکی نەخۆش هێرش دەباتە سەر قوتابیان و چەند مندال دەکۆژێت ئاراستی بەریز باراک ئەوباما دەکات

بەریز نەتەنیاهو سەرخۆشی خۆیی بە بوونەی روداوەکەی چەند رۆژ پیش کە کەسیکی نەخۆش  بە چەک  هێرش دەباتە سەر قوتابیان و ٢٦ کەس  دەکۆژێت کە زۆربیان  مندال بوون لە ئەم باریەوە بەریز نەتەنیاهو سەرۆک وەزیرانی ئیسرائیل بە بوونی ئەم روداوە دل تەزینەوە   سەرخۆشی خۆیی  ئاراستی بەریز باراک ئەوباما  و گەلی ئەمەریکا  و بنەمالی  قوربانیان دەکات 

---

ئه‌مه‌ریکا پرسه‌ی کوشتنه‌ به‌کۆمه‌ڵه‌که‌ی خوێندگایه‌کی سه‌رتایی له‌ که‌ناتیکت ده‌گێڕێت

تا ئێستا کاربه‌ده‌ستانی ئه‌مه‌ریکا ڕایاننه‌گه‌یاندووه‌ که‌ چ شتێک وه‌های له‌و کوڕه‌ ته‌مه‌ن 20 ساڵانه‌ کرد 26 که‌س له‌ خوێندنگایه‌کی سه‌ره‌تایی له‌ نیوتاونی کناتیکت بکوژێت. 20 که‌س له‌ کوژراوه‌کان منداڵ بوون.
شه‌وی هه‌ینی سه‌دان که‌س له‌ کڵێسایه‌کی نیوتاون بوون بۆ پرسه‌ی قوربانیان له‌ کاتێکدا خه‌ڵکی شارۆچکه‌که‌و ئه‌مه‌ریکاش ده‌یانه‌وێت تێبگه‌ن هۆی کاره‌ساته‌که‌ چی بوو. فه‌رماندار دانێل مالۆی به‌ ئاماده‌بوانی ڕاگه‌یاند " ئه‌مڕۆ به‌ڵایه‌ک ڕووی له‌ شارۆچکه‌که‌مان کرد".
له‌ ڕۆژی شه‌ممه‌ سه‌رۆک ئۆباما ڕایگه‌یاند هه‌مو دایک و باوکێک له‌ ئه‌مه‌ریکا به‌م کاره‌ساته‌ دڵگران بوون. داوای کردارێکی کاریگه‌ری کرد بۆ ڕێگاگرتن له‌ کاره‌ساتی هاوشێوه‌.
وتاری هه‌فتانه‌ی ڕۆژی شه‌ممه‌ی سه‌رۆک ئۆباما هاوشێوه‌ی ئه‌وه‌ی ڕۆژی هه‌ینی بوو که‌ چه‌ند کاتژمێرێک پاش ڕووداوه‌که‌ ڕایگه‌یاند.
گه‌واهده‌ران ده‌ڵێن چه‌کداره‌که‌ گوڵه‌نه‌بڕی له‌شکری ڕه‌شی له‌به‌ردابووه‌ سه‌رله‌به‌یانی ڕۆژی هه‌ینی خۆی کرد به‌ نێو قوتابخانه‌که‌دا و ده‌ستڕێژی کرده‌ سه‌ر منداڵان و مامۆستاکانیان له‌ دوو پۆلدا. به‌رپرسی خوێندنگاکه‌ش له‌ نێو کوژراوه‌کاندا بوو.
کاربه‌ده‌ستان ده‌ڵێن هێرشبه‌ره‌که‌، که‌ به‌ ئاده‌م لانزا" ناسراوه‌ له‌ شوێنی ڕووداوه‌که‌ به‌ گولله‌ی خۆی کوژراوه‌.
کاربه‌ده‌ستان ده‌ڵێن هێرشبه‌ره‌که‌ دایکی خۆشی له‌ ماڵه‌وه‌ کوشتووه‌ به‌ر له‌وه‌ی هێرش بکاته‌ سه‌ر خوێندنگاکه‌.
برای چه‌کداره‌که‌ که‌ له‌ نیوجه‌رسییه‌  له‌لایه‌ن پۆلیسه‌وه‌ لێکۆڵینه‌وه‌ی له‌گه‌ڵدا ده‌کرێت. پۆلیس ڕایگه‌یاند که‌ هاوکاری پۆلیس ده‌کات بۆ لێکۆڵینه‌وه‌ له‌ ڕووداوه‌که‌.

ڕاپۆرت له‌سه‌ر ته‌قه‌کردنه‌که‌ی نیوتاون

http://www.dengiamerika.com/content/article/1565673.html

که‌سێـکی چه‌کدار 26 که‌س له‌ قوتابخانه‌یه‌کی سه‌ره‌تایی له‌ ئه‌مه‌ریکا ده‌کوژێت

به‌یانی ئه‌مڕۆ هه‌ینی له‌ شـاری نیوتاونی ویلایه‌تی که‌نه‌تیکتی ئه‌مه‌ریکا که‌سێـکی چه‌کدار چووه‌ته‌ نێو قوتابخانه‌یه‌کی سه‌ره‌تایـیه‌وه‌ و له‌وێ نزیکه‌ی 26 که‌سی کوشـتووه‌ که‌ 18 یان منداڵی خوێندکار بوون که‌ ته‌مه‌نیان له‌ نێوان پـێنج بۆ ده‌ سـاڵ بوو.
ژماره‌یه‌ک له‌ کوژراوه‌کانیش مامۆسـتا و کارمه‌ندی قوتابخه‌نه‌که‌ بوون، له‌وانه‌ به‌ڕێوه‌به‌ری قوتابخانه‌که‌. چه‌کداره‌ دایکی خۆشی کوشـتووه‌ که‌ هه‌ر له‌و قوتابخانه‌یه‌ مامۆسـتا بووه‌.
کاربه‌ده‌سـتێـکی پـۆلیس ده‌ڵێت چه‌کداره‌که‌ له‌ پاش ئه‌وه‌ی نزیکه‌ی 100 گولـله‌ی ته‌قاندووه‌ خۆی کوشـتووه‌.
به‌پـێی هه‌واڵه‌کان گومان هه‌یه‌ که‌سێـکی دیکه‌ له‌گه‌ڵ چه‌کداره‌که‌دا بووبێت و ئێسـتا له‌و باره‌یه‌وه‌ لێـکۆڵینه‌وه‌ ده‌کرێت.
ده‌سه‌ڵاتدارانی شـاره‌که‌ بڕیاریان دا ئه‌مڕۆ هه‌موو قوتابخانه‌کانی شاره‌که‌یان دابخه‌ن.
جێی ئاماژه‌یه‌ ئه‌مه‌ خوێناویترین هێرشی سه‌ر قوتابخانه‌ی سه‌ره‌تایـیه‌ له‌ مێژووی نوێی ئه‌مه‌ریکادا.