ئەم دیمەنەی کە ئەمڕۆ چوارشەممە ٢٢ی سەرماوەز لەسەر ئینتەرنێت بڵاو کراوەتەوە، تەقاندنوەی ژینگەی دەوروبەری گوندی "ساوا"ی سەر بە شاری مەریوان لە نزیک سنووری باشماخ نیشان دەدات.
🔻بڵاوبوونەوەی ئەم دیمەنە لەسەر فەزای مەجازی کاردانەوەی لێکەوتۆتەوە و هەندێک لە چالاکوانان وەک بەڵگەیەکی ئاشکرا لەسەر سیاسەتی بە تاڵان بردنی سامانی هەرێمە پەراوێزخراوەکان لەلایەن دەسەڵاتی ناوەندگەراوە، بڵاویان کردۆتەوە.
🔻بەپێی زانیارییەکان کارگەیەکی "لم و ماسە" چەندین ساڵە لە دەوروبەری ئەو گوندە بەبێ ڕەچاوکردنی بنەماکانی ژینگەپارێزی چیا و دۆڵەکانی ئەو ناوچەیە هەڵدەتەکێنێت و بە تاڵانی دەبات.
🔻ئەنجوومەنی سەوزی چیای مەریوان لەگەڵ بڵاوکردنەوەی ئەم دیمەنە، کردەوەی ئەو کارگەیە و کۆمپانیاکانی لم و ماسەی وەک "حەپەلووش کردنی چیاکان" وەسف کردووە و ڕایگەیاندووە کە ئەوان چەندین جار داوایان لە کاربەدەستانی قەزایی و حکوومی کردووە لە بەرامبەر ئەو تاڵانکارییەی کۆمپانیاکاندا دەستێوەردان بکەن، بەڵام هیچ وڵامێکیان وەرنەگرتووە.
No comments:
Post a Comment