ماموستا قانع شاعیری گەورە
برا وا باوکمان رۆی بە ڕەحمەت
چاک نەجاتی بوو لە دەردو زەحمەت
باوک بۆ هیچ کەس نامێنێ تا سەر
کوڕ ئەو کورەیە لە گل بیتەدەر
مەسەی مەشور برامان برایی
بەڵام بەو شەرتەی کیسەمان جیایی
ماڵەکە بەش کەین بی مەلاو قازی
یەک لە یەکتری چاک ببین ڕازی
ئەو هیسترە شێتەی جوتە وەشێنە
داینێ بۆ من هیچ دامەمێنە
ئەو پشیلە جوانەی پڕ خەت و خاڵە
چش بابۆ تۆ بێ ڕەونەقی ماڵە
ئەو جوت مانگایەی زل و زۆر خۆرە
کە یەکیان شینەو یەکێکیان بۆرە
بۆ من،دو مریشک لاری هیلکە کەر
داینێ بۆ خۆت بەبێ دەردی سەر
ئەو مەینە پیرەی زین هەڵپچڕاوە
مەرحومی باوکم بۆ منی داناوە
بەشی تۆ لەسەر ئەم ماینە نییە
باوکم فەرموویە خەتای من چییە
مس و مەسینەی لە ژەنگا پووراو
داینێ بۆ من لە ساغ و شکاو
کیتەڵەو گۆزە و دیزەو دەرخۆنە
هەمووی بۆ تۆ بی لە تازەو کۆنە
قەت پارە نادەی بۆ سپی كردن
مزگەر ناناسی تا رۆژی مردن
زرنگەی مەنجەل و زەحمەتی سینی
لەخوام گەرەكە قەتی نەبینی
ئەو ئاوە ساردەلە ئەو جەوەنە
دایبنێ بۆخۆت هەرپێ پێكەنە
ئەو هیزە ڕۆنەی کوڵک و موو دارە
دایبنێ بۆ من چارم نا چارە
لە دەرگای حەوشە تاکوو سەربان
دای بنێ بۆ من سەرپاک هۆدەکان
/////////////////////
پاڕە چیە؟
پێناسەیەكی بچوكی بكە
بچمە گیرفانی سەگ دەیکەم بە شێخ
شێخی بێ پارە ئەرزخی لە مێخ
روو لە خوێروو کەم پێ ئەلێن پیاو
خزمەتی دەکەن اوستازی ماستاو
چەند قازی گەورەم فراندە بەرزی
چەند بەرزە فرم دا لە عەرزی
چەند کەمتیارم کرد بە مەلا
بێ دین و ئەدەب بەمن مووبتەڵا
چەند ژنی شۆخم رسوا و سووک
لایی هەر ناپیاوێک شەو دەبوون بەبووک
لە وانە ئێستا هەندێک خانمن
خاوەن تەلار و دیوەخانمن
کاریان تەواوە لە ڵایی بەرپرسان
مەردی بە ئابروو لێیان دەترسان
سووڵکەر بۆ من حەیایی لێ رژا
سەری نزوور و تێک هەل قژ قژ کرا
هەندێ لا هەندێ بۆ من بەکارن
زۆر لە خاوەن کار پیاوتر دیارن
هەرکەسێ ویستی بۆ من بێتە ژوان
دەبێ دووروبێ وەک من بەقووربان
چون ناگا بەمن مەرد بە حەڵالی
باورکە ناکەی گیرفان بەتاڵی
دەفعەیێ بەندە بم بینێ لەخەو
دەم داتن بە ئەم دەم بەخشێ بە ئەو
بۆیە بە بەستە ناچمە گیرفانی
بۆ یەکێ باشم ببمە ئیمانی
No comments:
Post a Comment