نه‌ته‌وایه‌تی و ئایین تایبه‌تن به مرۆڤ.هه‌ربۆیه‌ش سه‌ره‌تا و به‌ر له‌هه‌مووشتێک دبێ فێری "مرۆڤبوون" و مرۆڤایه‌تی ببین.
جا ئه‌وجار نه‌ته‌وایه‌تی و ئایین و بیرو باوه‌ڕ باس و شرۆڤه‌ی بۆ ده‌کرێ. شه‌ڕی ئه‌مڕۆی ڕۆژهه‌ڵاتی ناوه‌ڕاست، شه‌ڕی ئه‌وهێزانه‌یه که ڕه‌گه‌ز و نه‌ته‌وایه‌تی و ئایین و مه‌زهه‌بی خه‌ڵکی ئه‌و ناوچه‌یه‌یان کردووه به بنه‌مای سیاسه‌ت و ده‌سهه‌ڵاتخوازی و به‌رژه‌وه‌ندپه‌رستیه‌کانی خۆیان.ئه‌وان بچووکترین نرخ و بایه‌خێک به مرۆڤبوون و مرۆڤایه‌تی ناده‌ن..مرۆڤبوون وه‌ک ژێربه‌نا و بێششه‌رتی نه‌ته‌وایه‌تی و ئایین فه‌رامۆش کراوه و فڕێ دراوه.تا ئه‌وکاته‌ش که ئه‌وهێزه شکستخواردوو و دواکه‌وتوو و دژه‌مرۆڤانه، نوێنه‌رایه‌تی گه‌لانی ناوچه‌که بکه‌ن و سه‌رده‌ست بن، هه‌تاهه‌تایه‌و هه‌رگیز ئه‌وناوچه‌یه ئه‌من و ئارامی و ئاشتی به‌خۆیه‌وه نابینێت. كه‌مال پشتیوان
No comments:
Post a Comment