دەستبەسەرکردنی وەرزشکارێکی دێهلوڕانی
ڕۆژی هەینی٢٧ی خاکەلێوەی ساڵی ١٤٠٠ی هەتاوی، دکتور ئەکبەر (هیوا) حەیدەرپور، وەرزشوانی دیاریی دێهلوڕان سەر بە پارێزگای ئیلام لە لایەن هێزە ئەمنیەتییەکانەوە دەستبەسەر کرا و بۆ شوێنێکی نادیار گواستوویانەوە.
هێزە ئەمنییەکان هەڵیانکوتایە ماڵی ئەکبەر(هیوا) حەیدەرپور و بەبێ بەڵگەی قەزایی و بە زۆر و لێدان دەستبەسەریان کرد.
"هاوکاری لەگەڵ یەکێک لە حیزبە دژبەرە کوردەکانی کۆماری ئیسلامی" ئەو تۆمەتەیە کە خستوویانەتە پاڵی ئەم وەرزشوانە و بەدواداچوونی بنەماڵەکەی بۆ باتەتی هیوا تا ئێستا بێ ئەنجام بووە.
هیوا حەیدەرپوور بروانامەی دوکتۆرای نێودەوڵەتی هونەرە جەنگییەکانی لە فێدراسۆنی جیهانیی WFSF وەرگرتووە و ئەندامی کۆڕی ئولەمپیکی خویندکاریی ئاسیا و کۆڕی وەرزشی پۆلیسی نیودەوڵەتی( ئێنترپۆل) و مامۆستای پلە یەکی فێدراسۆنی وشۆی ئێران و دامەزرێنەری وشۆی شاری دێهلوڕانە.
No comments:
Post a Comment