که‌یسی مه‌ولود ئافه‌ند له نێوان به‌دواداچوون و داپۆشیندا
هیوا کوردستانی
چالاکی مافی مرۆڤ
شاراوه نییه به هۆی ئه‌و بارودۆخه‌ی دوای راپه‌رین له باشوری کوردستان هاته ئاراوه و له ساڵی 2003 پڕۆسه‌ی راپه‌ڕین کامڵ تر بوو و باشوری کوردستان بوو به به‌شێکی گرینگ له عێراق و چاوه‌دێران و رێکخراوه جیهانییه‌کان به بایخه‌وه چاویان بڕیه ئه‌م به‌شه له نیشتیمان، چالاکانی کوردستانیش له به‌شه‌کانی تر متمانه‌ی ته‌واویان به ده‌سه‌ڵاتدارانی باشوور هه‌بوو بۆیه به سه‌دان و هه‌زاران چالاکی سیاسی و مه‌ده‌نی و رۆژنامه‌نووس و که‌سایه‌تی سیاسی روویان له باشوری کوردستان کرد و درێژه‌یان به چالاکیه‌کانیان دا.
ته‌نانه‌ت به‌شێکی به‌رچاو له چالاکانی سیاسی له رابردوو و ئێستا دا وه‌کوو راوێژکاری سیاسی له‌گه‌ڵ کاربه‌ده‌ستانی حکومه‌تی هه‌رێمی کوردستان، وه‌کوو ئه‌رکی سه‌رشانیان بۆ پاراستنی ئه‌م ده‌ستکه‌وته مێژووی و گرینگه ، درێژه‌یان به چالاکییه‌کانیان دا.
ئه‌مڕۆ ( 96 ) رۆژ به‌سه‌ر بێ سه‌ر و شوێن بوونی رۆژنامه نووس مه‌ولود ئافه‌ند دا تێپه‌ڕ ده‌بێت.
دوای ئه‌وه‌ی په‌نابه‌ر و رۆژنامه نووس مه‌ولود ئافه‌ند له به‌رواری ( 8\6\2012 ) بێ سه‌رو شوێن بوو و هاوڕێ و هاوکاره‌کانی له هه‌موو به‌شه‌کانی کوردستان به گشتی و چالاکان و رۆژنامه‌نووسانی رۆژهه‌ڵاتی کوردستان به‌تایبه‌تی، له‌سه‌ر که‌یسی ئه‌و رۆژنامه‌نووسه هاتنه ده‌نگ، کاربه‌ده‌ستانی حکومه‌تی هه‌رێمی کوردستان ناچار بوون بێنه ده‌نگ و به‌ڵێنی به‌دواداچونی جددی بۆ ئه‌م که‌یسه بده‌ن.
دیاره له ماوه‌ی چه‌ند ساڵی رابردوودا حاڵه‌تی گرتن و رفاندن و کوشتنی رۆژنامه نووسان له هه‌رێمی کوردستان بۆته حاڵه‌تێکی مه‌ترسیدار، به‌ڵام ئه‌وه‌ی که رۆژنامه نووسێکی پارچه‌یه‌کی تری کوردستان روبه‌رووی وه‌ها حاڵه‌تێک ببێته‌وه و ته‌نانه‌ت گومانی راده‌ست کردنه‌وه و کوژرانی بێته ئاراوه دور بوو له چاوه‌ڕوانی.
بۆیه جێی خۆیه‌تی پرسیار له کاربه‌ده‌ستانی هه‌رێمی باشوری کوردستان بکرێت:
ئێوه که به‌ڵێنی به‌دواداچوونی جددی تان بۆ که‌یسی مه‌ولود ئافه‌ند دا، بۆچی به‌م شێوه‌یه بێده‌نگی تان هه‌ڵبژاردوه و هیچ لێدوانێک له‌م په‌یوه‌ندییه دا ناده‌ن؟
مه‌ولود ئافه‌ندی رۆژنامه نووس و په‌نابه‌ری سیاسی چی به‌سه‌ر هاتووه؟
ئایا مافی په‌نابه‌ری سیاسی له باشور بێ سه‌ر و شوێن بوونه؟)
ئه‌وه‌ی که مایه‌ی داخه ئه‌وه‌یه سه‌ره‌ڕای ئاگا بوونی زۆریه‌ک له چالاکان، (ئه‌و چالاکانیه‌ی له‌سه‌ره‌تاوه به‌ده‌نگ که‌یسه‌که‌ی مه‌ولود ئافه‌نده‌وه هاتن و که‌مپین و ئیمزایان بۆ کۆکرده‌وه له بارودۆخی مافی مرۆڤ له باشوری کوردستان، دوای ئه‌وه‌ی کاربه‌ده‌ستانی هه‌رێمی کوردستان به‌ڵێنی به‌دواداچوونیان دا بێده‌نگیان هه‌ڵبژاردوه و به‌ته‌واوی ئه‌م که‌یسه‌یان پشتگوێ خستووه.
لێره‌وه داوا له هه‌موو چالاکانی سیاسی و مه‌ده‌نی، حیزب و رێکخراوه‌کانی کوردستان و جیهان ده‌که‌م له ئاست که‌یسێکی له‌م چه‌شنه بێ ده‌نگ نه‌بن و گوشار بخه‌نه سه‌ر کاربه‌ده‌ستانی هه‌رێم بۆ ئاشکرا کردنی چاره‌نووسی مه‌ولود ئافه‌ند رۆژنامه نووس و په‌نابه‌ری سیاسی.
-------------------
-------------------
پێوەندیی كورد و ئیسرائیل چاوەڕێی خوێندنەوەیەكی عەقڵانی دەكات
پێوەندیی كورد و ئیسرائیل چاوەڕێی خوێندنەوەیەكی عەقڵانی دەكات
گرینگیی پێوەندیی نێوان كورد و ئیسرائیل لەم قۆناخەدا لە هەموو كات زیاتر خۆی دەداتە پێش و ناچارمان دەكات لە هەموو روانگەكانەوە سەیری بایەخی ئەو پێوەندییە بكەین بۆ گەلی كورد لە هەر چوارپارچەی كوردستان و بگرە هەموو دنیا.
ئەگەر چاو لە مێژووی بەرخۆدانی هەردوو ئەو نەتەوەیەی بەرباسەكان واتە كورد و جوو بكەین بۆ گەیشتن بە ئامانجە نەتەوەیییەكان و دروستكردنی چەترێكی نەتەوەیی، لە زۆر لایەنەوە ئێمە مێژوویەكی هاوبەشمان بۆ دروست بووە، بەدەر لە هۆكاری ئاینی كە بووەتە هۆكارێك لە دامەزراندنی دەوڵەتی ئیسرائیل و هەموو جووەكانی لە گۆشە و كەنارەكانی جیهان كۆ كردووەتەوە، ئەوەش بۆ ئێمە هەمیشە بە پێچەوانە بووە لە مێژووی بەرخۆدانی گەلی كورد، چونكە هۆكاری ئایین رۆڵێكی زۆر نەرێنی هەبووە و لەجیاتی كۆكردنەوە و یەكخستنەوەی ماڵی سیاسی و كیانیی كورد، زیاتر بەرەو ئاقاری ئایدیۆڵۆژیای دەسەڵاتە داگیركەرەكانی كوردستانی بووە و بووەتە بەشێك لە پلانەكانی داگیركەرانی كوردستان بۆ زیاتر چەوساندنەوەی گەلی كورد لە هەموو پارچەكاندا.
بۆیە ئەگەر ئەمڕۆ كۆمەڵیك لەو لایەنانەی كە باسی ئەو هۆكارە دەكەن لە پرسی دروستبونی پێوەندیی نێوان گەلی كورد و ئیسرائیل، ئەوە دەبێ زۆر بە روونی ئاماژە بەوەیش بكەین كە گەلی كورد هیچ كات فاكتۆری ئاین رێگری لێ نەكردووە بۆ دروستكردنی پێوەندی لەگەڵ گەلانی جیهاندا و ئیسرائیلیش بە تایبەتی، ئەگەر بە بۆچوونی ئەو لایەنانە بێ كە بەردەوام ئەو بانگەشەیە دەكەن ئێمەی "كوردی موسڵمان" هیچ بەرژەوەندییەكی هاوبەش كۆمان ناكاتەوە لەگەڵ ئیسرائیل تا بمانەوێ پێوەندیی راستەوخۆی لەگەڵدا دروست بكەین و ببینە هاوپەیمانی دەوڵەتی ئیسرائیل لە ناوچەكەدا، ئەوەش رەنگدانەوەی بۆچوونی هەموو ئەو دەوڵەتە عەربییە ئیسلامییانەیە كە نێزیكی نیو سەدەیە ئەوە بە گۆێی كۆمەڵگاكەیاندا دەچرپێنێ، ئەوەیش زیاتر لەبەر بوونی كێشەی نێوان فەلەستین و ئیسرائیلە كە ماوەیەكی زۆرە بەچارەسەر نەكراوی ماوەتەوە، ئاشتی لەسەر بنەمای راستییەكان دروست دەبێ، ئێمەش نكۆڵی لەوە ناكەین كە داوای گەلی فەلەستین داوایەكی رەوایە و زۆر لە هی كورد دەچێ، مافیانە ببنە خاوەنی كیانێكی سەربەخۆ و دوور بن لە هەرجۆرە كردەوەیەكی توندوتیژی و كاری تیرۆر، نەتەوەیەك كە دەتوانین بلێین لە زۆر لایەنەوە بێ بەشكراوە لە مافەكانی، بەڵام لەم نێوەندا راستییەكیش هەیە، كە پێویستە ئێمە بە شێوەیەكی واقعیی چاوی لێ بكەین كە جووەكانی جیهان بە درێژاییی مێژوو لەژێر سیاسەتی سڕینەوەدا بوون و لە زۆر لایەنەوە پێشێلی مافیان كراوە، تا كۆتاكانی دووەم شەڕی جیهانی زۆرترین كەسیان لە هۆلۆكۆست و لەسەر دەستی نازییەكان ڕەشەكوژ كران وبە ملیۆن كەسی تریان لەژێر هەڕەشە و توندوتیژیی ئیسلام دەستبەرداری ئاینی جوو بوون، ئەوانیش یەكێكن لەو میللەتانەی لەو ناوچانە بەهەموو جۆرێك دژایەتیی دروستبوونی كیانەكەیان دەكرێ و دەوڵەتێكیان هەیە. بۆ نمونە لەلایەن وڵاتانی عەرەبییەوە مامەڵەیان لەگەڵدا ناكرێ.
ئەوەی تا ئێستا رێگری كردووە لە پێش چارەسەركردنی ئەو كێشەیە ئیسرائیل نییە، بگرە خودی ناو ماڵی فەلەستینییەكانە كە دابەشبوونە و بەشێك بە ئاشكرا لە دژی هەر هەوڵدانێكن بۆ چارەسەریی ئەو پرسە، ئەوەش وەك ئاشكرایە بوونەتە داردەستی ئەو وڵاتانەی كە بە هەموو شێوەیەك پشتگیری لە تێرۆر و تێكدانی ئاسایشی ناوچەی رۆژهەڵاتی ناوەراست دەكەنەوە، چۆن ئەگەر رۆژێك ئەو پرسەش بێتە چارەسەركردن ئەوە هیچ هۆكاریكی تریان بەدەستەوە نامینێتەوە تا دژایەتیی ئیسرائیلی پێ بكەن، بۆ مەبەستی پەرەپێدانی ئایدۆڵۆژیای شیعەگرایی و دروستكردنی ئەو ئیمپراتۆرییەی كە زیاتر لە 31 ساڵە خەوەنی پێوە دەبینن.
بەڵام ئەوەی لەم قۆناخەدا بۆ ئێمەی كورد گرینگیی تایبەتی خۆی هەیە، خۆ دووركردنەوەیە لەو روانگە و بۆچوونانە كە گوایە نابێ ئێمە لەگەڵ گەلی جوو و برا كوردە جووەكانماندا لەسەر خاكی ئیسرائیل پێوەندیمان هەبێ. خوێندنەوەیەكی نوێ بۆ دروستبوونی ئەو پێوەندییە لەو قۆناخەدا بە رای من زیاتر لە هەموو سات و كاتەكان گرینگترە و دەبێ تەواوی ئەو كۆسپ و تەگەرانەی كە بوونەتە لەمپەر لە بەر پێشكەوتنەكانی ئەو پێوەندییانە بخرێنە پەراوێزەوە و هەنگاوی زۆر لەویش جیدی تر هەڵبگرین بۆ گەشەپێدانی بەرژەوەندییەكانمان لەگەڵ دەوڵەتی ئیسرائیل و برا جووەكانمان لە ناو خاكی ئیسرائیلدا، كە سەردەمێك لێرەوە كۆچی زۆرە ملێیان پێكراوە و ئێستەش لە ئێسرائیلەوە پشتگیری لە مافە رەواكانی گەلەكەیان دەكەن لە هەر چوارپارچەی كوردستان و هیوای گەڕانەوەیان هەیە بۆ نیشتمانی دایك. ئەگەر هیچ خاڵیكی هاوبەشیشمان لەگەڵ ئیسرائیلدا نەبێ كە زۆرمان هەیە، ئەوە تەنیا بوونی دووژمنی هاوبەش دەتوانێ یارمەتیدەری دروستبوونی ئەو پێوەندییە بێ، چونكە گەلی كورد لە چوار لایەنەوە لە دژی دووژمنە ستراتیژییەكانی خۆی خەبات دەكات كە هەمان دوژمن و نەیارانی ستراتیژیی ئیسرائیلن، واتە دەسپێكی بەهێزی هاوبەش بۆ ئەو پێوەندییە هەیە.
بۆ دروستكردنی پێوەندییەكی بەهێزی سیاسی و رۆشنبیری لەگەڵ جووە كوردەكانی وڵاتی ئیسرائیل كە ژمارەیان نێزیكەی 300 هەزار كەسە، رەنگدانەوەی بۆچوون و بیركردنەوەی برا كوردەكانمان لە ئیسرائیل و پاراستنی زمانی دایك و داب و نەریت و فۆلكلۆری رەسەنی كوردی و لەسەر ئاستی كوردستانیش دروستكردنی لۆبییەكی بەهێزی كوردی لە ناوەخۆی ئیسرائیلە بۆ پشتگیریكردنی زیاتر لە دۆزی رەوای نەتەوەی كورد لە چوار پارچەكەی كوردستان و لە ئاستی نێودەوڵەتیدا رۆڵی خۆی دەبێ. لە ئەنجامی ئەو پرسەدا دەتوانن خاڵە بەهێزەكان وەك سەرەتایەك وەربگیرێن بۆ گەشەپیدانی دۆزی كورد لەسەر ئاستی جیهانی و پێوەندی لەگەڵ ئیسرائیلدا كە یەكێكە لە زلهێزەكانی جیهان.
سەرنووسەری گۆڤاری ئیسرائیل- كورد
مەولوود ئافەند
No comments:
Post a Comment