حکومەتی کەنەدا بە تەاوەتی پەیوەندیەکانی خۆیی لە گەل رژیمی ئیراندا پەچراند و بالویزی خۆیی لە تاران داخست

حکومەتی کەنەدا  بە تەاوەتی پەیوەندیەکانی خۆیی لە گەل رژیمی ئیراندا پەچراند  و بالویزی خۆیی لە تاران داخست تا رۆژی سی  شەمەی داهاتو  مولەتی داناوە بۆ کارمندانی بالویزخانەی  ئیران  لە کەنەدا کە وەلاتی کەنەدا بە جی بە هیلن کار بەدەستانی وەلاتی ئیسرائیلیش لە ئەم هەلویستی  وەلاتی کەنەدا  بە گەرمی پیشوازیان کرد لە بریارەکی دەولەتی کەنەدا دژ بە رژیمی ئیران.
و کەنەدا بە رەسمی بالویزی خۆیی لە ئیران دەکەیشیەتەوە 

كەنەدا باڵوێزی خۆی له‌ ئێران كشانده‌وه‌

وه‌زاره‌تی ده‌ره‌وه‌ی كه‌نه‌دا رۆژی هه‌ینی له‌ به‌یاننامه‌یه‌كدا رایگه‌یاند: كه‌نه‌دا باڵیۆخانه‌ی خۆی له‌ تاران به‌فه‌رمی داده‌خات و په‌یوه‌ندی له‌گه‌ڵ ئێران بۆ ماوه‌یه‌كی نادیار ده‌پچرێنێت.

له‌وبه‌یاننامه‌دا هه‌روه‌ها هاتووه‌: سه‌رجه‌م فه‌رمانبه‌رانی باڵیۆزخانه‌ی كه‌نه‌دا له‌ تاران وڵاتی ئێران به‌جێدێڵن و فه‌رمانبه‌رانی باڵوێزخانه‌ی ئێران له‌ ئۆتاڤا پایته‌ختی كه‌نه‌دا، 5 رۆژ ده‌رفه‌تیان هه‌یه‌ خاكی كه‌نه‌دا به‌جێبێڵن.

كه‌نه‌دا هه‌روه‌ها رایگه‌یاندووه‌: هه‌ڵوێستی كه‌نه‌دا له‌باره‌ی ئێران، روون و ئاشكرایه‌ و له‌و بروایه‌داین كه‌ ئێران هه‌ره‌شه‌یه‌كی گه‌وره‌یه‌ بۆسه‌ر ئاشتی جیهان.

له‌ به‌شێكی دیكه‌ی به‌یاننامه‌كه‌دا هاتووه‌: رژێمی ئێران به‌رده‌وامه‌ له‌ یارمه‌تیدانی رژێمی به‌شار ئه‌سه‌د و هه‌ره‌شه‌ ده‌كاته‌سه‌ر ئیسرائیل و هه‌ڵوێستی ره‌گه‌زپه‌ره‌ستان هه‌یه‌ و په‌ره‌ به‌ كۆمه‌ڵكوژی ده‌دات. به‌یاننامه‌كه‌ی وه‌زاره‌تی ده‌ره‌وه‌ی كه‌نه‌دا هاتووه‌: ئێران پشتگیری ده‌كات له‌ گرووپه‌ تیرۆریستییه‌كان و مافی مرۆڤ له‌و وڵاته‌ پێشێل ده‌كرێت.

----------------------------------

که‌نه‌دا له‌ پاش ئێران سوریاش ده‌خاته‌ لیستی ئه‌و وڵاتانه‌ی پشـتیوانی له‌ تێرۆرزم ده‌که‌ن

پاش چه‌ند کاژمێرێـک له‌وه‌ی دوێنێ هه‌ینی که‌نه‌دا بڕیاری داخسـتنی باڵیۆزخانه‌ی ئێرانی له‌ وڵاته‌که‌ی دا و هه‌روه‌ها خستنی ئه‌و وڵاته‌ له‌ نێو لیسـتی وڵاتانی پـشـتیوانی له‌ تێرۆرزم ده‌که‌ن، بڕیاریشی دا سوریاش بخرێته‌ ئه‌و لیسته‌وه‌.

جۆن بێرد وه‌زیری ده‌ره‌وه‌ی که‌نه‌دا دوێنێ له‌ به‌یانـنامه‌یه‌کدا ئه‌مه‌ی ڕاگه‌یاند و گوتی وڵاته‌که‌ی پابه‌نده‌ به‌ شه‌ڕی دژه‌ تێرۆرزم و ئه‌وانه‌ی پشـتیوانی له‌ تێرۆر ده‌که‌ن. گوتیشی وڵاته‌که‌ی باڵیۆزخانه‌ی خۆشی له‌ تاران داخسـتووه‌.
بێرد هه‌روه‌ها حکومه‌تی ئێرانی به‌ گه‌وره‌ترین هه‌ڕه‌شه‌ بۆ سه‌ر ئاشـتی و ئاسایشی جیهانی له‌ ئه‌مڕۆدا ناوبرد.

که‌نه‌دا ده‌ڵێت ئێران هه‌تا دێت و زیاتر یارمه‌تی له‌شـکری پـێشـکه‌ش به‌ حکومه‌تی سوریا ده‌کات و هه‌روه‌ها پابه‌ندی ئه‌و بڕیارانه‌ی ئه‌نجومه‌نی ئاسایش نابێت سه‌باره‌ت به‌ به‌رنامه‌ ناوکیـیه‌که‌ی و له‌گه‌ڵ ئه‌وه‌شـدا هه‌ڕه‌شه‌ 

له‌ بوونی ئیسرائیل ده‌کات.

له‌ لایه‌کی دیکه‌وه‌ ڕامین مێهمانپه‌ره‌ست گوته‌بێژی وه‌زاره‌تی ده‌ره‌وه‌ی ئێران ئه‌مڕۆ شه‌ممه‌ ئه‌م بڕیارانه‌ی که‌نه‌دای سه‌رزه‌نشت کرد و گوتی له‌ ژێر کاریکه‌ری ڕژێمی زایۆنی به‌ گوته‌ی خۆی که‌نه‌دا ئه‌م بڕیارانه‌ی داوه‌ و گوتی تاران کاردانه‌وه‌ی گونجاوی له‌ به‌رامبه‌ردا ده‌بێت.

http://www.dengiamerika.com/content/article/1504085.html