هاوڕێ گیان مـەولوود ئافەنـد؛
كە باست ناكەین، وانەبی لەیادمان كردبی، نـا،
لەیادكردنی تۆ چاوپۆشییە لە خیانەتێكی گەورە.
بەڵام چی بكەین، ئەو دارستانە كەسك و سەر سەوزەی تۆ تێیدا بزر بووی، پڕە لە چاڵی قووڵ و گورگی برسی! درۆكان لە دارەكان بەرزترن!
ئەگینا، بەڵێن بێ هێندەت باس بكەین تا سەرەداوی ئەو خیانەتە گەورە لە ملی خائنانی توند دەكەین.
نوسینی هاوار بازیان
//////////////////
کە هاتنە شار، وریای تاریکە بازاڕی سیاسەت بن! لەوێ بازاڕیەکان چاویان بە تاریکی ڕاهاتوەو ئێوەی دوونیای روناکی ناتوانن تێیدا هەڵکەن! لەو بازاڕەدا هەموو شتێک دەفرۆشێت!!! ئەمن لەوێ لە دووهەم دووکانا نرخی خوێنی سلیمانی موعینی و خەلیل شەوباش و قادر شەریفم بینی! لە دووکانێکی تر، لە گەڵ ئایەتێکی قوڕئاندا بەشەرەیت و ئازادیان بە مردن دەفرۆشتەوە! کەمێک ئەولاتر نڕخیان لە سەر تابڵۆیەکی ڕاستەقینە دانابوو کە تێیدا ساماڵ! وەکوو ئاسمانی ساماڵ تنۆکە ئەستێرەی لێدەڕژانە خوار و هاوناوەکەی مەنسوری هەلاج، بێ گوناح تیرباران دەکرا و دڵدارو حاجی بە سەر وێنەکەدا دەگریان! تاوان! تەنیا نیشتیمانپەروەری!!!
No comments:
Post a Comment