هەرێمی بەلووچستان؛ لانیکەم ١١٠ هەزار منداڵ لە دەرفەتی خویندن بێبەشن
🔸بە گوتەی "ئیسماعیل حوسێنزەهی" نوێنەری شاری خاش لە مەجلیسی شۆڕای ئیسلامی لە سەرجەم ناوچەکانی هەرێمی بەلووچستان لانیکەم ١١٠ هەزار منداڵ بەهۆی نەبوونی ئیمکانیاتەوە، دەرفەتی خوێندنیان بۆ نەڕەخساوە.
🔸ئەو نوێنەری مەجلیس هەروەها ڕەخنەی لە وەزارەتی پەروەردەی ڕژیم گرتووە و ڕایگەیاندووە کە بەلووچستان پێویستی بە ١٢ هەزار پۆلی خوێندن هەیە. ئەمەش بووەتە هۆی ئەوەی دەیان هەزار منداڵ لە خوێندن بێبەش بن و نەتوانن بچنە قوتابخانە.
🔸"ئیسماعیل حوسێنزەهی" وتی: ماوەی دە ساڵە بەردەوام باس لەوە دەکرێت هەرێمی بەلووچستان لەڕووی ئیمکانیاتی پەروەردە و پۆلی خوێندنەوە کەموکوڕیی زۆری هەیە. بەڵام وەزارەتی پەروەردە هەتا ئێستا هیچ هەنگاوێکی نەناوە.
🔸زیاتر لە ٧٠ لەسەدی منداڵانی هەرێمی بەلووچستان نیشتەجێی گوندەکانن و مامۆستا و پۆلی خوێندن لە گوندەکان بەگوێرەی پێویست نین. هاتنی ڤایرۆسی کۆڕۆناش منداڵانی گوندەکانی زیاتر لە جاران بێبەش کردووە.
No comments:
Post a Comment