ئایا پارتی دەیەوێت شەڕی گەریلا بکات؟!

ئایا پارتی دەیەوێت شەڕی گەریلا بکات؟!

بۆچی پەکەکە ، لە دژی پارتی هێز ناجوڵێنێت؟!.چی بکات ؟!

پێشنیارگەلێک بۆ وەستانەوە دژی پارتی؟

ئەم وتارەم لە رۆژی ١ ی ئەم مانگە لە ئەکاوەنتی لە کارخراوم نووسراوە ، لێرە لە بەرگرنگی دایدەنێمەوە بە ئەپدەیتکردنی هەندێ زانیاری تازە.

پرسیارێکی زۆر رۆژانە دەکریت ، کە ئیدی پارتی وەک گروپێکی چەتەگەرایی و مورتزەقەی تورکان، لە سەر هەموو ئاستەکان ، ئاستی میدیای ، جاسوسیکردن ، دانانی ئەمبارگۆ بۆسەر هەرێمی پاراستنی میدیا ،بە فەرمانی ئەردۆگان شەڕی دژی گەریلا راگەیاندووە، ئایا دەیەوێت شەڕی گەریلا سنگ بە سنگ بکات؟ یا خوازیارە بیکات ڵی لە خۆی رانابینێت؟ یاخود نەخێر لە کۆتاییدا دەکەوێتە ژێر فشاری دەوڵەتی تورکیاوە وەپێش سوپای تورکای دەکەوێت بۆ کورد کوشتن؟.

رۆژانە قەلەمپیس و مورتزەقەی دەستی دوو ، لێرەو لەوێ لە پەرلەمانتارە تازە و کۆنەکانی پەنگ و پانیک و چەند کەسێکی خیانەتکار وهەڵاتوو لە ناو ریزەکانی گەریل و بەنا وسیاستەمەدار، دێن رشانەوەهەڵوێست وەک ژەهر لە میدیاکانی پارتی کەلەلایەن دەزگای جاسوسی میتەوە بەڕێوە دەچێت، بڵاودەکەنەوە ، بەم شێوازە دژایەتیکردن بۆ گەریلا ، شەڕی راگەیاندن لەوپەڕیدایە.

رۆژانە دەبیسین کە کۆمەڵێک چەتەی پارتی، بە رێنمایی و فەرمانی بنەماڵەی دەسەڵاتداری پارتی، بەهەماهەنگی دەزگای جاسوسی میت ، شوێن و پێگەی گەریلا کەشف دەکەن و دواتر فرۆکە بۆردومانی دەکات و گەریلا شەهید دەبێت ، یا سڤیل کۆمەڵکوژ دەکرێت.(ئەم وتارە پێش شەهید بونی دیار غەریب وهاوڕێکانی نوسراوە)

خەڵکی گوندەکانی دەڤەری بادینان و برادۆست کە زۆرینەیان خەڵکی وڵاتپارێزن و مامەڵەیان لەگەڵ گەریلا کردووە ، دەڵێن: پارتی و دەزگای جاسوسی میت رێگانادەن پەیوەندیمان لەگەڵیاندا هەبێت و جۆرێک لە ئەمبارگۆی توندیان خستونەتە سەر ئەو ناوچانەی کە گومان دەکرێت گەریلا لێ بێت.

کەواتە سەرچەتەکانی پارتی تەنها ماوەتەوە شەڕی سنگ بەسنگ لەگەڵ سوپای داگیرکەری تورکیا لە دژی گەریلا رابگەیەنن.

پەکەکە نایەوێت بگاتە ئەم قۆناغە، چونکە ئەوە خواست وئامنجی لە پێشینەی دەوڵەتی تورکیایە .

 پەکەکە نایەوێت ماڵوێرانی بکەوێتە هەرێمۆکەکەی باشور ، دیسان چەتەکان ژیانیان لەدەستبدەن بۆ پرۆژەی داگیرکاریی ، بەڵکو خۆ لێدەپارێزێت.

بەلای سەرۆکی پارتیەوە گرنگ نییە ئەگەر ٣٠٠٠ چەتەی دیکە بکاتە قوربانی پرۆژەی ئاکەپەی ئیخوانی تیرۆریست ، وەک چۆن لە تورکش دەیلی نیوز لە سەرەتای دووهەزارەکان لێدوانی دابوو و گوتبووی : ٣٠٠٠ پێشمەرگەمان بۆ تورکیا بە کوشتنداوە، چی دەوێت لێمان زیاتر!.

پەکەکە زۆر حەکیمانە هەڵسوکەوت دەکات ، بەڵام ناشکرێت گەریلا لە ئەنجامی جاسوسی چەتەکانی پارتی بۆ دەزگای جاسوسی میت ، شەهید بکرێن، بۆیە لێرەوە من پێشنیار دەکەم:

- دان بەخۆداگرتن تا ئەوپەڕی و،هەرگیز شەڕی سنگ بەسنگ لەگەڵ پارتی نەکرێت، چونکە سەرچەتەکانی پارتی بەلایانەوە گرنگ نییە کوری خەڵک دەکوژرێت ..ئەم راستیە پەکەکە درکی پێکردووە ، من تەنها بۆ تەئکیدکردنەوە ، دووبارە نوسیمەوە.

- درێغی نەکەن لە دەستگیرکردنی جاسوسەکانی پارتی ، نیشاندانیان لە میدیاکان و ریسواکردنیان و دواتر دادگاکردنیان و سزادانیان بەقورسترین سزا.

- پاساوی ئەوە لە پارتی قەبوڵ نەکرێت کاتێ جاسوسێک دەگیرێت ، بڵێت : ئاگامان لێ نەبووە، چونکە ئەوە درۆیەکی گەورەیە ، بە رێنمایی سەرۆکی پارتی و جێگرەکەی و بەفەرمانی دەزگای جاسوسی میت ئەوە دەکرێت.

- کەسوکاری چەتە جاسوسەکە ئاگادار بکریت و ئامادە بێت لە دادگاییکردنەکەی ، هیچ سازشێک قەبوڵ نەکرێت لە سەر سزاگەیاندنی بە قورسترین سزا ، چونکە باجی جاسوسیەکەی ئەو چەتە چەپەڵە ، ژیانی گەریلا بووە.

- ژیانی فرۆکەوانەکانی سوپای داگیرکەر سەلامەت نەبێت ، چونکە ئەوانن ژیانی خەڵکی سڤیل وگەریلا وژینگەی کوردستان دەخەنە مەترسییەوە، پێویستە بە ئامانج بگیرێن.

-هەوڵ بدرێت ئامێری تازە بۆ کەشفکردنی (GPS) بلاوە پێبکرێت لە لایەن گەریلا ,چونکە ژمارەیەکی زۆر لە (GPS) لەلایەن چەتەکانەوە بڵاوە پێدەکرێت بۆ کەشفکردنی شوێنی گەریلا.

-ئەوانەی دڵنیا دەبن لە بوونی ئەو چەتە و جاسوسانە کە رۆڵیان گێڕاوە یا دەیگێڕن، ئەگەر بەردەستیش نەبن ، ناو و شوێنیان بڵاوبکرێتەوە ، تا گەل ئاگادار بێت لێیان.

- سەرۆک تیری برادۆستەکان ، بەتایبەتی رەشید لۆلانی ئاگادار بکرێتەوە ، و بەتوندی هەڕەشەی لێ بکرێت کە با دەستبەرداری کورد کوشتن و هاریکاری سوپای داگیرکەری تورک بێت.

- ئەو قەڵەمپیسانە کە رۆژانە رشانەوە هەڵوێست دەردەن ، حەملەیان لەسەر بکرێت و سوک و ریسوا بکرێن ، جا کێ دەبێت و لەسەر چ ئاستێک دەبێت گرنگ نییە ، چونکە ئەوەی دەکرێت ئێستا شەڕی مان و نەمانە.

-پێویست دەکات پەکەکە بە ئاشکرا بە هێزەکانی بەناو سیاسی باشور جگە لە پارتی بڵێت، لەگەڵ خەتی وڵاتپارێزیت یا لەگەڵ خەتی وڵاتفرۆشیت؟! با چیدیکە بەشەرمەوە ئەو پرسیارە نەکرێت.. جۆرج بۆشی باوک بۆ شەڕی کەنداو ، گوتی دەبێت دەوڵەتەکان خۆیان یە

کلا بکەنەوە لەگەڵمانن یا نا؟!..ئەوە مەنتقێکی گرنگە.تەنھا گەریلایە لە جیاتی ھەموان ئێستا بەری بەداگیرکردنی باشور گرتوە. دەولەتی تورکیا دەیەوێت باشور داگیر بکات بە کەرکوکەوە بە پاساوی نالۆژیکی بونی پەکەکە.

هەدەپە دوێنێ رایگەیاند و ئاماۆژگاری حکومەتی تەزویری هەرێمی کرد و پێیڕاگەیاندن: باسور تەسلیم بە سوپای داگیرکەر نەکەن!.

دەکریت ئیجرائاتی دیکە وەک پێشنیار ئیزافە بکەین ، لێ بەلێ بەدیدی من ئەوانەی سەرەوە جەوهەرین ، پێویست دەکات گرنگی پێبدرێت.

ئەردۆگان لە هەموو ئاستەکان تێکشکاوە ، چەتەکانی پارتی دەیانەوێت هاریکاری بن بۆ ئەوەی دەربازی بکەن لە کەوتنی حەتمی ، مێژوو سەلماندویەتی ئەو هەوڵەی پارتی مەحالە ، لەگەڵ ئەردۆگان دەخرێنە زبڵدانی گەلانی ناوچەکە.

نیاز حامد چاودێرو شڕۆڤەکاری سیاسی
‍ کەی ئۆپەراسیۆنەکەی تورکیا و پارتی لەدەڤەری بادینان دەست پێ دەکا..؟؟

سوپای تورکیا بەھاوکاری و ھەماھەنگی پارتی دیموکراتی کوردستان سەرقاڵی خۆئامادەکردن بۆ سازدانی ئۆپەراسیۆنێکی سەربازی گەورە، ھەر لەسنووری ناوچەی زاخۆوە لە حەفت تەنیین تا سنووری ناوچەی بارزان بۆ سەر رووباری ئاڤا شین  دەگرێتەوە..

ئێستا تورکیا بەچڕی لەڕێگەی ھەردوو دەروازەی گومرگی ( سەرزێڕ و ئیبراھیم  خلیل)  کەلوپەلی سەربازی و سەربازێکی زۆر  لەتورکیاوە دەگوازێتەوه بۆ ناو هەرێمی کوردستان، بو بارەگاکانی سوپای تورکیا له ( گرێ باروخێ، گرێ بیێ، بامەرنێ، سیریێ) ..

ھەرچی چەکی سووک و ماشێن و ھەمەرو سەربازی تورکە لە دەروازەی (سەرزێر ) داخلی کوردستان دەبن، چەکە قورسەکانیش وەک (تانک) لەدەروازەی ئیبراھیم خەلیل داخل دەکرێن..

ئوپەراسیونەکه له هەرێمی حەفت تەنینەوە لەزاخۆ دەست پێ دەکا تا دەگاتە سنووری ئاوی شین لەناوچەی بارزان ..
 ئێستا ھەژموونی پەکەکە ھەر لەسوارەتووکەو مانگێشک و چەمانکێی نزیک شاری دھۆک دەست پێ دەکا تا دەگاتە سەرسەنگ و ئامێدی و  ھەردوو چیای مەتینا و گارا و ناحیەی دیرالوک وشیلادزێ  تا دەگاتە ئاڤا شین .. 
ئەم ئۆپەراسیۆنە بەگەورەترین ئۆپەراسیۆنی سوپای تورک دادەنرێ لەدژی پەکەکە چونکە سنوورێکی جوگرافی پان وبەرین دەگرێتەوە ..

مەڵبەندی ئۆپەراسیۆنەکە شاری ئامێدیە.. چیای گارە کەوتۆتە دەستەراستی و چیای مەتیناش کەکۆتە دەستەچەپی شاری ئامێدی.. 

 ئاماده کاریه کانی سوپای تورکیا و ھێزەکانی پارتی  بەم شێوەیەیە..

🔴سوپای  تورکیا  به هاوکاری پارتی (١٠) هەمەری سەربازی هێناوته بارەگای (بامەرنێ) که باره گایەکی لوجستی سوپای تورکیایه .

🔴 له (٢٠) روژی رابردودا (٣) جار ھەلیکۆپتەرەکانی تورکیا کەل و پەلی سەربازیان هێناوەته بارەگاکانی (سیریێ و گرێ باروخێ) هه روه ها (٥) هامەری تریشیان بو بارەگای گرێ باروخێ زیاد کردوه. 

🔴 ئێستا زۆربەی جموجوڵەکانی سوپا و میتی تورکیا لەناوچەکە..  بە ھەلیکۆپتەرە، کە له بارەگای هێزەکانی پارتی لەناحیەی زاویتەی  سەر  بەپارێزگای دهوک هەلده ستن و دەچنه بارەگاکانی سوپای تورکیا.

🔴 پێشمەرگەکانی پارتیش به شدارن لەم ئوپەراسیونه، تایبەت له دەوروبەری سەنته ری شاری دهوک لە ناوچه کانی (چەمانکێ و ده وروبه ری ناحیەی مانگێشک و نزیک بیره نەواتیەکانی تاوکێ له زاخو ). هەروەها لەدەوروبەری  قەزای ئامێدی.

🔴 ئێستا هێزه کانی زێرەڤانی  پارتی دوو بارەگای گەوریان لە ھەردوو ناحیەی شێلادزێ و دێرالوک کردوتەوه. ئەو ھێزانەش لە خەڵکی دەرەوەی ناوچەکە ھێنراون کە بەشێکیان گەرگەریەکانی زورمار و بەعەقشیقە ئەو ناوەن. چونکه پێشمەرگەکانی پارتی لە قەزای ئامێدی ئامادەنین دژی پەکەکه  شەڕ بکەن...

🔴 ھەروەھا پارتی بۆ پاراستنی رێگای نێوان ئامێدی و دیرالوک  و شیلادزێ نزیکەی (٣) رەبایەی گەورەو(٧) خاڵی چاودێری و پاسەوانی داناوە..

🔴 جگە لەمە پارتی   لەو سنوورە هاوکاریەکی زۆری ھەواڵگری دەزگای میت و سوپای تورکیا دەکات. بەگوێرەی زانیاریەکان بەرپرسی لقی (١٨) ی پارتی له قەزای ئامێدی (ع. ا )  کە سەرپەرشتی ئەمنیەتی قەزای ئامێدی  دەکات و به ئاشکرا هاوکاری سوپای تورکیا و دەزگای میت دەکات. ناوبراو له سنوری قەزای ئامێدی (٢٠٠) کەسی دامەزراندوه، ئەرکیان تەنیا کۆکردنەوەی زانیاریە لەسەر جموجۆڵەکانی پەکەکە.

🔴جگە لەمە پارتی چەکێکی زۆری قورسی هێناوته قەزای زاخو و ئامێدی و ئاکرێ و دەڤەری بارزان.

🔴 بازرگانەکانی پارتی ئەوانەی کە کاری بازرگانی لەگەل پەکەکە دەکەن، زانیاری لەسەر بارەگاکانی پەکەکە دەدەنە پاراستن و پاراستنیش دەیداته میتی تورکی. 

🔴 ئێستا ڕۆژانە فرۆکەکانی تورکیا ، لەڕێگای ئەو زانیاریانە ناوچەکە بوردمان دەکەن بۆ نموونە  دوێنێ شەو ٧/١٤ فرۆکەکانی تورکیا ناوچەی ئاڤاشینیان بۆردوومان کردووە.

خەڵکی دەڤەرەکە دەڵێن، ئەم ئوپەراسیونەی تورکیا لەسەر داوای خودی پارتیە. چونکه   ئێستا پارتی لەو دەڤەرە  تەنیا جادەی سەرەکی بەدەست ماوە  . ناوچەکە  بەتەواوی کەوتۆتە  ژێر کونترلی پەکەکە. 
بۆنموونە  لە ناوچەی چەمانکێ  کە ( چەندین بیرە نەوتی لێیە) تانکەرەکانی نەوت بەبێ پێدانی (سەرانە  و باج ) بە پەکەکە، ناتوانن یەک تەنەکە  یەک بەرمیل نەوت بار بکەن ..
خەڵکی بادینان لەم ئۆپەراسیۆنە زۆر دەترسن دەڵێن، ئەگەر تورکیا بگاتە ئەو ناوچانە و داگیری بکات، ئەوا دەڤەری بادینان  بەتەواوی دەبێته هەرێمێکی سەر بەتورکیا.
بۆیە  ئێستا  بەئاشکرا بادینان دابەش بۆوە بۆ دووبەرەی جیاواز ، بەرەیەک، بەرەی پارتی و میت و سوپای تورکیە،  بەرەکەی تر بەرەی خەڵک و  پەکەکەیە..


دڵشاد مەجید