ئیسرائیل و یۆنان گەورەترین گرێبەستی سەربازییان واژۆکرد
🔹لە کاتێکدا کێشەکانی دەوڵەتی تورکیا و یۆنان قووڵتر دەبنەوە، یۆنان گەورەترین گرێبەستی سەربازیی لەگەڵ وەزارەتی بەرگری ئیسرائیلی واژۆکردووە.
🔹وەزارەتی بەرگریی ئیسرائیل ڕایگەیاند: بڕی گرێبەستەکە ملیاردێک و ٧٠٠ ملیۆن دۆلارە و دروستکردنی ناوەندێکی ڕاهێنانی فڕینی نێودەوڵەتی بۆ هێزی ئاسمانیی یۆنان بۆ ماوەی ٢٢ ساڵ لەخۆ دەگرێت، کە ١٠ فڕۆکەی ڕاهێنانی جۆری M-346 تێدا بەکار دەهێندرێت.
🔹بنی گانتز وەزیری بەرگری ئیسرائیل لەو بارەوە ڕایگەیاند: ئەم گرێبەستی هاوکارییە، لەسەر بنەمای پەیوەندیی بەهێزی دوو وڵات واژۆکراوە، کە دەبێتە هۆی بەهێزکردنی ئابوری ئیسرائیل و یۆنان، بۆیە هاوکارییەکانی هەردوو وڵات لە ئاستی سەربازی، ئابوری و سیاسی قووڵتر دەبێتەوە.
No comments:
Post a Comment