Nwênerî telefzyonî (rudaw) le enqere, dujminî sersextî kurde - See more at:
Nusînî: cîlo zagros
Wergêrranî: selah xdir
Wek dezanrêt le 29 î gullanî emsallda bedruşmî ême debîne dengî hemu kurdêk, telefzyonî rudaw destî be pexşî xoy kird, kirdnewey kenallêkî kurd hem lelayenî hewallsazî kurdîyewe hemîş zyadbunî kenallêkî trî kurdî mayey xoşhallye û çawerrwanî başî lewbareyewe lêdekra.
Bellam le katêkda qonaxî aştî û çareserî pirsî kurd le bakurî kurdistan lelayen rêzdar ocelanewe destîpêkirdwe, heta le heştî mangî gullanewe karwanî kşanewey gerîlakan destî pêkrid û ta êstaş berdewame, lelayekî tir berdewamî şorrşî xoberrêweberî kurdan lerojaway kurdistan û dengî yekbunî kurdan, awabunî hestî yekêtî nêwan herçwarparçey kurdistan zyatir bllind bwe, kelem kateda zor gringin û mrov detwanêt bllêt eme yekemîn ezmune le mêjuy gelekemanda.
Bêguman lem barudoxeda ke keşêkî nîmçe azad û ta astêk yekêtî neteweyî drustibwe, kirdnewey kenallêkî kurdî gringe û gelî kurd çawerrêy ewey lêdekat ke zyatir xizmet be qonaxî aştî û yekêtî kurdan bkat.
Hemukes çawerrêy ewey dekrid, ke telefzyonî rudaw pallpiştî yekêtî neteweyî bkat, çunke ewan druşmî (ême debîne dengî hemu kurdêk)yan hellgirtwe, bellam bedaxewe nek nebwe dengî hemu kurdêk, bellku bepêçewanewe dllî kurdî bakurî kurdistanyan zyatir brîndarkird, em kenalle pêş ewey dest be pexiş bkat xoy kuşt, bew manayey xoy le wîjdanî gelî kurda kuşt, nek tenha le bakur bellku le hemu kurdistan (başur, rojawa, rojhellat)îş.
Leber ewey telefzyonî rudaw nzîkî partîye, nazanîn ewe birryarî partî dîmukratî kurdistane yaxud berrêwberanî telefzyonî rudaw, ke ( erdall şîmşek )yan kirdwe be nwênerî xoyan le şarî enqere.
Erdall şîmşek kêye ?
Şîmşek lerojnamey mîlletî akepe û lenaw komelley fethulla gîwlenda kar dekat, her kurdêkî bakurî kurdistan dezanêt ke ew kese dujminî sersextî gelî kurde, katêk şîmşek hewallnêrî kenallî A-TiV bu, ew kenalley hî zawayekî receb teyb erodxanî serok wezîranî turk bu, ke lenaw xellkda be dujimnekanî gelî kurd nasrabun, ew behsab kurde, bellam bwete kurdêkî bkujî hîwakanî netewekey.
Mrov deprisêt, gelo berrêweberanî telefzyonî rudaw ew kesane nanasn? Yan deyannasêt û bo amancêk ew kare deken? Berrastî mrov dekewête şik û gumanewe ke aya bo lew telefzyonekeda cêyan dawe bew kese? Aya amancyan le birdnî ew kesane bolay xoyan çye? Xo mumkîn nye kenallêk byewêt xoy le cêyek, herêmêk yan wllatêk lenaw bbat, kewate hokarekey çîye ? Hemu ew pirsyarane ta êsta bê wellam mawnetewe.
Rudaw, bew karey gelî kurdî le xoy kird, çunke nwênerî enqerey kenalleke erdall şîmşek ta emrroşî legellda bêt dujimnayetî gelî kurd dekat, hêrş dekate ser destkewt û nrix û beha û pîrozîyekanî netewey kurd, ewkese bwete nokerî erdoxan û fethulla gîwlen, şîmşek ta êstaş dellêt pekeke rêkixrawêkî tîrorîst û xwênrrêje, le nusînêkîda begelî kurd dellêt, beçend êsqanêk razyan kirdun, yaxud be perlemantarî koçkirduy têkoşerî kurdî bedepe şerefedîn allçî witbu, ewe kesêkî xwênimje û deyewêt gelî kurd bkate xullam û segî xoy, cge leweş hemîşe bêrrêzî begelî kurd dekat, hêrş dekate ser ocelan , eweş bwete hoy ewey lenaw gelî kurd le bakurî kurdistan be dujminî sersext bnasrêt.
Her leyekem rojewe, ew kese wate nwênerî enqerey telefzyonî rudaw erdall şîmşek le şaşekey rudawda derkewtwe, destî kirdwe be prrupagende bo serok wezîranî turk erdoxan, ew cge lewey be şan û ballî erdoxanda helldedat, hewilldedat berxodanî cemawerî parkî gezî estembull beşkistixwardu nîşan bdat.
Lekotayîda hîwadarîn berrêwberayetî telefzyoneke nebne beşêk lew syasete.
Cêkirdnewey kesêkî weha le telefzyonêkî kurdîda, debête mayey ewey ew telefzyone le berçawî kurdan reş bêt û zyanêkî meznîş be yekêtî neteweyî bgeyenêt.
Êstaş gelî kurd çawerrêye ke berrêwberanî telefzyonî rudaw yaxud partî dîmukratî kurdistan ew helleyeyan rast bkenewe.
Serçawe: furat nîwz
Çend bellgeyek le ser nwênerekey rudaw le enqere
Bellgey yekem
Bellgey dwem
Bellgey sêyem
Bellgey çwarem
- See more at: http://qandilpost.com/sorani/details.aspx?id=901#sthash.QsiLuVJg.dpuf
----------------------
بەڵگەی گرنگمان بە ئیمزا و مۆری وەزارەتی دەرەوەی تورکیا بەردەست کەوتوە کە دەوڵەتی تورک تەلەفزیۆی ڕووداوی دروست کردوە ، تیایدا ١٠ ماددە هەیە تورکیا بۆ تەلەفزیۆنەکەی داناوە ، کە ئەساسی دامەزراندنی ئەو تەلەفزیۆنە بۆ دژایەتی کوردی شۆڕشی کورد لە باکور و ڕۆژئاوای کوردستانە ، بەڵگەکە هەموو ڕاستیەک دەخاتە ڕوو، چاوەڕێ بن بۆتان بڵاو دەکەیەنەو
نوێنەری تەلەفزیۆنی (روداو) لە ئەنقەرە، دوژمنی سەرسەختی کوردە
نوێنەری تەلەفزیۆنی (روداو) لە ئەنقەرە، دوژمنی سەرسەختی کوردە
نوسینی: جیلۆ زاگرۆس
وەرگێڕانی: سەلاح خدر
وەک دەزانرێت لە 29 ی گوڵانی ئەمساڵدا بەدروشمی ئێمە دەبینە دەنگی هەمو کوردێک، تەلەفزیۆنی روداو دەستی بە پەخشی خۆی کرد، کردنەوەی کەناڵێکی کورد هەم لەلایەنی هەواڵسازی کوردییەوە هەمیش زیادبونی کەناڵێکی تری کوردی مایەی خۆشحاڵیە و چاوەڕوانی باشی لەوبارەیەوە لێدەکرا.
بەڵام لە کاتێکدا قۆناغی ئاشتی و چارەسەری پرسی کورد لە باکوری کوردستان لەلایەن رێزدار ئۆجەلانەوە دەستیپێکردوە، هەتا لە هەشتی مانگی گوڵانەوە کاروانی کشانەوەی گەریلاکان دەستی پێکرد و تا ئێستاش بەردەوامە، لەلایەکی تر بەردەوامی شۆڕشی خۆبەڕێوەبەری کوردان لەرۆژئاوای کوردستان و دەنگی یەکبونی کوردان، ئاوابونی هەستی یەکێتی نێوان هەرچوارپارچەی کوردستان زیاتر بڵند بوە، کەلەم کاتەدا زۆر گرنگن و مرۆڤ دەتوانێت بڵێت ئەمە یەکەمین ئەزمونە لە مێژوی گەلەکەماندا.
بێگومان لەم بارودۆخەدا کە کەشێکی نیمچە ئازاد و تا ئاستێک یەکێتی نەتەوەیی دروستبوە، کردنەوەی کەناڵێکی کوردی گرنگە و گەلی کورد چاوەڕێی ئەوەی لێدەکات کە زیاتر خزمەت بە قۆناغی ئاشتی و یەکێتی کوردان بکات.
هەموکەس چاوەڕێی ئەوەی دەکرد، کە تەلەفزیۆنی روداو پاڵپشتی یەکێتی نەتەوەیی بکات، چونکە ئەوان دروشمی (ئێمە دەبینە دەنگی هەمو کوردێک)یان هەڵگرتوە، بەڵام بەداخەوە نەک نەبوە دەنگی هەمو کوردێک، بەڵکو بەپێچەوانەوە دڵی کوردی باکوری کوردستانیان زیاتر بریندارکرد، ئەم کەناڵە پێش ئەوەی دەست بە پەخش بکات خۆی کوشت، بەو مانایەی خۆی لە ویژدانی گەلی کوردا کوشت، نەک تەنها لە باکور بەڵکو لە هەمو کوردستان (باشور، رۆژئاوا، رۆژهەڵات)یش.
لەبەر ئەوەی تەلەفزیۆنی روداو نزیکی پارتییە، نازانین ئەوە بڕیاری پارتی دیموکراتی کوردستانە یاخود بەڕێوبەرانی تەلەفزیۆنی روداو، کە ( ئەرداڵ شیمشەک )یان کردوە بە نوێنەری خۆیان لە شاری ئەنقەرە.
ئەرداڵ شیمشەک کێیە ؟
شیمشەک لەرۆژنامەی میللەتی ئاکەپە و لەناو کۆمەڵەی فەتحوڵا گیولەندا کار دەکات، هەر کوردێکی باکوری کوردستان دەزانێت کە ئەو کەسە دوژمنی سەرسەختی گەلی کوردە، کاتێک شیمشەک هەواڵنێری کەناڵی A-TV بو، ئەو کەناڵەی هی زاوایەکی رەجەب تەیب ئەرۆدغانی سەرۆک وەزیرانی تورک بو، کە لەناو خەڵکدا بە دوژمنەکانی گەلی کورد ناسرابون، ئەو بەحساب کوردە، بەڵام بوەتە کوردێکی بکوژی هیواکانی نەتەوەکەی.
مرۆڤ دەپرسێت، گەلۆ بەڕێوەبەرانی تەلەفزیۆنی روداو ئەو کەسانە ناناسن؟ یان دەیانناسێت و بۆ ئامانجێک ئەو کارە دەکەن؟ بەڕاستی مرۆڤ دەکەوێتە شک و گومانەوە کە ئایا بۆ لەو تەلەفزیۆنەکەدا جێیان داوە بەو کەسە؟ ئایا ئامانجیان لە بردنی ئەو کەسانە بۆلای خۆیان چیە؟ خۆ مومکین نیە کەناڵێک بیەوێت خۆی لە جێیەک، هەرێمێک یان وڵاتێک لەناو ببات، کەواتە هۆکارەکەی چییە ؟ هەمو ئەو پرسیارانە تا ئێستا بێ وەڵام ماونەتەوە.
روداو، بەو کارەی گەلی کوردی لە خۆی کرد، چونکە نوێنەری ئەنقەرەی کەناڵەکە ئەرداڵ شیمشەک تا ئەمڕۆشی لەگەڵدا بێت دوژمنایەتی گەلی کورد دەکات، هێرش دەکاتە سەر دەستکەوت و نرخ و بەها و پیرۆزییەکانی نەتەوەی کورد، ئەوکەسە بوەتە نۆکەری ئەردۆغان و فەتحوڵا گیولەن، شیمشەک تا ئێستاش دەڵێت پەکەکە رێکخراوێکی تیرۆریست و خوێنڕێژە، لە نوسینێکیدا بەگەلی کورد دەڵێت، بەچەند ئێسقانێک رازیان کردون، یاخود بە پەرلەمانتاری کۆچکردوی تێکۆشەری کوردی بەدەپە شەرەفەدین ئاڵچی وتبو، ئەوە کەسێکی خوێنمژە و دەیەوێت گەلی کورد بکاتە غوڵام و سەگی خۆی، جگە لەوەش هەمیشە بێڕێزی بەگەلی کورد دەکات، هێرش دەکاتە سەر ئۆجەلان ، ئەوەش بوەتە هۆی ئەوەی لەناو گەلی کورد لە باکوری کوردستان بە دوژمنی سەرسەخت بناسرێت.
هەر لەیەکەم رۆژەوە، ئەو کەسە واتە نوێنەری ئەنقەرەی تەلەفزیۆنی روداو ئەرداڵ شیمشەک لە شاشەکەی روداودا دەرکەوتوە، دەستی کردوە بە پڕوپاگەندە بۆ سەرۆک وەزیرانی تورک ئەردۆغان، ئەو جگە لەوەی بە شان و باڵی ئەردۆغاندا هەڵدەدات، هەوڵدەدات بەرخۆدانی جەماوەری پارکی گەزی ئەستەمبوڵ بەشکستخواردو نیشان بدات.
لەکۆتاییدا هیوادارین بەڕێوبەرایەتی تەلەفزیۆنەکە نەبنە بەشێک لەو سیاسەتە.
جێکردنەوەی کەسێکی وەها لە تەلەفزیۆنێکی کوردیدا، دەبێتە مایەی ئەوەی ئەو تەلەفزیۆنە لە بەرچاوی کوردان رەش بێت و زیانێکی مەزنیش بە یەکێتی نەتەوەیی بگەیەنێت.
ئێستاش گەلی کورد چاوەڕێیە کە بەڕێوبەرانی تەلەفزیۆنی روداو یاخود پارتی دیموکراتی کوردستان ئەو هەڵەیەیان راست بکەنەوە.
سەرچاوە: فورات نیوز
چەند بەڵگەیەک لە سەر نوێنەرەکەی روداو لە ئەنقەرە
بەڵگەی یەکەم
بەڵگەی دوەم
بەڵگەی سێیەم
بەڵگەی چوارەم
No comments:
Post a Comment