شاهرۆخ زه‌مانی و خالد خه‌ردانی مانیان له‌خواردن گرتووه
شاهرۆخ زه‌مانی و خالد خه‌ردانی، دوو گیراوی سیاسی به‌ندکراو له‌زیندانی ره‌جایی شاری که‌ره‌ج له‌ئێران ، مانیان له‌خواردن گرتوه .
له‌دوای وێران کردنی ماڵی (7) هاوڵاتی عه‌ره‌ب به دۆزر، له‌گه‌ڕه‌کی (شلنگ ئاوا)ی ئه‌هواز له‌لایه‌ن کاربه‌ده‌ستانی شاره‌وانى ئه‌وناوچه‌یه ، شاهرخ زه‌مانی و خالد خه‌ردانی به مه‌به‌ستی پشتگیری له‌بنه‌ماڵه‌ی ناوبراو و ناڕه‌زایی ده‌ربڕین به‌و کرده‌وه‌ی کاربه‌ده‌ستانی ئه‌منی، له‌رۆژی شه‌ممه 28ی جۆزه‌ردان مانیان له‌خواردن گرتووه .
به‌پێی ماڵپه‌ڕی کۆمیته‌ی پشتگیری له‌شاهرۆخ زه‌مانی، ئه‌و دوو گیراوه سیاسی به ئامانجی سه‌رنج راکێشانی ده‌زگا و رێکخراوه‌کانی ناوخۆو جیهانی به مه‌به‌ستی پشتگیری له‌و بنه‌ماڵانه و ناڕه‌زایی ده‌ربڕین به‌و کرده‌وه‌ی کاربه‌ده‌ستانی رژێم مانیان له‌خواردن گرتووه .
شایانی باسه که کاربه‌ده‌ستانی شاره‌وانى له‌کاتێکدا به دۆزر هه‌وڵی خراپ کردنی ئه‌و ماڵانه‌یان داوه، ئه‌و هاوڵاتیانه نه‌یانتوانیوه که‌ل و په‌لی پێویست له‌ماڵه‌کانیان ده‌ربخه‌ن و ئه‌و (7) بنه‌ماڵه ئێستا له‌چادردا له‌نزیک ماڵه خراپ کراوه‌کانیان ژیان به‌سه‌ر ده‌به‌ن و له ئیمکانه سه‌ره‌تاییه‌کانی ژیانی بێ به‌شن .
No comments:
Post a Comment