Pages

Ads 468x60px

3 May 2013

Ji YPG’ê çalakiya bersivdayînê: 5 kuştî, 9 dîlgirtî



Ji YPG’ê çalakiya bersivdayînê: 5 kuştî, 9 dîlgirtî
Yekîneyên Parastina Gel (YPG) çalakiya bersivdayîna li hemberî komên çekdar a ku êrîşî benda kontrolê ya Gundê Xezawiya Efrînê kiribûn lidar xist. Di encama çalakiyê de 5 çekdar hatin kuştin û 9 dîl hatin girtin. YPG’ê navê 2 şervanên xwe yên ku di êrîşa Efrînê de jiyana xwe jidest dane jî aşkere kir.

Meclîsa Leşkerî ya YPG’ê li herêma Efrînê derbarê êrîşa komên çekdar a duh êvarê li ser benda Kontrolê ya YPG’ê, li gundê Xezawiyê ya Navçeya Şêrewa ya Efrînê pêk hatibû û di encamê de 2 şervanên YPG’ê jiyana xwe jidest dabûn û 2 birîndarbibûn daxuyaniyeke nivîskî weşand.
DU ŞERVANÊN YPG’Ê JIYANA XWE JIDEST DA Û DU JÎ BIRÎNDAR BÛN
Di daxuyana Meclîsa Leşkerî ya YPG’ê li Efrînê hate diyar kirin ku, komeke çekdar a girêdayî Artêşa Azad ku kesê bi navê Ebû Xeldûn serkêşiya wê dike, duh di saetên êvarê de êrîşî benda kontrola YPG’ê ya li Gundê Xezawiyê kirine. Di daxuyaniyê de hate destnîşankirin ku di encama êrîşê de şervanên YPG’ê Egîd û Mihemed jiyana xwe jidest dane û 2 şervanên din jî birîndar bûne.
5 ÇEKDAR HATIN KUŞTIN Û 9 JÎ DÎL KETIN DEST
Di berdewama daxuyaniyê de hate diyarkirin ku, şervanên YPG’ê mafê xwe yê bersivdayînê bikar anîne û di seetên sibehê de çalakiya bersivdayînê lidar xistine. Di daxuyaniyê de hate gotin ku, di encama çalakiya bersivdayînê de 5 çekdar hatine kuştin û 9 çekdar jî dîl ketin destê YPG’ê, 3 wesayîtên leşkerî bi temamî hatine ruxandin û 3 wesayîtên din ên leşkerî, doşka 12,5, doşka 23, bîksiyek, arpîçiyek, 3 qilêşên Rûsî û demançeyek hatin destserkirin.
Meclîsa Leşkerî ya YPG’ê li Efrînê di daxuyaniya xwe de, da zanîn ku ewê bi hemû hêza xwe mafê bersivdayînê bikarbînin û bersiva êrîşên li dijî gelê kurd bidin û wiha domkir: ‘’Em ji gelê xwe re tekez dikin ku êrîşên li dijî gelê me wê bê bersiv nemînin. Emê bi hemû hêza xwe û li gorî tola şehîd û gelên xwe bersiva hemû êrîşan bidin.’’ 
Di dawiya daxuyaniyê de komên çekdar hatin hişyar kirin û ji wan hate xwestin ku di derbarê destkeftiyên gelê Kurd de hesabên xwe ji nûve di berçavan re derbas bikin.
Nasnameya her 2 şervanên YPG’ê yên di êrîşê de jiyana xwe jidest dan jî hate eşkerekirin. Nasnameya her 2 şervanên YPG’ê wiha ne:
Nas û nasnav: Mihemed Şahîn (Şêx).
Navê Bav: Ebdulqadir.
Navê Dayikê: Cemîle.
Dîrok û cihê ji dayîkbûnê: 5’ê Tîrmeha 1970’an Gundê KOBAKA Cindêrisa Efrînê.
Nav: Egîd Îsmet.
Navê bav: Mihemed.
Cihê ji dayikbûnê: Gundê Qeretepe ya Efrînê.
Cenazeyê 2 şervanên YPG’ê îro di seetên piştî nîvro de li Goristana Şehîd Refîq a Navçeya Şera ya Efrînê wê werin defin kirin.

YPG: له‌چالاکییه‌کى وه‌ڵامدانه‌وه‌دا (5) چه‌کدار کوژارن، (9)ش به‌ دیل گیران

YPG: له‌چالاکییه‌کى وه‌ڵامدانه‌وه‌دا (5) چه‌کدار کوژارن، (9)ش به‌ دیل گیران
ANF - قەندیل پۆست
یه‌کینه‌کانی پاراستنی گه‌ل (YPG) چالاکییه‌کی وه‌ڵامدانه‌وه‌یان له‌دژى چه‌کداره‌کان پێکهێنا که‌ هێرشی سه‌ر بازگه‌یه‌کى  پشکنینی گوندی (خه‌زاوی) عه‌فرین کردبوو. له‌ئه‌نجام وه‌ڵامدانه‌وه‌ى چالاکی یه‌کینه‌کانى پاراستنى گه‌ل YPG له‌به‌رامبه‌ر گروپه‌ چه‌ته‌کان (5) کوژران و (9) چه‌کداری تریش به‌دیل گیران. هه‌روه‌ها YPG  ناوی  ئه‌و دوو شه‌رڤانانه‌ى ئاشکراکرد که‌ له‌ هێرشی عه‌فریندا گیانیان له‌ده‌ستدا بوو .
ئه‌نجومه‌نی سه‌ربازی YPG له‌هه‌رێمی عه‌فرین سه‌باره‌ت به‌هێرشی گرووپه‌ چه‌کداره‌کانی دوێنێ ئێواره‌ له‌سه‌ر خاڵی پشکنینی YPG له‌گوندی خه‌زاوی سه‌ر به‌ناوچه‌ی (شێره‌وا)ی عه‌فرین پێک هاتبوو و له‌ئه‌نجامدا (2) شه‌رڤانی YPG گیانیان له‌ده‌ست دا و (2) شه‌رڤانیش بریندار بووبوون، لێدوانێکی نووسراوی بڵاو کرده‌وه‌ .
له‌لێدوانه‌که‌دا ئه‌نجومه‌نی سه‌ربازی YPG له‌ عه‌فرین ده‌ستنیشانی کردووه‌ گرووپه‌ چه‌ته‌کان سه‌ر به‌ سوپای ئازاد که‌سێکی به‌ناو (عه‌بو خه‌لدون) سه‌رکێشی هێرشه‌کان ده‌کات، دوێنێ له‌کاتژمێره‌کانى ئێواره‌دا هێرشی خاڵی پشکنینی YPG له‌ گوندی خه‌زاوی ده‌که‌ن. له‌لێدوانه‌که‌دا راگه‌یه‌ندراوه‌ که‌ له‌ئه‌نجامی هێرشه‌که‌دا (2) شه‌رڤانی YPG به‌ ناوه‌کانی (عه‌گید و محه‌مه‌د) گیانیان له‌ده‌ست داو (2) شه‌رڤانی دیکه‌ش بریندار بوون .
له‌به‌رده‌وامی لێدوانه‌که‌دا ئه‌نجومه‌نى سه‌ربازى YPG ده‌ستنیشانکرد که‌ شه‌رڤانانی YPG مافی به‌رگری خۆیان به‌کار هێنا و له‌کاتژمێر به‌ره‌به‌یانی دا چالاکی وه‌ڵامدانه‌وه‌یان پێک هێنا. له‌لێدوانه‌که‌دا راگه‌یه‌ندرا:" له‌ ئه‌نجامی چالاکی وه‌ڵامدانه‌وه‌دا (5) چه‌کدار کوژراون و (9) چه‌کداریش له‌لایه‌ن هێزه‌کانى YPG ه‌وه‌ به‌دیل گیراون، هه‌روه‌ها (3) کلاشینکۆفی رووسی و ده‌مانچه‌یه‌کیش ده‌ستی به‌سه‌ردا گیران .
ئه‌نجومه‌نی سه‌ربازی YPGی عه‌فرین له‌لێدوانه‌که‌دا رایده‌گه‌یه‌نێت که‌ ئه‌وان به‌هه‌موو هێزیانه‌وه‌ مافی وه‌ڵامدانه‌وه‌ به‌کار ده‌هێنن و وه‌ڵامی هه‌ر جۆره‌ هێرشێک که‌ ده‌کرێته‌ سه‌ر گه‌لی کورد ده‌ده‌نه‌وه‌ و رایگه‌یاند: "ئێمه‌ به‌ڵێن به‌گه‌له‌که‌مان ده‌ده‌ین که‌ هیچ هێرشێک له‌دژی گه‌له‌که‌مان بێ‌ وه‌ڵام ناهێلینه‌وه‌. ئێمه‌ به‌هه‌موو هێزمانه‌وه‌ خاوه‌ندارێتی له‌خوێنی شه‌هید و گه‌له‌که‌مان ده‌که‌ین و وه‌ڵامی سه‌رجه‌م هێرشه‌کان ده‌ده‌ینه‌وه‌ ."
له‌کۆتایی لێدوانه‌که‌دا ئه‌نجومه‌نى سه‌ربازى YPG هۆشیاری دایه‌ سه‌رجه‌م گرووپه‌ چه‌ته‌کان و داوای کرد که‌ پلانه‌کانیان له‌ دژی ده‌ستکه‌وته‌کانی گه‌لی کورد پووچه‌ل بکه‌نه‌وه‌ و پێداچوونه‌وه‌ به‌ پلانه‌کانیاندا بکه‌نه‌وه‌ .
ناسنامه‌ی (2) شه‌رڤانه‌که‌ی YPG که‌ له‌و هێرشه‌دا گیانیان له‌ده‌ست دابوو، به‌م شێوه‌یه‌  :
1 ـ ناو و پاش ناو: محه‌مه‌د  شاهین (شێخ) .
ناوی باک: عه‌بدولقادر
ناوی دایک: جه‌میله‌
شوێنى له‌دایک بوون: (5)ی ته‌مموزی 1970 له‌گوندی (کۆبکا جندێرس)ی عه‌فرین .
2 ـ ناو و پاشناو : عه‌گید عیسمه‌ت 
ناوی باوک: محه‌مه‌د
شوێنى له‌ دایک بوون: گوندی په‌ره‌ته‌په‌ی عه‌فرین.
ته‌رمی (2) شه‌رڤانی YPG ئه‌مڕۆ دوانیوه‌ڕۆ له‌ گۆڕستانی شه‌هید (ره‌فیق) له‌ناوچه‌ی (شه‌را) عه‌فرین به‌ به‌شداری هه‌زارن که‌س به‌ خاک سپێردران .
qandilpost

No comments:

Post a Comment

 
 
Blogger Templates