جارێکی تر چەکدارانی سەربە ڕژیمی ئێران لە سوریا لە لایەن ئیسرائیلەوە کرانە ئامانج
🔹ئاژانسی ڕویتەرز ڕایگەیاند: نیوەشەوی ڕابردوو، فڕۆکە جەنگییەکانی سوپای ئیسرائیل، چەندین ئامانجیان لە نزیک دیمەشقی پایتەختی سوریا پێکاوە.
🔹سەرچاوەیەک بە ڕویتەرزی وتووە: لەم هێرشەدا بنکەیەکی سەربازیی ڕژێمی سوریا بە دووری ١٤ کیلومەتر لە دیمەشقی پایتەخت، کە چەکدارەکانی سەربە ڕژیمی ئێران تێدان کراوەتە ئامانج.
🔹سوپای سوریاش لە ڕاگەیەندراوێکدا هێرشەکەی پشتڕاست کردووەتەوە و ڕایگەیاندووە: فڕۆکە جەنگییەکانی ئیسرائیل لە بەرزاییەکانی جۆلانەوە هاتوونەتە سەر ئاسمانی سوریا و چەند ئامانجێکیان لە نزیک دیمەش بۆردوومان کردووە.
🔹هەروەها ڕاشیانگەیاندووە کە سیستمی بەرگریی ئاسمانیی سوریا دژی هێرشەکە کارا بووەتەوە و بەردەوام دەبێت لە ڕووبەڕووبوونەوەی هێرشەکانی ئیسرائیل، سوپای سوریا بەڵام لەسەر زیانەکانی ئەو هێرشە، قسەی نەکردووە.
No comments:
Post a Comment