ئاگرکەوتنەوە لە کەمپێکی ئاوارە ئێزدییەکانی شەنگال لە شاری زاخۆ هەشت کوژراو و برینداری لێ کەوتەوە.
🔹ئاگرکەوتنەوەکە کاتژمێر دووی بەرەبیانی ئەمڕۆ لە کەمپی "بەرسڤێی ٢" لە شاری زاخۆ سەر بە هەرێمی بادینان ڕوویداوە.
🔹بەهۆی ڕووداوەکەوە باوکێک و دوو منداڵەکەی، گیانیان لەدەست داوە. پێنج هاوڵاتیی ئێزدیی دیکەش بریندار بوون.
🔹هێزەکانی ئاگرکوژێنەوە ڕایانگەیاندووە کە شۆرتی کارەبا هۆکاری ئاگرکەوتنەوەکە بووە.
🔹ئەمە جاری یەکەم نییە کە ئاگر لە کەمپەکانی ئاوارەکانی ئێزدیی هەرێمی بادینان ڕوودەدات. سەرەتای ساڵی ڕابردووش لە ڕووداوێکی هاوشێوەدا دوازدە خێوەتی کەمپێکی دیکەی ئێزدییەکان لە شاری زاخۆ ئاگری گرتبوو.
🔹ساڵی ٢٠١٤ دوای پەلاماری چەتەکانی داعش بۆسەر شەنگال، زۆربەی دانیشتووانی شارەکە، لە بیست کەمپی شارەکانی باشووری کوردستان، نیشتەجێ کراون. زۆربەی ئەو ئاوارانە لە ڕەوشێکی خراپدا بەسەر دەبەن.
🔹سەرەڕای ئەوەی چەند ساڵە هەرێمی شەنگال لە دەستی داعش ڕزگار کراوە، بەڵام بەهۆی خەمساردی و تەنانەت ئاستەنگییەکانی پەدەکەوە، بەشێکی زۆریان هێشتا نەیانتوانیوە بگەرێنەوە سەر ماڵەکانیان.
No comments:
Post a Comment