بە مووشەک هێرش کرایە سەر بنکەی سەربازانی ئەمریکا لە عەین ئەسەد

 

بە مووشەک هێرش کرایە سەر بنکەی سەربازانی ئەمریکا لە عەین ئەسەد

🔹میدیاکانی عێراق لە زاری سەرچاوە ئەمنییەکانی ئەو وڵاتەوە، ڕایانگەیاندوە، ئەمڕۆ دوو مووشەکی جۆری کاتیۆشا، ئاڕاستەی بنکەی عەین ئەسەد كراون لە پارێزگای ئەنبار، کە بنکەی سەربازیی هێزەکانی ئەمریکایە.

🔹سەرچاوەکە هیچ زانیاریەکی سەبارەت بەزیانەکانی ئەو هێرشە نەدرکاندوە،ڕاگەیاندنەکانی عێراقیش ئەلێن، هێرشەکە هیچ زەرەرو زیانێکی بە دواوە نەبووە.

🔹هەروەها شەوی ڕابردووش، چەند مووشەکێكی جۆری کاتیۆشا، ئاڕاستەی بنکەی ئاسمانیی بەلەد كران لە پارێزگای سەڵاحەدین.

🔹ئەمە لە کاتێکدایە شەوی دووشەممە، پێنج مووشەك ئاڕاستەی بنکەی سەربازیی ڤیکتۆریای ئەمریکی لە نزیك فڕۆکەخانەی نێودەوڵەتیی بەغدا کران

🔹ڕۆژی ١٤ی مانگی ڕابردوویش، لە ڕێگەی فڕۆکەی بیفڕۆکەوانەوە، هێرشکرایە سەر فڕۆکەخانەی نیودەوڵەتیی هەولێر.

🔹ئەو هێرشانە تەنها بریندار بوونی ژمارەیەک لە هێزەکانی هاوپەیمانان و کارمندانی بیانی بە دواوە بووە.

هەدەپە: سیاسەتی شەرخوازی دەسەڵات لە تورکیا قەیرانەکان قوڵتر دەکاتەوە

  

🔹دەستەی بەڕێوەبەری ناوەندی پارتی دیموکراتی گەلان – هەدەپە, لە بارەی پەلامارە داگیرکارانەکانی سوپای تورکیا بۆ سەر باشووری کوردستان ڕاگەیاندراوێکی بڵاو کردەوە و ئەلیت؛ سیاسەتی شەڕی دەسەڵات هەموو قەیرانێک قوڵتر دەکاتەوە.

🔹هەدەپە  ئەلێت:لە ساڵی ١٩٨٣ەوە و تا ئێستا لەژێر ناوی ‘ئاسایشی سنور’ هێرشی زەمینیی و ئاسمانی لە دژی باشوری کوردستان ئەنجام دەدات، ئەو ئۆپەراسیۆنانەی دەرەوەی سنوو تەنها قەیرانەکان قوڵتر دەکاتەوە.

🔹لە ڕاگەیاندراوەکەی دهەدەپەدا هاتووە، هۆکاری سەرەکی ئۆپەراسیۆنە سەربازییەکە بە ناوی ئاسایشی سنور، حسابنەکردنە بۆ کێشەی کورد و پێداگیریکردنە لە سیاسەتی شەڕ و ئاسایش، حسابنەکردن بۆ جێگرەوەی سیاسی بۆ چارەسەر کێشەکان، شەڕەکە قوڵتر دەکاتەوە و ناچارەسەری بەرەوپێشەوە دەبات

🔹هەدەپە جەختیشیکردوەتەوە کە تاکە رێگە ئەوەیە کە لەسەر بناغەی ئاشتەوایی و دیموکراسی و دیالۆگ و دانوستان هەوڵی چارەسەری بدرێت و بانگەوازی لە رای گشتی و دەزگاکان کرد لەم ڕووەوە ئەرکی خۆیان جێبەجێ بکەن.