ڕاپـۆرتێـک له‌باره‌ی سه‌ردانه‌که‌ی بان کی مون بۆ عێراق

ڕاپـۆرتێـک له‌باره‌ی سه‌ردانه‌که‌ی بان کی مون بۆ عێراق

لە چوارچێوەى سەردانەکەیدا بۆ عێراق بان کی مۆن ئەمیندارى گشتى نەتەوە یەکگرتووەکان سەردانى ئەنجومەنى نوێنەرانى عێراقى کرد و لەگەڵ نوێنەرانى پێکهاتە سیاسیـیه‌کانی پەرلەمانى عێراقدا کۆبوویەوە.

لەو دانیشتنەدا وێڕاى ئەوەى ئەمیندارى گشتى نەتەوە یەکگرتووەکان وتەیەکى پـێشکەشکرد لەسەر دۆخى ناوچەکە و بە تایبەت سوریا دەربارەى دواپێشهاتى سیاسى و بارگرژى هەرێم و بەغداش داوایکرد رێگای دیالۆگ و چارەسەرە دەستوریەکان بگیرێتەبەر راشیگەیاند نەتەوە یەکگرتووەکان نیگەرانە لەو دۆخەى ئێستا و خۆشحاڵیش بوو بەو نێوانکاریەى کە جورێک لە تێگەشتن و تەوافوقى لێکەوتووەتەوە.

لە کۆبوونەوەکەدا نوێنەرانى کورد رۆڵى نەتەوە یه‌کگرتووەکانیان بەرز نرخاند لە چارەسەرکردنى کێشەکان و رایانگەیاند کە هەرێمى کوردستان لەکەڵ رێگاچارەى ئاشتى و دیالۆگدایە و دژ بە لەشەکرکێشى و چڕکردنەوەى هێزى سەربازییە لە ناوچە کێشە لەسەرەکان. هەروەها دواکەوتنى جێبەجێکردنى مادەى 140 دەستوریش بە هۆکارى ئەو ئاڵۆزیانە ناوبرد و داوایکرد لە نەتەوە یەکگرتووەکان هاوکارى عێراق بکات لە پرسەیەدا.

ڕاپـۆرتی گۆران تۆفیق

http://www.dengiamerika.com/content/article/1559915.html