Komên çekdar 700 welatiyên Kurd revandin
réjymékéy Ésad le sopay azad xraptré u sopauý azadish lé réjymékéyEsad xraptéré
– Çekdarên Artêşa Azad li ser riya bajarê Heleb û Efrînê zêdetir ji 700 welatiyên sivîl ên Kurd revandin, her wiha hejmarek wesayît desteser kirin.
Çavkaniyekî nêzî Artêşa Azad ji ANHA’yê re ragihand ku komên çekdar ên girêdayî Artêşa Azad zêdetir ji 700 welatiyên sivîl ên Kurd li ser riya bajarê Heleb û Efrînê revandin. Her wiha hejmarek ji wesayîtên veguhastina baran li bajaroka Dartize destserkirin. Heman çavkanî destnîşan kir ku welatiyên hatine revandin niha li bajaroka Marêi ya Helebê ku di bin kontrola Tugaya El-Tewhîd hatine veşartin.
Li gorî çavkaniya da zanîn ku welatî rastî îşkenceyan tên û rewşa wan a tenduristî pir xerap e, ji ber ku hemû kesên hatine girtin di jêrzemînekê (Qebû) de ne û demeke dirêj av û nan ji ser wan hate qutkirin.
Li aliyekî din hate gotin ku komên çekdar gelek bazirganên ku sotemeniyî vedugihêzin herêma Efrînê girtin û riya bazirganiyê li ber kurda kirtine û tenê mirovên ereb dikarin bazirganiyê bikin.
Li aliyekî din ajokerkî kurd di riya telefonê re ji ANHA’yê re ragihand ku 2 Otopîsa wî ya ku ji Lubnanê dihatin Efrîn tevî rêwiyan li Dartizê hatin girtin. Her wijha heman komê 6 kemyonên ku deboyên benzînê li ser bûn jî li Daritîza ji aliyê komên çekdar ve hatine revandin.
گروپه‌چه‌ته‌کانى سه‌ربه‌سوپاى ئازاد (700) هاوڵاتى کوردیان رفاند
گروپه‌چه‌ته‌کانى سه‌ربه‌سوپاى ئازاد (700) هاوڵاتى کوردیان رفاند
گروپه‌چه‌ته‌کانى سوپاى ئازاد له‌سه‌ر رێگاى شارى حه‌له‌ب و عه‌فرین (700) هاوڵاتى کوردیان رفاند . هه‌وره‌ها ژماره‌یه‌ک ئۆتۆمبێلیشیان ده‌ستبه‌سه‌ر کرد .
سه‌رچاوه‌یه‌کى نزیک له‌سوپاى ئازاد به ANHA ى راگه‌یاند که گروپه‌چه‌ته‌کانى سه‌ربه‌سوپاى ئازاد (700) هاوڵاتى مه‌ده‌نى کوردیان له‌سه‌ر رێگاى حه‌له‌ب ــ عه‌فرین رفاندووه . هه‌روه‌ها ژماره‌یه‌ک ئۆتۆمبێلی بارهه‌ڵگریشیان له‌شارۆچکه‌ى دارتیزا ده‌سته‌به‌سه‌ر کردوون . هه‌مان سه‌رچاوه ده‌ستنیشانیشى کرد که ئه‌وهاوڵاتیانه‌ى رفێنراون ئێستا له‌شارۆچکه‌ى ماریاى سه‌ربه حه‌له‌ب که له‌ژێر کۆنترۆلى که‌تیبه‌ى ئه‌لته‌وحید دانه .
به‌گوێره‌ى سه‌رچاوه‌کان زانرا ئه‌و هاوڵاتیانه رووبه‌رووى ئه‌شکه‌نجه کراونه‌ته‌وه و بارودۆخى ته‌ندروستیان له‌مه‌ترسى دایه له‌به‌ر ئه‌وه‌ى هه‌موو ئه‌و که‌سانه‌ى ده‌ستگیرکراون له‌ژێر زه‌مینێک راگیراون تا ئێستا بێ نان و ئاو ماونه‌ته‌وه .
له‌لایه‌کى تر راگه‌یه‌ندرا گروپه‌چه‌کداره‌کان چه‌ندین بازرگانى ماده سوته‌مه‌نیه‌کانیان له‌شارى عه‌فرین گرتوون و رێگاى بازرگانیان له‌کورده‌کان گرتووه و به‌مه‌ش ته‌نیا که‌سانى عه‌ره‌ب ده‌توانن بازرگانى بکه‌ن .
هه‌روه‌ها له‌لایه‌کى تریش شوفێرێکى کورد به‌رێگاى ته‌له‌فۆن به ANHA ى راگه‌یاندووه که دوو پاسى نه‌فه‌رهه‌ڵگر که له‌لوبنان ده‌هاتن بۆ سوریا له‌سه‌ر رێگاى دارتیزا له‌گه‌ڵ سه‌رنشینه‌کانیان ده‌ستبه‌سه‌ر کراون . هه‌روه‌ها هه‌مان گروپ (6) ئۆتۆمبێلى بارهه‌ڵگری به‌نزینیان له‌دارتیزا رفاندووه .
سەر چاوە قەندیلپۆست
No comments:
Post a Comment