شاندی کۆنگره‌ی نه‌ته‌وه‌یی له‌رۆژئاوا، گه‌ڕانه‌وه باشووری کوردستان.
شاندی کۆمیته‌ی ئاماده‌کاری کۆنگره‌ی نه‌ته‌وه‌یی کورد به مه‌به‌ستی لێکۆڵینه‌وه له‌سه‌ر کۆمه‌ڵکوژکردن و هێرشه‌کانی سه‌ر رۆژئاوای کوردستان و به‌گشتی دۆخی هه‌نووکه‌یی کوردان، چووه رۆژئاوای کوردستان، شانده‌که که پێکهاتبوو له ( 9 ) که‌س، دوای ( 4 ) رۆژ لێکۆڵینه‌وه گه‌ڕانه‌وه باشووری کوردستان .
شاندی کۆمیته‌ی ئاماده‌کاری کۆنگره‌ی نه‌ته‌وه‌یی کورد که پێکهاتبوون له‌ئه‌ندامانی KCK ، BDP ، YNK ، PDK، یه‌کگرتووی ئیسلامی ، کۆمه‌ڵی ئیسلامی و پارتی دیموکراتی کوردستانی ئێران و به مه‌به‌ستی لێکۆڵینه‌وه له‌سه‌ر ره‌وشی گه‌لی کوردی رۆژئاوا و شه‌ڕ و پێکدادانه‌کانی دوایی ، له 19ی ئاب چوونه رۆژئاوای کوردستان . شانده‌که پاش لێکۆڵینه‌وه‌کانیان دوێنێ 23ی ئاب گه‌ڕانه‌وه باشووری کوردستان .
زانرا که شانده‌که له‌رۆژئاوای کوردستان له‌گه‌ڵ دام و ده‌زگا مه‌ده‌نی ، پارت و لایه‌نه سیاسیه‌کان ، رێکخراوی ژنان ، گه‌نجان ، دام و ده‌زگای بنه‌ماڵه‌ی شه‌هیدان ، ئه‌نجومه‌نی گه‌ل و هتد ... کۆبوونه‌وه‌ته‌وه‌و هه‌روه‌ها شوێنی شه‌ڕ و پێکدادانه‌کانیان به سه‌ر کردوه‌ته‌وه و له‌گه‌ڵ شایه‌تحاڵه‌کانی رووداوه‌کان کۆبوونه‌وه‌یان ئه‌نجام داوه .
راگه‌یه‌ندراوه شانده‌که له‌چه‌ند رۆژی داهاتوودا راپۆرتێک له‌سه‌ر بارودۆخی کوردانی رۆژئاوا و شه‌ڕ و پێکدادانه‌کان و کۆمه‌ڵکوژی کوردان ئاماده ده‌کات و راده‌ستی کۆمیته‌ی ئاماده‌کاری کۆنگره‌ی نه‌ته‌وه‌یی ده‌کرێت .
anf
No comments:
Post a Comment