یه‌كه‌م ژنه سه‌رۆكوه‌زیران له‌مێژووی به‌ریتانیا كۆچی دواییكرد
مارگرێت تاتچه‌ر سه‌رۆك وه‌زیرانی پێشوتری به‌ریتانیاو ناسراو به ژنه ( ئاسنینه‌كه) به‌هۆی دوچاربوونی به نه‌خۆشی جه‌ڵته‌ی مێشك ئه‌مڕۆ له ته‌مه‌نی 87 ساڵید كۆچی دواییكرد.
مارگرێت تاتچه‌ر له پارتی پارێزگارانی به‌ریتانیا له نێوان ساڵانی 1979 تا 1990 سه‌رۆكوه‌زیرانی به‌ریتانیا بوه، له‌مێژوی ئه‌و وڵاته‌دا به‌یه‌كه‌م ژن داده‌نرێت كه پۆستی سه‌رۆك وه‌زیرانی وڵاته‌كه‌ی وه‌رگرتوه.
تاتچه‌ر له ساڵی 1959 وه‌ك په‌رله‌مانتارو نوێنه‌ری بازنه‌ی ڤینشلی له باكوری له‌نده‌ن بۆته ئه‌ندامی په‌رله‌مانی به‌ریتانیاو پاشان پۆستی وه‌زاره‌تی په‌روه‌رده‌ی وڵاته‌كه‌ی وه‌رگرتوه‌و، به ژنه پۆڵایینه‌كه ناوبانگی ده‌ركردوه.
دێڤید كامیرۆن سه‌رۆك وه‌زیرانی به‌ریتانیا مردنی تاتچه‌ری به كاره‌ساتێكی مه‌زن بۆ وڵاته‌كه‌ی له قه‌ڵه‌مداو، ڕایگه‌یاند به‌ریتان سه‌كرده‌یه‌كی مه‌زنی خۆی له‌ده‌ستدا.
له‌به‌یاننامه‌یه‌كدا كۆشی پادشایه‌تی به‌ریتانیا ڕایگه‌یاند، پادشایه‌تی به‌ریتانیا زۆر دڵگرانه به‌مردنی تاتچه‌ر‌و، شاژنی به‌ریتانیا به‌و بۆنه‌یه‌وه نامه‌یه‌ك ئاراسته‌ی خێزانی سه‌رۆك وه‌زیرانی پێشووی به‌ریتانیا ده‌كات.
nrtv
No comments:
Post a Comment