Emrro sêşemme 2î nîsan bemebestî tawtiwêkirdnî derencamî konifransî sêyem ke heftey rabirdu

Emrro sêşemme 2î nîsan bemebestî tawtiwêkirdnî derencamî konifransî sêyem ke heftey rabirdu le rojaway kurdistan bestra, nwênerî gencanî beşdarbuy ew konifranse lekongreyekî rojnamewanîda namey ew konifranseyan xisterru, nwênerî rêkixrawekanî beşdar bûy konifranis rexneyan leeday rêkixrawî yekêtî lawan girt leber beşdar nebûnî lekonifransekew hewilldan bo letkirdnî gencanî kurd benaw kird.

Sebaret beheman babet komelley gencanî wllatparêzî kurdistan ke yekêk bû lew rêkixrawaney beşdarî konifransekey kirdbû bederkirdnî lêdwanêk hellwêstî xoy sebaret bekonifransekew hewilldanekan boşêwandinî konifranseke lelayen yekêtî lawanewe xiste rû.

Deqî rageyandrawekey komelley gencanî wllatparêzî kurdistan:

Babet/ runkirdnewe bo ray giştî kurdistan 

Sebart be sêyemîn konifransî neteweyî gencanî kurdistan

Pêş hemu ştêk ême wek komelley gencanî wllatparêzî kurdistan be pêwîstî ezanîn gelekeman le rudaw û pêşhatekanî kurdistan be taybet le bwarî neteweyîda agadar bkînewew rastyekan aşkra bkeyn. Wek gencan lewaneye kemu korrî zorman hebêt ke cêgay rexne bêt, bellam le bwarî netewîy bûnda hemukatêk rullî destipêşxerîman girtwete estu û hewllî cêbecêkirdnî erkekanman dawe.

Yek: em konifransey ke leberwarî(26.3.2013) le rojaway kurdistan û le şarî rmîlan be beşdarî bûnî(60) rîkixrawî gencan û(260) endam le sercem gencanî kurdistan pêkha tbû encamdra, be birryarî raspardekanî konifransî duwem ke le berwarî (16.3.2012) û le şarî hewlêr encamdra, be rêweçû. Wate ew layenaney ke êsta be behaney cyawaz em konifranse be "rewa" nabînin, katî xoy le hewlêr dengyan bem birryare dawew berprisn le beramber koy ew birryaraney lew konifranse gîrawn. Le ew çawpêkewtnaney ke le nêwan lîjney amadekarî konifranis û " yekêtî lawan" û ew rîkixrawaney nzîkin le syasetekanî partî dîmukratî kurdistanewe, ewe behane bû ke gwaye: rewşî emnî rojaway kurdistan lebar nîye bo bestinî em konifranse. Wllamî ême bo yekêtî lawan û berrêz omîd xuşnaw sikrêrî ew rêkixrawe emeye: ême pênc roj le rojaway kurdistan maynewew konifransî netewîy gencanman be serkutwane encamda, hîçman ne kujrayn û ne frrîndrayn. Be ray ême asayşî ew nawçane le zor şwênî trî kurdistan le bartru aramtre.

Duwem: bo çî nawbraw pêş konifranis basî hizbî bûnî konifransî nexiste rojevewe û dway konifranis basî em babetey kird? Heta pêş konifransî rmêllan nebûnî asayş hokarî beşdarî nekirdin bû, ey boçî êsta hokarekan egorrn? 

Eger em konifranse hizbîye ey bo çî berrêzyan îmeşyan agadar nekirdewe ke agadarî ew xalle bîn yan beşdarî têda nekeyn.? Be ray ême dway ewey ke yekêtî lawan bînî kêşey emnî le rojaway kurdistan nîyew konifranis lenaw keş û hewaêkî dîmukratî û aramda berrîwe eçêt, bo ewey xoy be heq der xat behaney duwemî xiste rojevewe bo ewey ew konifranse roş bkatewew rwayet be bestinî konifransêkî narrwa ke le layen hizbêkewe rêkxirwawe bdat.

Sêyem: eger bestinî konifranis le beşêkî îstratîjîkî kurdistan hizbî û na rewabêt ey bistnî em konifranse le kempî domîz û şarî dhok û lejêr desellatî yek part bellam be nawî cyawazewe çî naw enrêt .? Ey boçî bestinî konifransî duwem le şarî hewlêru hellwasînî hêma hizbyekan, hizbîkirdnî konifransî neteweyî nebû bellam êsta bestinî em konifranse le xoraway kurdistan hizbîye.? 

Çwarem: yekêtî lawan be zutrîn kat ebêt rûnkirdnewe bdat û ray giştî kurdistan, mîdyakan û betaybet gencan bem syasete qena'et pê bekat. 

Pêncem: ême em helluyistey yekêtî lawan be nadîmukratî, takrrewî û djî berjewendî netewîy gelî kurdî dezanîn. Bo ewey em konifranse nekrêt (28) katjimêr le snure destkirdekan rêgaman lê gîraw be şêwazêkî naşîrîn û dûr le hellwêstî netewey hellsukewtman legell kra. Ragirtin û dewripêçkirdinman le layen hêzêkî zorî zêrevanyewe yeywendî be be beşdarî nekirdnî yekêtî lawan û hêze peywendîdarekanewe hebû.çun eweş beşêk bû le sînarîwî puçellkirdnewey konifransî neteweyî gencanî kurdistan û amadekirdnî zemîne bo konifransî kempî domîz. Boye ême wek komelley gencanî wllatparêzî kurdistan em syasete şermezar ekeyn û dawa ekeyn be zutrîn kat yekêtî lawan û ew rêkixrawaney nzîkin le yekêtî lawanewe waz le helluyistî hizbgerayî bênin û zyatir le berjewendî tesk, bîr le berjewendye giştyekan bkenewe.

Legell rêzmanda 

Destey kargêrî komelley gencanî wllatparêzî kurdistan

Cêgay amajeye konifrasî sêyemî neteweyî gencanî kurd, lenêwan rojanî 26 bo 28î adar leşaroçkey rmêllanî rojaway kurdistan û bebeşdarî 260endamî rêkixrawekanî gencanî her çwarlay kurdistan bestra û dwatir le 29 xallda encam namey konifraseke xrayerru.

ANF - به‌همه‌ن ژاوه‌رۆیی

کۆنفرانسی سێهه‌م له‌سه‌ر داواکاری بارزانی له‌رۆژئاوای کوردستان به‌سترا

پاش کۆتایهاتنی کۆنفرانسی سێهه‌می لاوانی کورد له‌ شارۆچکه‌ی ڕومێڵان له‌ رۆژئاوای کوردستان که‌ به‌ به‌شداری (60) رێکخراوی گه‌نجانی هه‌ر چوارپارچه‌ی کوردستان ئه‌نجامدرا، رێکخراوه‌کانی گه‌نجانی سه‌ر به‌ پارتی دیموکراتی کوردستان که‌ به‌هۆکارێکی نادیار به‌شدارییان له‌ کۆنفرانسه‌که‌ی رومێلاندا نه‌کرد، ئێستاکه‌ له‌ ئاماده‌کاریدان ئه‌و کۆنفرانسه‌ له‌ کامپی دۆمیز ببه‌سترێته‌وه‌، به‌شداربوانی کۆنفرانسی رومێلانیش به‌ستنی کۆنفرانسێکی دیکه‌ به‌و ناوه‌وه‌ به‌ ناشه‌رعی ده‌زانن .

له‌و چوارچێوه‌یه‌شدا کاتژمێر 10:30خوله‌کى سه‌رله‌به‌یانى دوێنێ 2 ى نیسانى 2013 نوێنه‌رى به‌شێک له‌و ڕێکخراوانه‌ی که‌ له‌ سێهه‌مین کۆنفرانسى نه‌ته‌وه‌ى گه‌نجانى کوردستان به‌شداریان کردبوو له‌ پرێس  کۆنفرانسێکى ڕۆژنامه‌وانیدا له‌ هۆتێل پاڵاسى شارى سلێمانى سه‌باره‌ت به‌ ده‌رئه‌نجامه‌کانى سێهه‌مین کۆنفرانسى نه‌ته‌وه‌ى گه‌نجان و ئه‌و ده‌نگۆیانه‌ که‌ بڵاو کراونه‌ته‌وه‌ که‌ گوایا ئه‌و کۆنفرانسه‌ شه‌رعیه‌تى نیه‌ که‌ له‌ ڕۆژئاواى کوردستاندا به‌ڕێوه‌ چووه‌، لێدوانێکیان بۆ چاپه‌مه‌نییه‌کان و ڕاى گشتى ڕاگه‌یاند .

له‌ پرێس کۆنفرانسه‌دا 

په‌یامى سه‌رجه‌م نوێنه‌رى  ڕێکخراوه‌کان  به‌شێوه‌یه‌کى هاوبه‌ش ڕاگه‌یه‌ندرا تیادا ئاماژه‌ به‌ چه‌ند خاڵێکى گرنگ کرا و  جه‌خت له‌سه‌ر ئه‌وه‌ کرایه‌وه‌ که‌ سه‌رجه‌م ئه‌و ڕێکخراوانه‌ی که‌ له‌ کۆنفرانسى سێهه‌م به‌ژداریان کرد له‌ ڕۆژئاواى کوردستان، پا به‌ندى وته‌کانى سه‌رۆکى هه‌رێمى باشوری کوردستان بوون که‌ له‌ کۆنفرانسى دووهه‌مدا له‌ شارى هه‌ولێرى باشورى کوردستان به‌ڕێوه‌چوو. تیایدا سه‌رۆکى هه‌رێمى باشوری کوردستان ڕایگه‌یاند ده‌بێت کۆنفرانسى سێهه‌م له‌ ڕۆژئاواى کوردستاندا به‌ڕێوه‌ بچێت . 

گه‌نجان له‌و کۆنفرانسی رۆژنامه‌نووسییه‌دا رایانگه‌یاند :"سێهه‌مین کۆنفرانسى نه‌ته‌وه‌یى گه‌نجان که‌ له‌ ڕۆژئاواى کوردستاندا به‌ شێوه‌یه‌کى سه‌رکه‌وتووى به‌ڕێوه‌چوو و تیایدا گه‌نجانى هه‌موو به‌شه‌کانى کوردستان به‌ژداریان کرد، ئه‌نجامنامه‌که‌شى بۆ ڕاى گشتى ڕاگه‌یه‌ندراوه‌. ئێمه‌ وه‌کو ئه‌و رێکخراوه‌ به‌شداربووانه‌ ڕایده‌گه‌یه‌نن هه‌موو ئه‌و رێکخراوانه‌ شه‌رمه‌زار ده‌که‌ین که‌ به‌شداری هه‌ر کۆنفرانسێکی ناشه‌رعیانه‌ و دووباره‌ بکاته‌وه‌ .. " 

هاوکات ئه‌وه‌ش خرایه‌ روو که‌ کۆنفرانسی سێهه‌م شه‌رعیه‌تى له‌ کۆنفرانسى دووهه‌مدا وه‌رگرتووه‌ که‌ تیایدا هه‌موو ئه‌و ڕێکخراوانه‌ به‌ژداریان له‌ کۆنفرانسى دووهه‌مدا کرد و له‌ کۆنفرانسى دووهه‌مدا بڕیار له‌سه‌ر به‌رێوه‌چونى  کۆنفرانسى سێهه‌م له‌ ڕۆژئاواى کوردستان درا و هه‌روه‌ها رایانگه‌یاند :"رێکخراوه‌ به‌شداربووه‌کانی سێهه‌مین کۆنفرانسی نه‌ته‌وه‌یی گه‌نجانی کورد هه‌ر هه‌مان ئه‌و ڕێکخراوانه‌ بوون که‌ له‌ کۆنفرانسى دووهه‌میشدا نوێنه‌رایه‌تی گه‌نجانى هه‌موو به‌شه‌کانى کوردستان به‌شداریان کرد . ئامانجى ئه‌و ڕێکخراوانه‌ که‌ به‌ژداریان له‌ سێهه‌مین کۆنفرانسى نه‌ته‌وه‌ى گه‌نجان نه‌کرد له‌ ڕۆژئاواى کوردستان؛ ئه‌وه‌یه‌ هه‌وڵى ئه‌وه‌ ده‌ده‌ن پرسى نزیکبونه‌وه‌ى یه‌کێتى نه‌ته‌وه‌ى گه‌نجان په‌راوێز بخه‌ن هه‌روه‌ها ئه‌م کاره‌یان به‌ هه‌ڵوێستێکى ناڕه‌وا وه‌سفکرا وهیواشیان خواست به‌خۆیاندا بچنه‌وه‌و ئه‌و لایانانه.‌ که‌ به‌ژداریان له‌ کۆنفرانسه‌که‌ نه‌ کرده‌وه‌ ئه‌گه‌رچى هاوکارو پاڵپشتى گه‌نجاى هه‌موو به‌شه‌کانى کوردستان ناکه‌ن هه‌وڵ بدرێت هه‌ڵوێست دژى په‌راوێز خستنى یه‌کێتى نه‌ته‌وه‌ى گه‌نجان نه‌درێت."

له‌ کۆتایدا سه‌رجه‌م نوێنه‌رى ئه‌و ڕێکخراوانه‌ که‌ له‌ پرێس کۆنفرانسه‌که‌دا ئاماده‌بون جه‌ختیان له‌سه‌ر یه‌ک هه‌ڵوێستى و یه‌ک په‌یامى خۆیان بۆ ڕاى گشتى کرده‌وه‌ .